കമല്ഹാസൻ നായകനായി ഏറ്റവും ഒടുവില് പ്രദര്ശനത്തിനെത്തിയത് 'വിക്ര'മാണ് (Kamal Haasan).
തമിഴകത്തിന്റെ മാത്രമല്ല ഇന്ത്യൻ സിനിമയുടെ തന്നെ ഇതിഹാസ താരമാണ് കമല്ഹാസൻ. സര്വകലാ വല്ലഭനായി ഇന്ത്യൻ സിനിമയില് തുടരുകയാണ് കമല്ഹാസൻ. കമല്ഹാസൻ നായകനായി ഏറ്റുവും ഒടുവില് എത്തിയ 'വിക്രം' ബോക്സ് ഓഫീസ് റെക്കോര്ഡുകള് തിരുത്തിക്കൊണ്ട് പ്രദര്ശനം തുടരുകയാണ്.ഇപ്പോഴിതാ യുഎഇയുടെ ഗോള്ഡൻ വിസ ലഭിച്ചതാണ് കമല്ഹാസനെ സംബന്ധിച്ചുള്ള പുതിയ വാര്ത്ത (Kamal Haasan).
ലോകേഷ് കനകരാജിന്റെ സംവിധാനത്തിലുള്ള 'വിക്രം' എന്ന ചിത്രത്തിന്റെ ഒടിടി റിലീസ് കഴിഞ്ഞ ദിവസം പ്രഖ്യാപിച്ചിരുന്നു. നേരത്തെ റിപ്പോര്ട്ടുകള് വന്നതുപോലെ തന്നെ ചിത്രം ജൂലൈ എട്ടിനാണ് സ്ട്രീമിംഗ് ആരംഭിക്കുക. ഡിസ്നി പ്ലസ് ഹോട്സ്റ്റാറിലാണ് ചിത്രം കാണാനാകുക. സൂര്യയുടെ ഗംഭീരമായ അതിഥി റോള് 'വിക്രമി'ന്റെ പ്രത്യേകതയായിരുന്നു. അതിഥി വേഷത്തിലെത്തിയ സൂര്യ തന്റെ സ്വപ്നസാക്ഷാത്കാരമാണ് ഇതെന്നാണ് പറഞ്ഞത്. പ്രിയപ്പെട്ട കമല്ഹാസൻ അണ്ണാ, താങ്കള്ക്കൊപ്പം സ്ക്രീൻ പങ്കിടുകയെന്ന സ്വപ്നമാണ് യാഥാര്ഥ്യമായിരിക്കുന്നത്. അത് സാധ്യമാക്കിയതിന് നന്ദി. എല്ലാവരുടെയും സ്നേഹം ആവേശഭരിതനാക്കുന്നു എന്നും ലോകേഷ് കനകരാജിനോടായി സൂര്യ ട്വിറ്ററില് പറഞ്ഞിരുന്നു, കമല്ഹാസനൊപ്പം 'വിക്രം' എന്ന ചിത്രത്തില് മലയാളി താരങ്ങളും അഭിനയിച്ചിരുന്നുണ്ട്. ഫഹദ്, കാളിദാസ് ജയറാം, നരേൻ തുടങ്ങിയവരാണ് ചിത്രത്തില് അഭിനയിച്ചത്.
കമല്ഹാസന്റെ 'വിക്ര'ത്തിന്റെ ഓഡിയോ റൈറ്റ്സ് സോണി മ്യൂസിക് ആണ് സ്വന്തമാക്കിയിരുന്നത്. വൻ തുകയ്ക്കാണ് കമല്ഹാസൻ ചിത്രത്തിന്റെ ഓഡിയോ റൈറ്റ്സ് സോണി മ്യൂസിക് സ്വന്തമാക്കിയതെന്നായിരുന്നു റിപ്പോര്ട്ടുകള്. കമല്ഹാസന് തന്നെയാണ് 'വിക്രം' സിനിമയുടെ നിര്മ്മാതാവ്. രാജ്കമല് ഫിലിംസ് ഇന്റര്നാഷണലിന്റെ ബാനറിലാണ് 'വിക്രമി'ന്റെ നിര്മാണം.
നൂറ്റിപത്ത് ദിവസങ്ങളെടുത്താണ് വിക്രം' ഷൂട്ട് പൂര്ത്തിയാക്കിയത് എന്ന് ലോകേഷ് കനകരാജ് അറിയിച്ചിരുന്നു. ലോകേഷ് കനകരാജ് തന്നെയാണ് ചിത്രത്തിന്റെ തിരക്കഥ എഴുതിയതും. എഡിറ്റിംഗ് ഫിലോമിന് രാജ്. സംഘട്ടന സംവിധാനം അന്പറിവ്. നൃത്തസംവിധാനം ദിനേശ്. പിആര്ഒ ഡയമണ്ട് ബാബു. ശബ്ദം സങ്കലനം കണ്ണന് ഗണ്പത് ആണ്.
Read More : സായ് പല്ലവി നായികയായ 'വിരാട പര്വം', ഒടിടി റിലീസ് പ്രഖ്യാപിച്ചു
