ഡിഎംകെ നേതാവ് അൻപിൽ മഹേഷിനെ അറസ്റ്റ് ചെയ്ത് ചെന്നൈ പൊലീസ്; 100 കോടിയുടെ കോഴക്കേസിൽ അറസ്റ്റ്

വിദ്യാഭ്യാസ വകുപ്പുമായി ബന്ധപ്പെട്ട അനുമതികൾക്കായി കൈക്കൂലി വാങ്ങി എന്നാണ് കേസ്. ചെന്നൈയിലെ അപ്പാർട്മെന്റിൽ നിന്നാണ് അറസ്റ്റ് ചെയ്തത്.

ചെന്നൈ: 100 കോടി രൂപയുടെ കൈക്കൂലി കേസിൽ തമിഴ്നാട്ടിലെ മുൻ സ്കൂൾ വിദ്യാഭ്യാസ മന്ത്രിയും ഡിഎംകെ നേതാവും ആയ അൻപിൽ മഹേഷ്‌ അറസ്റ്റിൽ. സ്വകാര്യ സ്‌കൂളുകളുടെ അംഗീകാരത്തിനായി പാർട്ടി ഫണ്ട് എന്ന പേരിൽ കൈക്കൂലി വാങ്ങിയെന്ന കേസിൽ ആണ്. ചെന്നൈ പോലീസിന്റെ സിസിബി വിഭാഗം അറസ്റ്റ് ചെയ്തത്. രാവിലെ മഹേഷിന്‍റെ മുൻ‌കൂർ ജാമ്യാപേക്ഷ മദ്രാസ് ഹൈക്കോടതി തള്ളിയിരുന്നു. പിന്നാലെ ചെന്നൈയിലെ അപ്പാര്‍ട്ട്മെന്‍റിൽ നിന്ന് കസ്റ്റഡിയിൽ എടുത്ത മഹേഷിനെ, സിറ്റി പൊലീസ് കമ്മീഷണരുടെ ഓഫീസിൽ എത്തിച്ചു. മുൻ എംഎൽഎ അടക്കം 2 ഡിഎംകെ നേതാക്കൾ വഴി ഇരുന്നുറോളം സ്‌കൂൾ മാനേജ്മെന്റിൽ നിന്ന് കോഴ വാങ്ങിയെന്നാണ് കേസ്. സ്റ്റാലിൻ മന്ത്രിസഭയിൽ അംഗമായിരുന്ന മഹേഷ്‌ ഉദയനിധിയുടെ അടുത്ത സുഹൃത്തണ്. സ്റ്റാലിൻ രാഷ്ട്രീയം മതിയാക്കണമെന്ന് ടിവികെ മന്ത്രി രാജ്‌മോഹൻ പറഞ്ഞു.