ഇൻഡി​ഗോ വിമാനത്തിന് ഇടിമിന്നലേറ്റു, ലഖ്നൗ വിമാനത്താവളത്തിൽ അടിയന്തര ലാൻഡിങ്; വിമാനത്തിന് കേടുപാട്

ബുധനാഴ്ച രാത്രിയോടെയായിരുന്നു സംഭവം. 17,000 അടി ഉയരത്തിൽ പറക്കുന്നതിനിടെയാണ് വിമാനത്തിന് മിന്നലേറ്റത്. മിന്നലേറ്റ് വിമാനത്തിന്റെ മുൻഭാ​ഗത്തിന് കേടുപാടുകൾ സംഭവിച്ചു. ഇതിനുപിന്നാലെ നിർദിഷ്ട സമയത്തിനും എട്ടുമിനിറ്റ് മുൻപേ വിമാനം അടിയന്തര ലാൻഡിങ് നടത്തുകയായിരുന്നു.

ലഖ്നൗ: ഇടിമിന്നലേറ്റതിനെത്തുടർന്ന് ഇൻഡി​ഗോ വിമാനത്തിന് ലഖ്നൗ വിമാനത്താവളത്തിൽ അടിയന്തര ലാൻഡിങ്. പട്ന-ലഖ്നൗ ഇൻഡി​ഗോ വിമാനമാണ് ലഖ്നൗ വിമാനത്താവളത്തിൽ അടിയന്തര ലാൻഡിങ് നടത്തിയത്. വിമാനം സുരക്ഷിതമായി ലാൻഡ് ചെയ്തെന്നും വിമാനത്തിലെ 104 യാത്രക്കാരും ആറ് ജീവനക്കാരും സുരക്ഷിതരാണെന്നും അധികൃതർ അറിയിച്ചു.

ബുധനാഴ്ച രാത്രിയോടെയായിരുന്നു സംഭവം. 17,000 അടി ഉയരത്തിൽ പറക്കുന്നതിനിടെയാണ് വിമാനത്തിന് മിന്നലേറ്റത്. മിന്നലേറ്റ് വിമാനത്തിന്റെ മുൻഭാ​ഗത്തിന് കേടുപാടുകൾ സംഭവിച്ചു. ഇതിനുപിന്നാലെ നിർദിഷ്ട സമയത്തിനും എട്ടുമിനിറ്റ് മുൻപേ വിമാനം അടിയന്തര ലാൻഡിങ് നടത്തുകയായിരുന്നു.

സംഭവത്തിൽ ഡിജിസിഎ(ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ) അന്വേഷണം ആരംഭിച്ചിട്ടുണ്ട്. ഡിജിസിഎയുടെ പരിശോധനയ്ക്ക് ശേഷം മാത്രമേ ഇനി വിമാനം സർവീസ് നടത്തുകയുള്ളൂ.