എട്ടാം ശമ്പള കമ്മീഷന് മുമ്പേ ഈ ജീവനക്കാർക്ക് ശമ്പളവും പെൻഷനും കൂടും! അനുമതി നൽകി കേന്ദ്രസ‍ര്‍ക്കാര്‍

ചില പൊതുമേഖലാ സ്ഥാപനങ്ങളിലെ ജീവനക്കാർക്ക് ശമ്പളവും പെൻഷനും വർദ്ധിപ്പിക്കാൻ അനുമതി നൽകി കേന്ദ്ര സർക്കാർ. ഈ തീരുമാനത്തിലൂടെ ഏകദേശം 46,322 ജീവനക്കാർക്കും 23,570 പെൻഷൻകാർക്കും 23,260 ഫാമിലി പെൻഷൻകാർക്കും പ്രയോജനം ലഭിക്കും.

Image Credit : Gemini

ശമ്പള, പെൻഷൻ വർദ്ധനവ്

പൊതുമേഖലാ ഇൻഷുറൻസ് കമ്പനികൾ, നബാർഡ്, ആർബിഐ എന്നിവിടങ്ങളിലെ ജീവനക്കാർക്കാണ് ശമ്പള, പെൻഷൻ വർദ്ധനവിന് കേന്ദ്ര സർക്കാർ അനുമതി നൽകിയിരിക്കുന്നത്. ഇത് ജീവനക്കാരുടെ മനോവീര്യം വർദ്ധിപ്പിക്കും.

Image Credit : Gemini

ആര്‍ബിഐ ജീവനക്കാര്‍ക്ക് നേട്ടം

റിസർവ് ബാങ്ക് ഓഫ് ഇന്ത്യയിലെ (ആർബിഐ) വിരമിച്ച ജീവനക്കാരുടെ പെൻഷനിലും ഫാമിലി പെൻഷനിലും സർക്കാർ മാറ്റങ്ങൾ വരുത്തി. 2022 നവംബർ 1 മുതൽ പെൻഷനിൽ 10% വർദ്ധനവ് നടപ്പാക്കും. ഇത് 30,769 പേർക്ക് ഗുണം ചെയ്യും.

Image Credit : Social Media

പൊതുമേഖലാ ജനറൽ ഇൻഷുറൻസ് കമ്പനികളിലെ ജീവനക്കാര്‍ക്കും ഗുണം

പൊതുമേഖലാ ജനറൽ ഇൻഷുറൻസ് കമ്പനികളിലെ (PSGIC) ജീവനക്കാരുടെ ശമ്പള പരിഷ്കരണത്തിന് കേന്ദ്ര സർക്കാർ അനുമതി നൽകി. 2022 ഓഗസ്റ്റ് 1 മുതൽ ഇത് പ്രാബല്യത്തിൽ വരും. 43,247 ജീവനക്കാർക്ക് ഇതിന്റെ പ്രയോജനം ലഭിക്കും.

Image Credit : our own

ഫാമിലി പെൻഷൻ പരിഷ്കരിച്ചു

ഫാമിലി പെൻഷൻ 30 ശതമാനം എന്ന ഏകീകൃത നിരക്കിൽ പരിഷ്കരിച്ചു. ഇത് 14,615 ഫാമിലി പെൻഷൻകാർക്ക് ഗുണം ചെയ്യും. ഇതിന്റെ ആകെ സാമ്പത്തിക ബാധ്യത 8,170.30 കോടി രൂപയാണ്.

Image Credit : our own

നബാർഡിലെ ജീവനക്കാര്‍ക്കും കോളടിച്ചു

നബാർഡിലെ ജീവനക്കാർക്കും പെൻഷൻകാർക്കും ശമ്പള, പെൻഷൻ പരിഷ്കരണത്തിന് സർക്കാർ അനുമതി നൽകി. 2022 നവംബർ 1 മുതൽ പ്രാബല്യത്തിൽ വരുന്ന ഈ തീരുമാനം 3,800-ഓളം പേർക്ക് ഗുണം ചെയ്യും.