കൊല്ലം പത്തനാപുരത്ത് കാട്ടാന ആക്രമത്തിൽ തൊഴിലുറപ്പിന് പോയ വയോ​ധിക കൊല്ലപ്പെട്ടു.,കടശ്ശേരി സ്വദേശി രാജമ്മയാണ് മരിച്ചത്,

ജോലിക്ക് പോകുന്നതിനിടെ കാട്ടാനയെ കണ്ട് ഓടുന്നതിനിടെ കാൽതെന്നി വീണ രാജമ്മയെ ആന തുമ്പിക്കൈ കൊണ്ട് എറിയുകയായിരുന്നു. പ്രദേശത്ത് കാട്ടാന ശല്യം രൂക്ഷമാണെന്നും അധികൃതർ നടപടിയെടുക്കുന്നില്ലെന്നും നാട്ടുകാർ പറയുന്നു.

കൊല്ലം. പത്തനാപുരം കടശ്ശേരി ഉമ്മന്നൂരിലാണ് നാടിനെ നടുക്കിയ സംഭവം. തൊഴിലിറപ്പ് തൊഴിലാളി കടശ്ശേരി സ്വദേശി രാജമ്മയാണ് കാട്ടാന ആക്രമണത്തിൽ കൊല്ലപ്പെട്ടത്. എൺപത് വയസായിരുന്നു. രാവിലെ ജോലിക്കായി ഫോട്ടോ എടുത്തതിന് ശേഷം സംഘമായി പുറപ്പെടുമ്പോഴാണ് കാട്ടാനയെ കണ്ടത് ഒപ്പമുള്ളവ‍ർ ചിതറിയോടി. എന്നാൽ രാജമ്മ കാൽ തെന്നി വീണു. ആന തുമ്പികൈ കൊണ്ട് രാജമ്മയെ എറിഞ്ഞെന്ന് ഒപ്പമുണ്ടായിരുന്ന തൊഴിലാളി ജയ ഏഷ്യാനെറ്റ് ന്യൂസിനോട് പറഞ്ഞു. വനത്തോട് ചേ‍ർന്ന ഭാ​ഗമാണിത്. ഇവിടെ കാട്ടാന ആക്രമണം രൂക്ഷമാണെന്ന് നാട്ടുകാർ പറഞ്ഞു. അധികൃതർക്ക് പരാതി നൽകിട്ടും നടപടി എടുത്തിട്ടില്ലെന്ന് തൊഴിലാളികൾ പരാതിപ്പെട്ടു.