Health Tips : വണ്ണം കുറയ്ക്കാൻ ഡയറ്റിലാണോ? എങ്കിൽ പാചകത്തിന് ഈ എണ്ണകൾ ഉപയോ​ഗിച്ചോളൂ

പാചകത്തിന് ഉപയോഗിക്കാൻ കഴിയുന്ന ഏറ്റവും ആരോഗ്യകരമായ എണ്ണകളിൽ ഒന്നാണ് ഒലീവ് ഓയിൽ. വിറ്റാമിൻ ഇ, മോണോസാച്ചുറേറ്റഡ് കൊഴുപ്പുകൾ, പ്രധാനമായും ഒലിക് ആസിഡ് എന്നിവ ഇതിൽ അടങ്ങിയിരിക്കുന്നു.  

വണ്ണം കുറയ്ക്കുന്നതിനായി ഡയറ്റ് നോക്കാൻ തുടങ്ങുമ്പോൾ മിക്കവരും എണ്ണകൾ ഒഴിവാക്കാറുണ്ട്. എന്നാൽ എണ്ണകൾ ഉൾപ്പെടുത്തി കൊണ്ടുള്ള ഡയറ്റ് തന്നെ പിന്തുടരുന്നതാണ് കൂടുതൽ ആരോ​ഗ്യകരം. എണ്ണയിൽ കലോറി കൂടുതലാണെന്ന് പേടിച്ചാണ് പലരും എണ്ണകൾ ഒഴിവാക്കുന്നത്. ഓരോ ടേബിൾസ്പൂണിലും പരമാവധി കലോറി അടങ്ങിയിരിക്കുന്നു. എന്നാൽ എല്ലാ എണ്ണകളും അപകടകാരികളല്ല.

ചില എണ്ണകൾ മിതമായി കഴിക്കുമ്പോൾ ഭാരം കുറയ്ക്കാൻ സഹായിക്കുന്നു. ഈ എണ്ണകൾ വീക്കം കുറയ്ക്കാനും ഹൃദയത്തെ ആരോഗ്യകരമായി നിലനിർത്താനും സഹായിക്കും. വെയ്റ്റ് ലോസിന് ഡയറ്റിൽ‌ നോക്കുന്നവർ നിങ്ങളുടെ ഡയറ്റ് പ്ലാനിൽ‌ ഉൾപ്പെടുത്തേണ്ട ചില പ്രധാനപ്പെട്ട ഓയിലുകളെ കുറിച്ചാണ് ഇനി പറയുന്നത്..

ഒലീവ് ഓയിൽ

പാചകത്തിന് ഉപയോഗിക്കാൻ കഴിയുന്ന ഏറ്റവും ആരോഗ്യകരമായ എണ്ണകളിൽ ഒന്നാണ് ഒലീവ് ഓയിൽ. വിറ്റാമിൻ ഇ, മോണോസാച്ചുറേറ്റഡ് കൊഴുപ്പുകൾ, പ്രധാനമായും ഒലിക് ആസിഡ് എന്നിവ ഇതിൽ അടങ്ങിയിരിക്കുന്നു. പൂരിത കൊഴുപ്പുകൾക്ക് പകരം മോണോസാച്ചുറേറ്റഡ് കൊഴുപ്പുകൾ ഉപയോഗിച്ച അമിതഭാരമുള്ള പുരുഷന്മാർക്ക് കലോറി കുറയ്ക്കാതെ തന്നെ മിതമായതും എന്നാൽ ഗണ്യമായതുമായ ഭാരം കുറയുന്നതായി കണ്ടെത്തി. കാരണം, അപൂരിത കൊഴുപ്പുകൾ അിത വിശപ്പ് തടയുന്നു. സാലഡിലോ വേവിച്ച പച്ചക്കറികളിലോ അൽപം ഒലിവ് ഓയിൽ ചേർത്ത് കഴിക്കാവുന്നതാണ്. കാരണം ഇത് മണവും രുചിയും വർദ്ധിപ്പിക്കും.

എള്ളെണ്ണ

എള്ളെണ്ണയിൽ ആന്റിഓക്‌സിഡന്റുകളായ സെസാമോൾ, സെസാമിനോൾ എന്നിവ അടങ്ങിയിട്ടുണ്ട്. ഇവ ഓക്‌സിഡേറ്റീവ് സമ്മർദ്ദത്തെയും വീക്കത്തെയും ചെറുക്കുന്നു. എള്ളെണ്ണ കഴിച്ച പങ്കാളികൾക്ക് ശരീരഭാരം, ബോഡി മാസ് ഇൻഡക്‌സ്, ശരീരത്തിലെ കൊഴുപ്പ് ശതമാനം എന്നിവയിൽ ഗണ്യമായ കുറവ് അനുഭവപ്പെട്ടു. ഒരു ദിവസം ഒരു ടേബിൾസ്പൂൺ എള്ളെണ്ണ ഭക്ഷണത്തിൽ ഉൾപ്പെടുത്താവുന്നതാണ്.

അവക്കാഡോ ഓയിൽ

അവക്കാഡോ ഓയിൽ പോഷകങ്ങളുടെ കലവറയാണ്. ഹൃദയാരോഗ്യത്തിന് ഗുണം ചെയ്യുന്ന മോണോസാച്ചുറേറ്റഡ് കൊഴുപ്പുകളാൽ സമ്പുഷ്ടമാണിത്. ഇത് മെറ്റബോളിസം വർദ്ധിപ്പിക്കുകയും ചെയ്യും. ഇത് കൊഴുപ്പ് ലയിക്കുന്ന വിറ്റാമിനുകളെ (എ, ഡി, ഇ, കെ) ആഗിരണം ചെയ്യാൻ സഹായിക്കുകയും ചർമ്മത്തിന്റെയും ഹൃദയത്തിന്റെയും ആരോഗ്യത്തെ പിന്തുണയ്ക്കുകയും ചെയ്യുന്നു.

സഫ്ലവർ ഓയിൽ

കുങ്കുമ എണ്ണ രക്തത്തിലെ പഞ്ചസാര, കൊളസ്ട്രോൾ, ചർമ്മത്തിലെ വീക്കം എന്നിവ മെച്ചപ്പെടുത്തും. ഇത് ഫാറ്റി ആസിഡുകളുടെ ഉറവിടമാണ്, ഇത് ഹൃദയാരോഗ്യത്തിന് സഹായിച്ചേക്കാം. ഇത് ശരീരത്തിന് വിറ്റാമിനുകളെ ആഗിരണം ചെയ്യാനും രക്തത്തിലെ പഞ്ചസാരയെ നിയന്ത്രിക്കാനും സഹായിക്കുന്നു. ഇവ രണ്ടും ശരീരഭാരം സന്തുലിതമാക്കുന്നതിന് നിർണായകമാണ്.