പാടത്ത് പണി ചെയ്തുകൊണ്ടിരിക്കെ സിപിഐ മുൻ പഞ്ചായത്തംഗം കുഴഞ്ഞുവീണു മരിച്ചു 

പുഞ്ചക്കൃഷിക്കുവേണ്ടി നിലമൊരുക്കാനായി പാടത്ത് പണി ചെയ്തുകൊണ്ടിരിക്കെ കുഴഞ്ഞു വീഴുകയായിരുന്നു.

ആലപ്പുഴ : പാടത്ത് പണി ചെയ്തുകൊണ്ടിരിക്കെ കർഷകൻ കുഴഞ്ഞുവീണ് മരിച്ചു. തലവടി ഗ്രാമപഞ്ചായത്ത് മുൻ അംഗവും കർഷത്തൊഴിലാളിയുമായിരുന്നു ആനപ്രമ്പാല്‍ നോർത്ത് പീടികത്തറ വീട്ടിൽ ടി കെ സോമൻ (67 ) ആണ് മരിച്ചത്. സിപിഐ സജീവ പ്രവർത്തകനായിരുന്നു അദ്ദേഹം. കർഷക തൊഴിലാളി സംഘടനയിലും സജീവമായിരുന്നു. 

തലവടി കൃഷി ഭവൻ പരിധിയിൽ വരുന്ന കണ്ടങ്കേരി കടംബാങ്കേരി പാടശേഖരത്തിലെ ഈ വർഷത്തെ പുഞ്ചക്കൃഷിക്കുവേണ്ടി നിലമൊരുക്കാനായി പാടത്ത് പണി ചെയ്തുകൊണ്ടിരിക്കെ കുഴഞ്ഞു വീഴുകയായിരുന്നു. തുടർന്ന് മറ്റു കർഷകത്തൊഴിലാളികൾ അടുത്തുള്ള സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷികാൻ സാധിച്ചില്ല.എടത്വാ പോലീസ് തുടർ നടപടികൾ സ്വീകരിച്ചു.