അമേഠിയിലെ കോണ്ഗ്രസ് ഓഫീസിന് നേരെ ആക്രമണം; വാഹനങ്ങള് അടിച്ചുതകര്ത്തു, പിന്നില് ബിജെപി എന്ന് കോണ്ഗ്രസ്
Synopsis
ബിജെപി പ്രവര്ത്തകരാണ് ഓഫീസ് ആക്രമിച്ചത് എന്ന് കോണ്ഗ്രസ് ആരോപിച്ചു
അമേഠി: ഉത്തര്പ്രദേശിലെ അമേഠിയിലുള്ള കോണ്ഗ്രസ് പാര്ട്ടി ഓഫീസ് അജ്ഞാതര് ആക്രമിച്ചതായി വാര്ത്താ ഏജന്സിയായ ഐഎഎന്എസിന്റെ റിപ്പോര്ട്ട്. ഞായറാഴ്ച അര്ധരാത്രിയോടെയുണ്ടായ ആക്രമണത്തില് ഓഫീസിന് പുറത്ത് നിര്ത്തിയിട്ടിരുന്ന വാഹനങ്ങള് ആക്രമികള് അടിച്ചുതകര്ത്ത ശേഷം കടന്നുകളഞ്ഞു. ലോക്സഭ തെരഞ്ഞെടുപ്പ് 2024ല് അമേഠിയിലെ പ്രചാരണം സജീവമാകുന്നതിനിടെയാണ് കോണ്ഗ്രസ് ഓഫീസ് അജ്ഞാതര് ആക്രമിക്കുന്ന സംഭവമുണ്ടായത്. ബിജെപി പ്രവര്ത്തകരാണ് ഓഫീസ് ആക്രമിച്ചത് എന്ന് കോണ്ഗ്രസ് ആരോപിച്ചു. എന്നാല് സംഭവത്തില് പ്രതികളെ ആരെയും പിടികൂടിയിട്ടില്ല.
സംഭവത്തെ തുടര്ന്ന് കോണ്ഗ്രസ് പാര്ട്ടി പ്രവര്ത്തകര് സ്ഥലത്ത് പ്രതിഷേധിച്ചു. കോൺഗ്രസ് ജില്ലാ പ്രസിഡന്റ് പ്രദീപ് സിംഗൽ അമേഠിയിലെ പാർട്ടി ഓഫീസിലെത്തി സ്ഥിതിഗതികള് വിലയിരുത്തി. സ്ഥലത്ത് കനത്ത സുരക്ഷയാണ് ഏര്പ്പെടുത്തിയിരിക്കുന്നത്. സംഭവത്തെ കുറിച്ച് വിശദമായി അന്വേഷിക്കുമെന്നും കുറ്റക്കാര്ക്കെതിരെ നടപടി സ്വീകരിക്കുമെന്നും പൊലീസ് വ്യക്തമാക്കി.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam