നിങ്ങളുടെ കുട്ടിക്ക് ടെൻഷൻ ഉള്ളതായി തോന്നിയിട്ടുണ്ടോ ?

കുട്ടികളിൽ ഉത്കണ്ഠ ഉണ്ടാകുന്നതിന് പിന്നിലെ ചില കാരണങ്ങളെ കുറിച്ച് പ്രിയ വർ​ഗീസ് എഴുതുന്ന ലേഖനം.

പൊതുവേ മുതിർന്നവരിലെ ടെൻഷനെ കുറിച്ചായിരിക്കും അധികവും നമ്മൾ കേൾക്കാറുള്ളത്. എന്നാൽ കുട്ടികളിലും ടെൻഷൻ/ ഉത്കണ്ഠ ഉണ്ടാകാറുണ്ട്. കുട്ടികളിൽ ഇത് എങ്ങനെയാണ് എന്ന് നോക്കാം. 

●    നന്നായി പഠിച്ചശേഷവും പരീക്ഷയിൽ തോൽക്കുമോ എന്ന് കുട്ടി ഭയപ്പെടുക 
●    സ്കൂളിൽ നിന്നും വൈകുന്നേരം കൂട്ടിക്കൊണ്ടുപോകാൻ മാതാപിതാക്കൾ വരാതിരിക്കുമോ എന്ന ആശങ്ക 
●    ഏതു ഉടുപ്പിടണം എന്ന് ഒരുപാട് സമയം എടുത്ത് ആലോചിക്കുക 
●    ആരെങ്കിലും കളിയാക്കുമോ എന്നു പേടിക്കുക 
●    ഉറങ്ങാൻ കിടന്നാലും ഉറക്കം വരാതിരിക്കുക 
●    രാവിലെ ഉണരുമ്പോൾ തന്നെ ടെൻഷൻ തോന്നുക 
●    സ്വപ്നം കണ്ടു പേടിക്കുക 
●    കഴിഞ്ഞ കാര്യങ്ങൾ ഓർത്തു ടെൻഷൻ തോന്നുക 
●    കൂട്ടുകാരുമായി നടന്ന വഴക്ക് വീണ്ടും വീണ്ടും ആലോചിക്കുക 
●    വിട്ടുമാറാത്ത വയറു വേദന, തലവേദന 
●    പരീക്ഷ ഉള്ള ദിവസം വയറുവേദന, മറ്റു ബുദ്ധിമുട്ടുകൾ 
●    എന്തെക്കിലും തെറ്റു പറ്റുമോ എന്ന പേടിയിൽ സ്കൂളിലെ പരിപാടികളിൽ പങ്കെടുക്കാതെ ഒഴിഞ്ഞുമാറുക 
●    ഹോം വർക്ക് ചെയ്തു തീർത്ത ശേഷവും അത് പൂർണ്ണമായും ശരിയല്ല എന്ന തോന്നലിൽ ടീച്ചർക്ക് കൊടുക്കാതെ ഇരിക്കുക 
●    മുൻപ് നന്നായി പഠിച്ചിരുന്ന കുട്ടി പെട്ടെന്ന് പഠനത്തിൽ പിന്നോട്ടാവുക 
●    മുൻപ് വളരെ സന്തോഷത്തോടെ ഇരുന്ന കുട്ടി സങ്കടപെടുന്നതായി കാണുക 
●    മുൻപ് ആക്റ്റീവ് ആയിരുന്ന കുട്ടി എല്ലാ കാര്യത്തിലും പിന്നോട്ടാവുക 

കാരണങ്ങൾ 

●    മാതാപിതാക്കളിൽ ടെൻഷൻ ഉണ്ടെങ്കിൽ 
●    വീട്ടിലെ  വഴക്കുകളും പ്രശ്നങ്ങളും 
●    ഒരുപാട് സമ്മർദ്ദം ഉള്ള സ്കൂൾ സാഹചര്യം അല്ലെങ്കിൽ വീട്ടിലെ സാഹചര്യം 
●    മറ്റുകുട്ടികൾ നിരന്തരം കളിയാക്കുകയും ഒറ്റപ്പെടുത്തുകയും ചെയ്യുന്നത് 
●    ആത്മവിശ്വാസം ഇല്ലാത്ത അവസ്ഥ 

എങ്ങനെ പരിഹരിക്കാം 

●    കുട്ടിക്കുമേലുള്ള സമ്മർദ്ദം കുറയ്ക്കാനുള്ള മാർഗ്ഗങ്ങൾ സ്വീകരിക്കണം.
●    കുട്ടിയുടെ ഭയത്തിന്റെ കാരണങ്ങൾ മനസ്സിലാക്കണം.
●    മാതാപിതാക്കൾ ഒപ്പമുണ്ടെന്ന വിശ്വാസം അവരുടെ ആത്മവിശ്വാസത്തെ ഉയർത്തും.
●    പുതിയ രീതിയിൽ ചിന്തിക്കാൻ കുട്ടികളെ പഠിപ്പിക്കണം. CBT എന്ന മനഃശാസ്ത്ര ചികിത്സ ഇതിനായി ഫലപ്രദമാണ്.
●    ചെറിയ പ്രായത്തിലെ ടെൻഷൻ പരിഹരിക്കാൻ കഴിഞ്ഞാൽ കുട്ടികൾക്ക് കൂടുതൽ സന്തോഷത്തോടെ മുന്നോട്ടുപോകാനും അവരുടെ കഴിവുകളെ മികച്ച രീതിയിൽ ഉപയോഗിക്കാനും കഴിയും.
●    തോൽവിയും പുതിയ കാര്യങ്ങൾ പഠിക്കുന്നതിന്റെ ഭാഗമാണ് എന്ന് മനസ്സിലാക്കാൻ അവരെ അനുവദിക്കണം.

( ലേഖിക പ്രിയ വർ​ഗീസ് തിരുവല്ലയിലെ ബ്രീത്ത് മെെന്റ് കെയറിലെ ക്ലിനിക്കൽ സൈക്കോളജിസ്റ്റാണ്. ഫോൺ നമ്പർ :  8281933323)