ഒമാനില് തൊഴിലാളികളുടെ താമസസ്ഥലത്ത് ഉള്പ്പെടെ രണ്ടിടങ്ങളില് തീപിടിത്തം
Synopsis
തെക്കന് അല് ബത്തിന ഗവര്ണറേറ്റിലെ നഖല് വിലായത്തിലെ അല് ഒബെയ്ദ് പ്രദേശത്ത് ഒരു ഫാമിലും തീപിടിത്തമുണ്ടായിരുന്നു. ഇതും വിജയകരമായി നിയന്ത്രണവിധേയമാക്കി.
മസ്കറ്റ്: ഒമാനില് രണ്ട് സ്ഥലങ്ങളിലുണ്ടായ തീപിടിത്തം സിവില് ഡിഫന്സ് വിഭാഗം നിയന്ത്രണവിധേയമാക്കി. സുര് വിലായത്തില് തൊഴിലാളികളുടെ താമസസ്ഥലത്തുണ്ടായ തീപിടിത്തം തെക്കന് ശര്ഖിയ ഗവര്ണറേറ്റിലെ സിവില് ഡിഫന്സ് ആന്ഡ് ആംബുലന്സ് വിഭാഗം നിയന്ത്രണ വിധേയമാക്കിയതായി സിവില് ഡിഫന്സ് ആന്ഡ് ആംബുലന്സ് വിഭാഗം അറിയിച്ചു.
തെക്കന് അല് ബത്തിന ഗവര്ണറേറ്റിലെ നഖല് വിലായത്തിലെ അല് ഒബെയ്ദ് പ്രദേശത്ത് ഒരു ഫാമിലും തീപിടിത്തമുണ്ടായിരുന്നു. ഇതും വിജയകരമായി നിയന്ത്രണവിധേയമാക്കി. രണ്ട് സംഭവങ്ങളിലും ആര്ക്കും പരിക്കേറ്റിട്ടില്ല.
അനധികൃതമായി ഒമാനിലേക്ക് പ്രവേശിക്കാന് ശ്രമിച്ച 21 വിദേശികള് പിടിയില്
മസ്കത്ത്: ഒമാന്റെ സമുദ്ര അതിര്ത്തിയില് അനധികൃതമായി പ്രവേശിച്ചതിന് മൂന്ന് ബോട്ടുകൾ റോയൽ ഒമാൻ പൊലീസ് പിടിച്ചെടുത്തു. സഹം കോസ്റ്റ് ഗാർഡ് പോലീസാണ് ഇവര്ക്കെതിരെ നടപടി സ്വീകരിച്ചത്. 21 വിദേശികളാണ് ഈ ബോട്ടുകളില് ഉണ്ടായിരുന്നത്. ഇവരെ അറസ്റ്റ് ചെയ്തതായി റോയല് ഒമാന് പൊലീസ് പുറത്തുവിട്ട വാര്ത്താക്കുറിപ്പില് അറിയിച്ചു. പിടിയിലായവര്ക്കെതിരെ നിയമനടപടികള് പൂർത്തികരിച്ചു വരുന്നതായും പ്രസ്താവനയിൽ വ്യക്തമാക്കിയിട്ടുണ്ട്.
മിഖായേൽ ഗോർബച്ചേവിന്റെ വിയോഗത്തിൽ ഒമാൻ അനുശോചിച്ചു
ഒമാന് ഉള്ക്കടലില് സൗദി നാവികസേന മയക്കുമരുന്ന് പിടികൂടി
റിയാദ്: ഒമാന് ഉള്ക്കടലില് മയക്കുമരുന്ന് കടത്തുകയായിരുന്ന ബോട്ട് സൗദി റോയല് നാവിക സേനയുടെ പ്രത്യേക ടാസ്ക് ഫോഴ്സ് പിന്തുടര്ന്ന് പിടികൂടി. ബോട്ട് തടഞ്ഞുനിര്ത്തി നടത്തിയ പരിശോധനയില് 3,330 കിലോ ഹഷീഷും ഹെറോയിനും പിടിച്ചെടുത്തു.
രണ്ടു കോടിയിലേറെ ഡോളര് മൂല്യം കണക്കാക്കുന്ന മയക്കുമരുന്ന് ശേഖരമാണ് പിടികൂടിയത്. 2018 മുതല് കടലില് പെട്രോളിങ് നടത്തുന്ന ടാസ്ക് ഫോഴ്സ് ഇതിന് മുമ്പും നിരവധി മയക്കുമരുന്ന് കടത്ത് ശ്രമങ്ങളെ പരാജയപ്പെടുത്തിയിട്ടുണ്ട്. 2020 ഒക്ടോബറില് നടത്തിയ ആദ്യ ഓപ്പറേഷനില് 450 കിലോയിലേറെ ക്രിസ്റ്റല് മെത്ത് എന്നറിയപ്പെടുന്ന മയക്കുമരുന്ന് പിടികൂടിയിരുന്നു. അതെവര്ഷം നവംബറില് രണ്ടു ഓപ്പറേഷനുകള് കൂടി നടത്തി. ആദ്യ ഓപ്പറേഷനില് ബോട്ട് തടഞ്ഞുനിര്ത്തി 1,579 കിലോ ഹഷീഷും രണ്ടാമത്തെ ഓപ്പറേഷനില് ബോട്ടില് നിന്ന് 456 കിലോ ഫെറ്റാമൈനും 364 കിലോ ഹെറോയിനും പിടികൂടി. ഡിസംബറിലും അറബിക്കടലില് രണ്ടു മയക്കുമരുന്ന് വേട്ടകള് നടത്തി. ആദ്യ ഓപ്പറേഷനില് 910 കിലോ ഹഷീഷും രണ്ടാമത്തെ ഓപ്പറേഷനില് 182 കിലോ ഫെറ്റാമൈനും 272 കിലോ ഹെറോയിനും പിടികൂടി.
ഒമാനില് വന് മയക്കുമരുന്ന് വേട്ട; 470 കിലോ ലഹരിമരുന്നുകളുമായി പ്രവാസികള് അറസ്റ്റില്
ഒമാന് ഉള്ക്കടല്, അറബിക്കടല്, ഇന്ത്യന് മഹാസമുദ്രം, ഏദന് ഉള്ക്കടല് എന്നിവ അടങ്ങിയ 20 കോടി ചതുരശ്രമീറ്റര് വിസ്തൃതിയുള്ള സമുദ്രമേഖലയിലാണ് ഈ ടാസ്ക് ഫോഴ്സ് ദൗത്യത്തില് ഏര്പ്പെട്ടിരിക്കുന്നത്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ