മുംബൈയ്ക്ക് സമീപം റെയിൽവേ സ്റ്റേഷൻ വളപ്പിൽ വെടിവെപ്പ്; ഒരാൾ കൊല്ലപ്പെട്ടു; പരിഭ്രാന്തരായി യാത്രക്കാർ

ബുധനാഴ്ച വൈകിട്ടാണ് റെയിൽവേ സ്റ്റേഷൻ പരിസരത്ത് വെടിവെപ്പുണ്ടായത്. സംഭവത്തെത്തുടർന്ന് യാത്രക്കാരും നാട്ടുകാരും പരിഭ്രാന്തരായി.

മുംബൈ: മുംബൈയ്ക്ക് സമീപം ഉൽഹാസ്ന​ഗർ റെയിൽവേ സ്റ്റേഷൻ വളപ്പിലുണ്ടായ വെടിവെപ്പിൽ ഒരാൾ കൊല്ലപ്പെട്ടു. ഹരീഷ് ​ഗജ്വാനി എന്നയാളാണ് കൊല്ലപ്പെട്ടത്. ബുധനാഴ്ച വൈകിട്ടാണ് റെയിൽവേ സ്റ്റേഷൻ പരിസരത്ത് വെടിവെപ്പുണ്ടായത്. സംഭവത്തെത്തുടർന്ന് യാത്രക്കാരും നാട്ടുകാരും പരിഭ്രാന്തരായി.

റെയിൽവേ സ്റ്റേഷനിലെത്തിയ അക്രമികൾ ഹരീഷിന് നേരേ രണ്ടുറൗണ്ട് വെടിയുതിർത്തതായാണ് റിപ്പോർട്ട്. സംഭവത്തിന് പിന്നാലെ അക്രമികൾ ഓടിരക്ഷപ്പെടുകയും ചെയ്തു. മുൻവൈരാ​ഗ്യമാണ് കൊലപാതകത്തിന് കാരണമെന്നാണ് പ്രാഥമിക നി​ഗമനം. എന്നാൽ, ഇക്കാര്യം പൊലീസ് സ്ഥിരീകരിച്ചിട്ടില്ല. സംഭവത്തിൽ അന്വേഷണം ആരംഭിച്ചതായി പൊലീസ് അറിയിച്ചു.