ഇൻഡിഗോ വിമാനം ലാൻഡ് ചെയ്യേണ്ടിയിരുന്നത് രാത്രി 8:40ന്, എത്തിയത് 9:24ന്, നിലത്തിറക്കിയതും ഭീഷണി സന്ദേശം; ഫ്ലൈറ്റ് സുരക്ഷിതമെന്ന് അധികൃതർ
Synopsis
ദില്ലിയിൽ നിന്ന് പൂനെയിലേക്ക് സർവീസ് നടത്തിയ ഇൻഡിഗോ 6E 2608 വിമാനത്തിന് ബോംബ് ഭീഷണി സന്ദേശം. വിമാനം പൂനെയിൽ ലാൻഡ് ചെയ്ത ശേഷമാണ് ഭീഷണി സന്ദേശം ലഭിച്ചത്. തുടർന്ന് നടത്തിയ പരിശോധനയിൽ സംശയാസ്പദമായി ഒന്നും കണ്ടെത്താനായില്ല.
ദില്ലി: ഇന്നലെ സർവ്വീസ് നടത്തിയ ഇൻഡിഗോ ഫ്ലൈറ്റ് 6E 2608 വിമാനത്തിൽ ബോംബ് ഭീഷണിയുണ്ടായതായി അധികൃതർ. ദില്ലി- പൂനെ ഫ്ലൈറ്റിലാണ് സംഭവം. വ്യാഴാഴ്ച വൈകിട്ട് പൂനെയിലെവിമാനത്താവളത്തിൽ എത്തിയ വിമാനത്തിനാണ് ബോംബ് ഭീഷണി ഉണ്ടായത്. രാത്രി 8:40ന് എത്തേണ്ട ഫ്ലൈറ്റ് 9:24ന് ആണ് ലാൻഡ് ചെയ്തത്. നിലത്തിറക്കിയ ഉടൻ ഭീഷണി സന്ദേശം ലഭിച്ചുവെന്നും എന്നാൽ പരിശോധനയിൽ സംശയകരമായ ഒന്നും കണ്ടെത്തിയില്ലെന്നും അധികൃതർ അറിയിച്ചു.
9:27ന് ബേ നമ്പർ 3ൽ നിർത്തിയിട്ടിരുന്ന ഇൻഡിഗോ 6E 2608 വ്യാജ ഭീഷണി സന്ദേശത്തെത്തുടർന്ന് ഐസൊലേഷൻ ബേയിലേക്ക് മാറ്റി. ബിടിഎസി ഉൾപ്പെടെ പൂർണമായ പരിശോധനയും നടത്തി. ഇതിന് ശേഷം സുരക്ഷാ പരിശോധനകൾ പൂർത്തിയാക്കിയ ശേഷം വിമാനത്തെ സാധാരണ പ്രവർത്തനങ്ങൾക്ക് വിട്ടുനൽകിയെന്നും ഇൻഡിഗോ അധികൃതർ അറിയിക്കുകയായിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam