ബസ് ശരീരത്തിൽ കയറി ഇറങ്ങി ഗുരുതരമായി പരുക്കേറ്റയാളെ കോട്ടയം മെഡിക്കൽ കോളജിൽ പ്രവേശിപ്പിച്ചു.
കോട്ടയം: കോട്ടയം നഗരമധ്യത്തിൽ ടിബി റോഡിൽ കെഎസ്ആർടിസി ബസിനടിയിൽ വീണ് കാൽ നട യാത്രികന് പരിക്കേറ്റു. ഉച്ചയ്ക്ക് രണ്ടേകാലോടെയായിരുന്നു അപകടം. അപകടത്തിൽപ്പെട്ടയാൾ വാഹനത്തിന് അടിയിലേക്ക് ചാടിയതാണോ എന്ന് സംശയമുണ്ടെന്ന് പൊലീസ് പറയുന്നു. ബസ് ശരീരത്തിൽ കയറി ഇറങ്ങി ഗുരുതരമായി പരുക്കേറ്റയാളെ കോട്ടയം മെഡിക്കൽ കോളജിൽ പ്രവേശിപ്പിച്ചു. ആളെ തിരിച്ചറിഞ്ഞിട്ടില്ല.
അതേസമയം, കോഴിക്കോട് കുറ്റിക്കാട്ടൂരിൽ കാൽനട യാത്രക്കാർക്ക് നേരെ നിയന്ത്രണപ്പെട്ട കാർ പാഞ്ഞു കയറി അപകടം ഉണ്ടായി. ഉച്ചക്ക് 2 മണിയോടെ ആണ് സംഭവം ഉണ്ടായത്. തലക്ക് പരിക്കേറ്റ നരിക്കുനി സ്വദേശി സദാനന്ദനേ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.