Saudi Covid Report : സൗദിയില് കൊവിഡ് ബാധിച്ചുള്ള മരണസംഖ്യ 9,000 കടന്നു
Synopsis
നിലവിലെ രോഗികളില് 839 പേര് സുഖം പ്രാപിച്ചതായും ആരോഗ്യ മന്ത്രാലയം അറിയിച്ചു. രാജ്യത്ത് ഇതുവരെ റിപ്പോര്ട്ട് ചെയ്ത ആകെ കേസുകളുടെ എണ്ണം 7,45,590 ആയി.
റിയാദ്: സൗദി അറേബ്യയില് (Saudi Arabia) കൊവിഡ് (Covid 19) ബാധിച്ചുള്ള മരണസംഖ്യ 9,000 കടന്നു. കഴിഞ്ഞ 24 മണിക്കൂറിനിടയില് രാജ്യത്ത് മൂന്ന് മരണം കൂടി റിപ്പോര്ട്ട് ചെയ്തതോടെ ആകെ മരണസംഖ്യ 9,001 ആയി. രാജ്യത്ത് പുതുതായി 563 പേര്ക്കാണ് കൊവിഡ് സ്ഥിരീകരിച്ചത്.
നിലവിലെ രോഗികളില് 839 പേര് സുഖം പ്രാപിച്ചതായും ആരോഗ്യ മന്ത്രാലയം അറിയിച്ചു. രാജ്യത്ത് ഇതുവരെ റിപ്പോര്ട്ട് ചെയ്ത ആകെ കേസുകളുടെ എണ്ണം 7,45,590 ആയി. ആകെ രോഗമുക്തരുടെ എണ്ണം 7,24,388 ആയി ഉയര്ന്നു. രോഗബാധിതരില് 12,201 പേരാണ് ചികിത്സയില് കഴിയുന്നത്. ഇതില് 554 പേരുടെ നില ഗുരുതരം. ഇവര് രാജ്യത്തെ വിവിധ ആശുപത്രികളില് തീവ്രപരിചരണ വിഭാഗത്തിലാണ്. ബാക്കിയുള്ളവരുടെ നില തൃപ്തികരമാണ്. രാജ്യത്തെ കൊവിഡ് മുക്തി നിരക്ക് 96.87 ശതമാനവും മരണനിരക്ക് 1.21 ശതമാനവുമായി. 24 മണിക്കൂറിനിടെ 64,969 ആര്.ടി-പി.സി.ആര് പരിശോധനകള് നടത്തി. റിയാദ് 158, ജിദ്ദ 56, ദമ്മാം 30, ഹുഫൂഫ് 22, അബഹ 20, മദീന 19, മക്ക 19, തായിഫ് 17 എന്നിങ്ങനെയാണ് രാജ്യത്തെ വിവിധ ഭാഗങ്ങളില് പുതിയ കൊവിഡ് കേസുകള് റിപ്പോര്ട്ട് ചെയ്തത്. രാജ്യത്ത് ഇതുവരെ 6,09,76,393 ഡോസ് വാക്സിന് കുത്തിവെച്ചു. ഇതില് 2,59,64,761 ആദ്യ ഡോസും 2,42,04,042 രണ്ടാം ഡോസും 1,08,07,590 ബൂസ്റ്റര് ഡോസുമാണ്.
സൗദിയിലുള്ള വിദേശികള്ക്ക് അടുത്ത ബന്ധുക്കളെ ഉംറക്ക് കൊണ്ടുവരാന് സഹായിക്കുന്ന അതിഥി വിസ റദ്ദാക്കി
റിയാദ്: വലിയ വാര്ത്ത വരാനുണ്ടെന്ന സൗദി ആരോഗ്യ മന്ത്രാലയത്തിന്റെ (Saudi Health Ministry) അറിയിപ്പിന് പിന്നാലെ ആ പ്രഖ്യാപനവുമെത്തി. ലോകത്തിലെ ഏറ്റവും വലിയ വെര്ച്വല് ഹെല്ത്ത് ആശുപത്രി (Virtual Health Hospital) നാളെ തുറക്കുമെന്നാണ് സൗദി ആരോഗ്യ മന്ത്രാലയം അറിയിച്ചിരിക്കുന്നത്.
ഭാര്യ വാട്സാപ്പില് ബ്ലോക്ക് ചെയ്തു; വിവാഹമോചനം തേടി യുവാവ്
രണ്ട് ദിവസത്തിനകം വലിയ പ്രഖ്യാപനമുണ്ടാകുമെന്നും അത് ലോകത്തിലെ വലിയ സംഭവമായിരിക്കുമെന്നും നേരത്തെ സൗദി ആരോഗ്യ മന്ത്രാലയം ട്വീറ്റ് ചെയ്തിരുന്നു. ഇതിന് പിന്നാലെയാണ് വെര്ച്വല് ആശുപത്രി സംബന്ധിച്ച പ്രഖ്യാപനം വന്നത്. വെര്ച്വല് ഹെല്ത്ത് സേവനങ്ങള് നല്കുന്ന ആശുപത്രികളില് ലോകത്തുതന്നെ ഏറ്റവും വലുതായിരിക്കും ഇതെന്നും മിഡില് ഈസ്റ്റില് ഇത്തരത്തിലെ ആദ്യത്തെ സംരംഭമാണെന്നും അധികൃതര് അറിയിച്ചു. സൗദി ആരോഗ്യ മന്ത്രി ഫഹദ് അല് ജലാജില്, കമ്മ്യൂണിക്കേഷന്സ് ആന്റ് ഇന്ഫര്മേഷന് ടെക്നോളജി മന്ത്രി അമീര് അല് സവാഹയും ഡിജിറ്റല് ഗവണ്മെന്റ് അതോരിറ്റി ഗവര്ണര് അഹമ്മദ് അല് സുവയാനും ചേര്ന്നാണ് വെര്ച്വല് ആശുപത്രി ഉദ്ഘാടനം ചെയ്യുന്നത്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam