ഈ ചൂട് സമയത്ത് അസുഖങ്ങൾ പിടിപെടാതിരിക്കാൻ ശ്രദ്ധിക്കേണ്ട കാര്യങ്ങൾ

ഈ ചൂട് സമയത്ത് ഭക്ഷണം പെട്ടെന്ന് കേടാകാനുള്ള സാധ്യത കൂടുതലാണ്. ഈ സമയത്ത് ഭക്ഷണത്തിൽ ബാക്ടീരിയകളും മറ്റ് ഫം​ഗസുകളുമൊക്കെ വേ​ഗത്തിൽ ഉണ്ടാകാം. അതുകൊണ്ട് കഴിക്കുന്ന ഭക്ഷണങ്ങൾ നല്ലതാണെന്ന് ഉറപ്പ് വരുത്തുക. കൈകൾ ശരിയായി കഴുകി വ്യത്തിയാക്കിയ ശേഷം മാത്രം ഭക്ഷണം കഴിക്കുക

അതികഠിനമായ ചൂടാണ് എല്ലായിടത്തും. ചൂട് കൂടുമ്പോൾ പല തരത്തിലുള്ള രോ​ഗങ്ങളും പിടിപെടാം. ചൂട് കൂടുമ്പോൾ ഉണ്ടാകുന്ന് ചർമ്മത്തിലെ പ്രശ്നങ്ങൾ, നേത്ര രോ​ഗങ്ങൾ, ചിക്കൻ പോക്സ് തുടങ്ങി ധാരാളം രോ​ഗങ്ങൾക്കുള്ള മുൻകരുതകലുകൾ എടുക്കേണ്ടത് ഏറെ പ്രധാനമാണ്. കുട്ടികൾ, പ്രായമായവർ, രോ​ഗികൾ എന്നിവരെല്ലാം പുറത്ത് പോകുമ്പോൾ പ്രത്യേകം ശ്രദ്ധിക്കേണ്ടത് വളരെ പ്രധാനമാണ്. ഈ ചൂട് കാലത്ത് ശ്രദ്ധിക്കേണ്ട ചില കാര്യങ്ങളെ കുറിച്ചാണ് ഇനി പറയുന്നത്...‌

ഒന്ന്

രാവിലെ 11 മുതൽ ഉച്ചയ്ക്ക് മൂന്ന് വരെയുള്ള വെയിൽ ഏൽക്കാതിരിക്കാൻ പ്രത്യേകം ശ്രദ്ധിക്കുക. പ്രായമായവർ, കുട്ടികൾ, ​ഗർഭിണികൾ എന്നിവർ ഈ സമയങ്ങളിൽ അതീവ ജാ​ഗ്രത പാലിക്കുക. ഈ സമയങ്ങളിലെ ജോലി ഒഴിവാക്കുന്നതാണ് ഏറെ നല്ലത്. നേരിട്ട് സൂര്യപ്രകാശം ഏൽക്കുന്നത് സൂര്യാഘാതത്തിനുള്ള സാധ്യത കൂട്ടുന്നു.

രണ്ട്

ധാരാളം വെള്ളം കുടിക്കേണ്ടതാണ് ശ്രദ്ധിക്കേണ്ട മറ്റൊരു കാര്യം. ഈ സമയത്ത് നിർജ്ജലീകരണം ഒഴിവാക്കാൻ വെള്ളം ധാരാളം കുടിക്കണം. ശരീരത്തിലെ അനാവശ്യ വിഷാംശങ്ങൾ പുറന്തള്ളാൻ, അവയവങ്ങളെ സംരക്ഷിക്കാനുമൊക്കെ വെള്ളം അത്യാവശ്യമാണ്. ധാരാളം വെള്ളം കുടിക്കുന്നത് ആരോ​ഗ്യത്തെ സംരക്ഷിക്കാൻ ഏറെ നല്ലതാണ്.

മൂന്ന്

ഈ ചൂട് സമയത്ത് ഭക്ഷണം പെട്ടെന്ന് കേടാകാനുള്ള സാധ്യത കൂടുതലാണ്. ഈ സമയത്ത് ഭക്ഷണത്തിൽ ബാക്ടീരിയകളും മറ്റ് ഫം​ഗസുകളുമൊക്കെ വേ​ഗത്തിൽ ഉണ്ടാകാം. അതുകൊണ്ട് കഴിക്കുന്ന ഭക്ഷണങ്ങൾ നല്ലതാണെന്ന് ഉറപ്പ് വരുത്തുക. കൈകൾ ശരിയായി കഴുകി വ്യത്തിയാക്കിയ ശേഷം മാത്രം ഭക്ഷണം കഴിക്കുക.

നാല്

ചെങ്കണ്ണ് പോലെയുള്ള അസുഖങ്ങൾ ഈ ചൂട് കാലത്ത് പിടിപെടാം.. ഇത് ഒഴിവാക്കാൻ പ്രത്യേകം മുൻകരുതലുകൾ എടുക്കണം. കൃത്യമായ ഇടവേളകളിൽ കണ്ണുകൾ കഴുകുക. അധികമായി കണ്ണുകൾ ചൊറിയുന്നത് ഒഴിവാക്കുക.

അഞ്ച്

ചൂട് കാലത്ത് വിവിധ ചർമ്മരോ​ഗങ്ങൾ പിടിപെടാം. അമിതമായ വിയർപ്പ് പല തരത്തിലുള്ള ചർമ്മ പ്രശ്നങ്ങളുണ്ടാക്കാൻ കാരണമായേക്കാം. കൃത്യമായ അളവിൽ വെള്ളം കുടിക്കുന്നത് ശരീരത്തിന് അകത്തും പുറത്തും കുളിർമ നൽകാൻ സഹായിക്കും.