എടത്തലയിൽ സ്‌കൂൾ ബസിൽ തട്ടി ബൈക്ക് നിയന്ത്രണം വിട്ട് മറിഞ്ഞു; അപകടത്തിൽ 18കാരനായ വിദ്യാർത്ഥി മരിച്ചു

കൊച്ചി ആലുവ എടത്തലയിൽ നടന്ന വാഹനാപകടത്തിൽ 18 വയസ്സുകാരനായ ബൈക്ക് യാത്രികൻ മരിച്ചു. സ്കൂൾ ബസ്സിലിടിച്ച് സ്വകാര്യ ബസ്സിനടിയിലേക്ക് തെറിച്ചുവീണാണ് പുക്കാട്ടുപടി സ്വദേശി അജിൻ ബിജു മരിച്ചത്. അസീസി തെരേസിയൻ അക്കാദമി വിദ്യാർത്ഥിയായിരുന്നു അജിൻ.

കൊച്ചി: ആലുവ എടത്തല എസ്.ഒ.എസിന് സമീപം വാഹന അപകടത്തിൽ ബൈക്ക് യാത്രികനായ യുവാവ് മരിച്ചു. പുക്കാട്ടുപടി വള്ളത്തോൾ സ്മാരക ലൈബ്രറിയ്ക്ക് സമീപം പുറമഠത്തിൽ അജിൻ ബിജു (18) ആണ് മരിച്ചത്. എസ്.ഒ.എസിന് സമീപം അജിൻ ഓടിച്ചിരുന്ന ബൈക്ക് ഒരു സ്കൂൾ ബസിൽ തട്ടി സ്വകാര്യ ബസിനടിയിലേക്ക് തെറിച്ച് വീഴുകയായിരുന്നു. അസീസി തെരേസിയൻ അക്കാദമി വിദ്യാർത്ഥിയാണ് അജിൻ. സംസ്കാരം ഇന്ന് വൈകുന്നേരം 4 മണിക്ക് പുക്കാട്ടുപടി സെൻ്റ് ജോർജ് പള്ളി സെമിത്തേരിയിൽ നടത്തി. അഛൻ: ബിജു വർഗീസ്. അമ്മ: ഷെറിൻ. സഹോദരി: എയ്ഞ്ചല ബിജു.