ഭക്ഷണത്തിനായി കരഞ്ഞാല്‍ കുട്ടിയ്ക്ക് മദ്യപാനിയായ അച്ഛന്‍ പാല്‍കുപ്പിയില്‍ മദ്യം നല്‍കാറുണ്ടായിരുന്നു എന്ന് അയല്‍വാസികൾ പൊലീസിനോട് പറഞ്ഞു.
ദില്ലി: മദ്യം നൽകാൻ ശ്രമിച്ച അച്ഛനിൽ നിന്നും മൂന്ന് വയസായ കുഞ്ഞിനെ ദില്ലി വനിതാ കമ്മീഷൻ രക്ഷപ്പെടുത്തി. ആരോഗ്യനില വഷളായതിനെ തുടർന്ന് കുട്ടിയെ അടുത്തുള്ള സ്വകാര്യ ആശുപത്രിയിൽ പ്രവേശിപ്പിച്ചുതായി പൊലീസ് അറിയിച്ചു.
വൃത്തിഹീനമായ ചുറ്റുപാടിൽ ജീവിച്ച കുട്ടിക്ക് മതിയായ ആഹാരം ലഭിച്ചിരുന്നില്ലെന്നും അതുകൊണ്ടു തന്നെ കുട്ടിയുടെ ആരോഗ്യ നില അതീവ ഗുരുതരമായി തുടരുകയാണെന്നും ആശുപത്രി അധികൃതർ അറിയിച്ചു. അതേസമയം ഭക്ഷണത്തിനായി കരഞ്ഞാല്‍ കുട്ടിയ്ക്ക് മദ്യപാനിയായ അച്ഛന്‍ പാല്‍കുപ്പിയില്‍ മദ്യം നല്‍കാറുണ്ടായിരുന്നു എന്ന് അയല്‍വാസികൾ പൊലീസിനോട് പറഞ്ഞു.
വൃത്തി ഹീനമായ ചുറ്റുപാടിൽ വളർന്നതുകൊണ്ട് കുട്ടിയുടെ സ്വകാര്യ ഭാഗങ്ങളിൽ അണുബാധ ഉണ്ടായിട്ടുണ്ടെന്നും ഡോക്ടർന്മാർ അറിയിച്ചു. 181 ഹെല്‍പ്പ്ലൈനില്‍ പരാതി ലഭിച്ചതിന്റെ അടിസ്ഥാനത്തിൽ ദില്ലി വനിത കമ്മീഷന്‍ കഴിഞ്ഞ വെള്ളിയാഴ്ചയാണ് കുട്ടിയെ രക്ഷപ്പെടുത്തിയത്.