ചലച്ചിത്ര നടി നഗ്മ യുഎഇ ഗോള്ഡന് വിസ സ്വീകരിച്ചു
Synopsis
നഗ്മയുടെ സഹോദരിയും നടിയുമായ ജ്യോതികയ്ക്ക് നേരത്തെ യുഎഇ ഗോള്ഡന് വിസ ലഭിച്ചിരുന്നു.
ദുബൈ: തെന്നിന്ത്യന് നടി നഗ്മ യുഎഇ ഗോള്ഡന് വിസ സ്വീകരിച്ചു. ദുബൈയുടെ അംഗീകാരത്തിന് നഗ്മ നന്ദി അറിയിച്ചു. ദുബൈയിലെ സര്ക്കാര് സേവന ദാതാക്കളായ ഇസിഎച്ച് ഡിജിറ്റല് ആസ്ഥാനത്ത് നടന്ന ചടങ്ങില് വെച്ച് സിഇഒ ഇഖ്ബാല് മാര്ക്കോണിയില് നിന്ന് നഗ്മ ഗോള്ഡന് വിസ സ്വീകരിച്ചു.
ദുബൈയിലെ സര്ക്കാര് വകുപ്പുകളിലെ ഉയര്ന്ന ഉദ്യോഗസ്ഥര് ചടങ്ങില് പങ്കെടുത്തു. നഗ്മയുടെ സഹോദരിയും നടിയുമായ ജ്യോതികയ്ക്ക് നേരത്തെ യുഎഇ ഗോള്ഡന് വിസ ലഭിച്ചിരുന്നു. മലയാളം ഉള്പ്പെടെ ഇന്ത്യന് സിനിമയിലെ വ്യത്യസ്ത ഭാഷകളിലുള്ള നിരവധി സിനിമകളില് നഗ്മ അഭിനയിച്ചിട്ടുണ്ട്.
വിവിധ രംഗങ്ങളില് മികവ് തെളിയിച്ചവര്ക്കും നിക്ഷേപകര്ക്കും ബിസിനസുകാര്ക്കുമൊക്കെ യുഎഇ ഭരണകൂടം അനുവദിക്കുന്നതാണ് ഗോള്ഡന് വിസകള്. പത്ത് വര്ഷത്തെ കാലാവധിയുള്ള ഈ വിസകള്, കാലാവധി പൂര്ത്തിയാവുമ്പോള് പുതുക്കി നല്കുകയും ചെയ്യും. പ്രമുഖ നടന്മാരടക്കം നിരവധി മലയാളികള്ക്ക് ഇതിനോടകം തന്നെ ഗോള്ഡന് വിസ ലഭ്യമായിട്ടുണ്ട്. ഗോള്ഡന് വിസ അനുവദിക്കുന്നതിനുള്ള മാനദണ്ഡങ്ങളില് അടുത്തിടെയും യുഎഇ ഭരണകൂടം ഇളവ് പ്രഖ്യാപിച്ചിരുന്നു. കൂടുതല് വിഭാഗങ്ങളിലേക്ക് ഗോള്ഡന് വിസയുടെ പ്രയോജനം എത്തിക്കാനാണ് യുഎഇ ലക്ഷ്യമിടുന്നത്.
യുഎഇയുടെ ഗോള്ഡൻ വിസ ഏറ്റുവാങ്ങി കമല്ഹാസൻ
അതേസമയം മികച്ച വിദ്യാര്ത്ഥികള്ക്കായി ദുബൈ കിരീടാവകാശിയും എക്സിക്യൂട്ടീവ് കൗണ്സില് ചെയര്മാനുമായ ശൈഖ് ഹംദാന് ബിന് മുഹമ്മദ് ബിന് റാഷിദ് അല് മക്തൂം ഗോള്ഡന് വിസയും സ്കോളര്ഷിപ്പുകളും പ്രഖ്യാപിച്ചിരുന്നു. ഏറ്റവും മികച്ച എമിറാത്തി ഗ്രേഡ് 12 വിദ്യാര്ത്ഥികള്ക്കാണ് സ്കോളര്ഷിപ്പുകള് നല്കുക.
ഇമാമുമാര്ക്കും പ്രബോധകര്ക്കും ഗോള്ഡന് വിസ നല്കും
മികവ് പുലര്ത്തുന്ന പ്രവാസികളുടെ മക്കള്ക്കും അവരുടെ കുടുംബത്തിനും 10 വര്ഷത്തെ ഗോള്ഡന് വിസ അനുവദിക്കും. 50 ഹൈസ്കൂള് വിദ്യാര്ത്ഥികള്ക്ക് സാമ്പത്തിക പാരിതോഷികവും നല്കും. കഴിഞ്ഞ വര്ഷം മുതല് 12-ാം ക്ലാസില് മികച്ച വിജയം നേടുന്ന വിദ്യാര്ത്ഥികള്ക്ക് ഗോള്ഡന് വിസ നല്കി വരുന്നുണ്ട്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam