മൂന്ന് മാസത്തേക്കുള്ള പാസ് എടുത്താൽ നാ​ലാം മാ​സം സൗ​ജ​ന്യ യാ​ത്ര, കിടിലൻ ​ഓഫറുമായി ദോഹ മെട്രോ

‘ബ​യ് ത്രീ, ​ഗെ​റ്റ് വ​ൺ ഫ്രീ’ ​എ​ന്ന ടാ​ഗ് ലൈ​നി​ലാ​ണ് യാത്രാ പാസ് ഓഫര്‍ പ്രഖ്യാപിച്ചത്. 

ദോഹ: ദോ​ഹ മെ​​ട്രോ യാ​ത്ര​ക്കാ​ർ​ക്ക് വ​മ്പ​ൻ ഓ​ഫ​റു​മാ​യി ഖ​ത്ത​ർ റെ​യി​ൽ. 30 ദി​വ​സം വീ​തം കാ​ലാ​വ​ധി​യു​ള്ള മെ​ട്രോ ടി​ക്ക​റ്റ് തു​ട​ർ​ച്ച​യാ​യി മൂ​ന്നു മാ​സ​ത്തേ​ക്ക് വാ​ങ്ങി​യാ​ൽ നാ​ലാം മാ​സ​ത്തേ​ക്ക് സൗ​ജ​ന്യ​മാ​യി ല​ഭി​ക്കു​ന്ന വ​മ്പ​ൻ ​ഓ​ഫ​റാ​ണ് യാ​ത്ര​ക്കാ​ർ​ക്കാ​യി അ​വ​ത​രി​പ്പി​ച്ച​ത്. ‘ബ​യ് ത്രീ, ​ഗെ​റ്റ് വ​ൺ ഫ്രീ’ ​എ​ന്ന ടാ​ഗ് ലൈ​നി​ലാ​ണ് മെ​ട്രോ പാ​സ് ഓ​ഫ​ർ പ്ര​ഖ്യാ​പി​ച്ച​ത്. 

ജൂ​ൺ ഒ​ന്ന് മു​ത​ൽ 30 വ​രെ​യു​ള്ള കാ​ലാ​വ​ധി​ക്കു​ള്ളി​ൽ ഒ​രു മാ​സ​ത്തെ ടി​ക്ക​റ്റ് സ്വ​ന്ത​മാ​ക്കു​ന്ന​വ​ർ​ക്കാ​യി​രി​ക്കും ഈ ​ഓ​ഫ​ർ ബാ​ധ​ക​മാ​വു​ക​യെ​ന്ന് ദോ​ഹ മെ​ട്രോ അ​റി​യി​ച്ചു. ജൂ​ലൈ, ആ​ഗ​സ്റ്റ് മാ​സ​ങ്ങ​ളി​ലും 30 ദി​വ​സത്തെ മെ​ട്രോ പാ​സ് വാ​ങ്ങി നി​ല​നി​ർ​ത്തു​ന്ന​വ​ർ​ക്കാ​യി​രി​ക്കും സെ​പ്റ്റം​ബ​ർ ഒ​ന്ന് മു​ത​ൽ 30 വ​രെ​യു​ള്ള നാ​ലാം മാ​സ​ത്തി​ൽ ഒ​രു മാ​സ സൗ​ജ​ന്യ പാ​സ് ല​ഭി​ക്കാ​ൻ അ​ർ​ഹ​ത​യു​ള്ള​ത്. ​ദോ​ഹ മെ​ട്രോ, ലു​സൈ​ൽ ട്രാം ​സ്റ്റാ​ൻ​ഡേ​ർ​ഡ് ട്രാ​വ​ൽ കാ​ർ​ഡു​ള്ള യാ​ത്ര​ക്കാ​ർ​ക്കാണ് ഈ ​ഓ​ഫ​ർ ല​ഭ്യ​മാ​വു​ക​യെ​ന്ന് അ​ധി​കൃ​ത​ർ അ​റി​യി​ച്ചു.

ഓ​രോ മെ​ട്രോ പാ​സ് വാ​ങ്ങു​മ്പോ​ഴൂം യാ​ത്ര​ക്കാ​ർ ര​ജി​സ്റ്റ​ർ ചെ​യ്ത ട്രാ​വ​ൽ കാ​ർ​ഡ് ദോ​ഹ മെ​ട്രോ സ്റ്റേ​ഷ​നു​ക​ളി​ലെ ഗോ​ൾ​ഡ് ക്ല​ബ് ​ഓ​ഫി​സി​ൽ ഹാ​ജ​രാ​ക്ക​ണ​മെ​ന്നും നി​ർ​ദേ​ശ​മു​ണ്ട്. ഒ​രേ ട്രാ​വ​ൽ കാ​ർ​ഡി​ൽ ത​ന്നെ​യാ​യി​രി​ക്ക​ണം മൂ​ന്ന് മാ​സ​വും ട്രാ​വ​ൽ പാ​സ് വാ​ങ്ങേ​ണ്ട​ത്. എ​ങ്കി​ൽ മാ​ത്ര​മേ, നാ​ലാമത് മാ​സ​ത്തി​ൽ സൗ​ജ​ന്യ പാ​സ് അ​നു​വ​ദി​ക്കൂ. 120 റി​യാ​ലാ​ണ് 30 ദി​വ​സ കാ​ലാ​വ​ധി​യു​ള്ള മെ​​​ട്രോ പാ​സി​ന്റെ നി​ര​ക്ക്. 30 ദി​വ​സ​​ത്തെ കാ​ർ​ഡി​ന്റെ കാ​ലാ​വ​ധി ക​ഴി​ഞ്ഞാ​ൽ മാ​ത്ര​മേ അ​ടു​ത്ത കാ​ർ​ഡ് വാ​ങ്ങാ​നാ​വൂ. സ്റ്റാ​ൻ​ഡേ​ർ​ഡ് അ​ല്ലെ​ങ്കി​ൽ ഫാ​മി​ലി ക്ലാ​സ് ​​കം​പാ​ർ​ട്മെ​ന്റി​ൽ മാ​ത്ര​മാ​യി​രി​ക്കും യ​ത്ര​ചെ​യ്യാ​ൻ അ​വ​സ​രം. ഉ​ട​മ​ക്ക് മാ​ത്ര​മേ ഈ ​ട്രാ​വ​ൽ കാ​ർ​ഡ് ഉ​പ​യോ​ഗി​ച്ച് യാ​ത്ര​ചെ​യ്യാ​ൻ പാ​ടു​ള്ളൂ. പ​രി​ശോ​ധ​ന​ക്കി​ടെ, തി​രി​ച്ച​റി​യ​ൽ രേ​ഖ ​ആ​വ​ശ്യ​പ്പെ​ടാ​ൻ ജീ​വ​ന​ക്കാ​ർ​ക്ക് അ​വ​കാ​ശ​മു​ണ്ട്.

ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം