2 മണിക്കൂറോളം ഓടിച്ചു, ബുള്ളറ്റിന് എന്തോ തകരാർ; സർവീസ് സെന്ററിൽ പോയത് ഭാഗ്യമായി, ടാങ്കിനടിയിൽ ചേനത്തണ്ടൻ
Synopsis
റോയൽ എൻഫീൽഡ് ബുള്ളറ്റിന്റെ ഇന്ധന ടാങ്കിനടിയിൽ അതിമാരക വിഷമുള്ള അണലിയെ കണ്ടെത്തി. ഒരു വിദ്യാർത്ഥിക്ക് തലനാരിഴയ്ക്കാണ് രക്ഷപെട്ടത്. ബൈക്ക് സർവീസ് സെന്ററിൽ കൊടുത്തപ്പോഴാണ് ഇന്ധന ടാങ്കിനടിയിൽ അണലിയുള്ളതായി ശ്രദ്ധയില്പ്പെട്ടത്.
സാഗർ: റോയൽ എൻഫീൽഡ് ബുള്ളറ്റിന്റെ ഇന്ധന ടാങ്കിനടിയിൽ അതിമാരക വിഷമുള്ള അണലിയെ കണ്ടെത്തി. ഒരു വിദ്യാർത്ഥിക്ക് തലനാരിഴയ്ക്കാണ് രക്ഷപെട്ടത്. ബൈക്ക് സർവീസ് സെന്ററിൽ കൊടുത്തപ്പോഴാണ് ഇന്ധന ടാങ്കിനടിയിൽ അണലിയുള്ളതായി ശ്രദ്ധയില്പ്പെട്ടത്. ഒരു സ്വകാര്യ കോളേജിലെ ബിഎ രണ്ടാം വർഷ വിദ്യാർത്ഥിയാണ് ഈ ബൈക്കിന്റെ ഉടമ. ഏകദേശം രണ്ട് മണിക്കൂറോളം ഇയാൾ ബൈക്കോടിച്ച് മാർക്കറ്റിൽ പോയിവന്നെങ്കിലും അസാധാരണമായി ഒന്നും ശ്രദ്ധിച്ചില്ല. വാഹനത്തിന് ചെറിയ സാങ്കേതിക പ്രശ്നം തോന്നുകയും അത് സർവീസ് സെന്ററിൽ കൊണ്ടുപോവുകയും ചെയ്തപ്പോഴാണ് പാമ്പിനെ കണ്ടെത്തിയത്.
മെക്കാനിക്ക് മോട്ടോർസൈക്കിൾ പരിശോധിക്കുന്നതിനിടെ ടാങ്ക് കവർ നീക്കം ചെയ്തപ്പോൾ, ഇന്ധന ടാങ്കിനടിയിൽ അണലി ചുരുണ്ടുകൂടിയിരിക്കുന്നത് കണ്ട് ഞെട്ടി. സർവീസ് സെന്റർ ജീവനക്കാർ ഉടൻതന്നെ വിദ്യാർത്ഥിയെ മാറ്റിനിർത്തുകയും പാമ്പുപിടുത്തക്കാരനെ വിളിക്കുകയും ചെയ്തു. പാമ്പുപിടുത്തക്കാരനായ അഖിൽ ബാബ സ്ഥലത്തെത്തി പാമ്പിനെ സുരക്ഷിതമായി പിടികൂടി.
ഇന്ത്യയിലെ ഏറ്റവും വിഷമുള്ള പാമ്പുകളിൽ ഒന്നാണ് അണലി. ഇതിന്റെ വിഷം വളരെ അപകടകരമാണ്, മിനിറ്റുകൾക്കുള്ളിൽ രക്തം കട്ടപിടിക്കാൻ തുടങ്ങും. സമയബന്ധിതമായി ചികിത്സിച്ചില്ലെങ്കിൽ മരണം സംഭവിക്കാം എന്ന് അഖിൽ പറഞ്ഞു. വാഹനം പാർക്ക് ചെയ്തിരിക്കുമ്പോൾ ചൂടോ ഒളിഞ്ഞിരിക്കാനുള്ള സ്ഥലമോ തേടി പാമ്പ് വാഹനത്തിൽ കയറിയതാകാമെന്നാണ് വിലയിരുത്തല്.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam