പ്രവാസികളുടെ താമസ സ്ഥലങ്ങളില് പരിശോധന; 48 പേര് അറസ്റ്റില്
Synopsis
ആഭ്യന്തര മന്ത്രാലയത്തിന്റെ വിവിധ വിഭാഗങ്ങള് ഏതാനും ദിവസങ്ങള്ക്ക് മുമ്പ് മഹ്ബുല, ജലീബ് അല് ശുയൂഖ് ഏരിയകളില് പരിശോധനയ്ക്കെത്തിയിരുന്നു. ഖൈത്താനില് അപ്രതീക്ഷിത റെയ്ഡുകളും ഉദ്യോഗസ്ഥര് നടത്തി.
കുവൈത്ത് സിറ്റി: കുവൈത്തില് നിയമലംഘകരായ പ്രവാസികളെ ലക്ഷ്യമിട്ട് നടത്തുന്ന പരിശോധനകള് തുടരുന്നു. കഴിഞ്ഞ ദിവസം അഹ്മദി ഗവര്ണറേറ്റ് കേന്ദ്രീകരിച്ച് നടത്തിയ റെയ്ഡുകളില് 48 പ്രവാസികള് അറസ്റ്റിലായതായി കുവൈത്ത് ആഭ്യന്തര മന്ത്രാലയം അറിയിച്ചു.
കുവൈത്ത് ഡെപ്യൂട്ടി പ്രധാനമന്ത്രിയും പ്രതിരോധ മന്ത്രിയും ആഭ്യന്തര മന്ത്രാലയത്തിന്റെ ചുമതല വഹിക്കുകയും ചെയ്യുന്ന ശൈഖ് തലാല് ഖാലിദ് അല് അഹ്മദ് അല് സബാഹിന്റെ നിര്ദേശപ്രകാരമാണ് പരിശോധന കൂടുതല് കര്ശനമാക്കിയത്. കഴിഞ്ഞ ദിവസം അറസ്റ്റിലായ എല്ലാവരെയും തുടര് നടപടികള്ക്കായി ബന്ധപ്പെട്ട വകുപ്പുകള്ക്ക് കൈമാറി.
ആഭ്യന്തര മന്ത്രാലയത്തിന്റെ വിവിധ വിഭാഗങ്ങള് ഏതാനും ദിവസങ്ങള്ക്ക് മുമ്പ് മഹ്ബുല, ജലീബ് അല് ശുയൂഖ് ഏരിയകളില് പരിശോധനയ്ക്കെത്തിയിരുന്നു. ഖൈത്താനില് അപ്രതീക്ഷിത റെയ്ഡുകളും ഉദ്യോഗസ്ഥര് നടത്തി. താമസ നിയമങ്ങള് ലംഘിച്ച് രാജ്യത്ത് കഴിയുന്നവരെയും തൊഴില് നിയമങ്ങള് പാലിക്കാതെ ജോലി ചെയ്യുന്നവരെയും അറസ്റ്റ് ചെയ്യുന്നുണ്ട്. സ്പോൺസര്മാരില് നിന്ന് ഒളിച്ചോടി മറ്റ് ജോലികള് ചെയ്യുന്നവരും വിവിധ കേസുകളില് അന്വേഷണ ഏജന്സികള് തേടുന്നവരെയും അറസ്റ്റ് ചെയ്യുന്നുണ്ട്.
ആഭ്യന്തര മന്ത്രാലയം അണ്ടര് സെക്രട്ടറി ലഫ്. ജനറല് അന്വര് അല് ബര്ജാസ്, ട്രാഫിക് സെക്ടര് അണ്ടര് സെക്രട്ടറി മേജര് ജനറല് ജമാല് അല് സയേഹ്, പബ്ലിക് സെക്യൂരിറ്റി അണ്ടര് സെക്രട്ടറി അബ്ദുല്ല അല് റജീബ് എന്നിവര് കഴിഞ്ഞയാഴ്ച പരിശോധനകള് വിലയിരുത്തിയിരുന്നു. കഴിഞ്ഞ ദിവസം 90 പ്രവാസികളെ വിവിധ സ്ഥലങ്ങളില് നിന്ന് അറസ്റ്റ് ചെയ്തതായി ആഭ്യന്തര മന്ത്രാലയം അറിയിച്ചിരുന്നു.
ബുനൈദ് അല് ഘര്, ശുവൈഖ് ഇന്ഡസ്ട്രിയല് ഏരിയ എന്നിവിടങ്ങള്ക്ക് പുറമെ ഫര്വാനിയ ഗവര്ണറേറ്റിലെ വിവിധ സ്ഥലങ്ങളിലും കഴിഞ്ഞ ദിവസം പരിശോധനകള് നടന്നു. പിടിയിലായവരെയെല്ലാം തുടര് നടപടികള്ക്കായി ബന്ധപ്പെട്ട വകുപ്പുകള്ക്ക് കൈമാറുകയാണ് ചെയ്യുന്നത്. നടപടികള് പൂര്ത്തിയാക്കു കുവൈത്തില് നിന്ന് നാടുകടത്തുന്നവര്ക്ക് പിന്നീട് രാജ്യത്തേക്ക് മടങ്ങിവരാന് സാധിക്കുകയില്ല. ഇവര് നിശ്ചിത കാലയളവിലേക്ക് ഒരു ജി.സി.സി രാജ്യത്തും പ്രവേശിക്കാന് സാധിക്കുകയുമില്ല.
Read also: പൊലീസില് നിന്ന് രക്ഷപ്പെട്ട് ഓടിയ യുവാവിനെ അടിച്ചുവീഴ്ത്തിയത് വിനയായി; യുഎഇയില് പ്രവാസി ജയിലില്
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ