മാർഷ്യൽ ആർട്ടിസ്റ്റായ വിദേശയുവതിയെ പീഡിപ്പിക്കാൻ ശ്രമിച്ച് കാഷായവേഷധാരി, ഇടിച്ചുപരത്തി പൊലീസിലേൽപ്പിച്ച് യുവതി

ആയോധനകലയിൽ ഉന്നത പരിശീലനം നേടിയിട്ടുള്ള ഒരാളാണ് ആ അമേരിക്കൻ യുവതിയെന്നു മാത്രം അയാൾക്ക് അറിയില്ലായിരുന്നു.    

മുപ്പതുകാരിയായ ഒരു അമേരിക്കൻ യുവതിയെ ആളൊഴിഞ്ഞ ഒരിടത്തുവെച്ച് ബലാത്സംഗം ചെയ്യാൻ ശ്രമിച്ച മുപ്പത്തിനാലുകാരനെ പ്രത്യാക്രമണത്തിലൂടെ പരിക്കേൽപ്പിച്ച് പൊലീസിന് കൈമാറി. ക്ഷേത്ര നഗരമായ തിരുവണ്ണാമലൈയിലാണ് സംഭവം. 

മാർച്ച് മാസത്തിലാണ് അമേരിക്കയിൽ നിന്ന് ഈ യുവതി തിരുവണ്ണാമലൈ സന്ദർശിക്കാൻ വന്നെത്തിയത്.  അവർ അന്നുമുതൽ തിരുവണ്ണാമലൈയിലുള്ള രമണ മഹർഷിയുടെ ആശ്രമവും  അരുണാചലേശ്വര ക്ഷേത്രവും കാണാനായി അമേരിക്കയിൽ നിന്ന് അവിടേക്ക് വന്നെത്തിയ ആ യുവതി കൊവിഡ് ലോക്ക് ഡൌൺ തുടങ്ങിയപ്പോൾ ഇവിടെ കുടുങ്ങിപ്പോവുകയായിരുന്നു ഈ യുവതി. അന്നുമുതൽ, ഗിരിവലം സ്ട്രീറ്റിൽ ഒരു വീട് വാടകയ്‌ക്കെടുത്ത് അവിടെയാണ് അവർ തനിച്ച് കഴിഞ്ഞിരുന്നത്. 

യുവതി താമസിച്ചിരുന്ന സ്ട്രീറ്റിന്റെ പരിസരത്തെവിടെയോ തന്നെ താമസിക്കുന്ന ഒരാളായിരുന്നു ഈ അക്രമിയും. സ്വന്തം വാടകവീട്ടിനു പുറത്ത് ആ സ്ത്രീ നിൽക്കുമ്പോഴാണ്, കാഷായ വേഷവും രുദ്രാക്ഷമാലയും ഒക്കെ ധരിച്ചുകൊണ്ട് കടന്നുവന്ന ഈ യുവാവ്, അവരെ സ്വന്തം വീട്ടിനുള്ളിലേക്ക് തള്ളിയിട്ട് ബലാത്സംഗം ചെയ്യാൻ ശ്രമിച്ചത്. എന്നാൽ, ആയോധനകലയിൽ ഉന്നത പരിശീലനം നേടിയിട്ടുള്ള ഒരാളാണ് ആ അമേരിക്കൻ യുവതിയെന്നു മാത്രം അയാൾക്ക് അറിയില്ലായിരുന്നു.    

തന്നെ പീഡിപ്പിക്കാൻ വേണ്ടി ബലപ്രയോഗം തുടങ്ങിയ അയാളെ കൈവശം സൂക്ഷിച്ചിരുന്ന കത്തിവീശി അവർ പരിക്കേൽപ്പിച്ചു. അതിനു ശേഷം അയാളെ ഇടിച്ചു തറപറ്റിച്ച്, കൂകി വിളിച്ച് ആളെയുംകൂട്ടി അവർ. ബഹളം കേട്ട് ഓടിക്കൂടിയ പ്രദേശവാസികൾ ആദ്യം ആ ക്രിമിനലിനെ മർദ്ദിച്ചു പരിക്കേൽപ്പിച്ചു, ഒപ്പം പൊലീസിലും വിവരമറിയിച്ചു. 

പൊലീസ് എത്തി അയാളെ കൂടുതൽ ചോദ്യം ചെയ്തപ്പോൾ അയാളുടെ പേര് മണികണ്ഠനെന്നാണെന്നും, അയാൾ നാമക്കൽ സ്വദേശിയാണെന്നും മനസ്സിലായി. ആ മല്പിടുത്തത്തിനിടെ ചെറിയ പരിക്കുകൾ പറ്റിയ യുവതിയെയും തല്ക്കാലം ആശുപത്രിയിൽ പ്രവേശിപ്പിച്ചിട്ടുണ്ട്. നാടുചുറ്റി അമ്പലങ്ങളിൽ ദർശനം നടത്തിക്കൊണ്ടിരിക്കുന്ന അയാൾ കഴിഞ്ഞ ആറുമാസമായി തിരുവണ്ണാമലൈയിൽ ആയിരുന്നു കഴിഞ്ഞിരുന്നത്. പൊലീസ് എന്തായാലും യുവതിയുടെ പരാതിയിന്മേൽ ഇയാളെ അറസ്റ്റുചെയ്യുകയും, തുടരന്വേഷണത്തിന് ഉത്തരവിടുകയും ചെയ്തിട്ടുണ്ട്.