പ്രസവത്തെ തുടർന്ന് മരിച്ച മലയാളി നഴ്സിന്റെ മൃതദേഹം സൗദി അറേബ്യയില് ഖബറടക്കി
Synopsis
ഈ മാസം നാലിനാണ് ആൻസിയെ ആദ്യ പ്രസവത്തിനായി ബുറൈദ മാതൃശിശുകേന്ദ്രത്തിൽ പ്രവേശിപ്പിച്ചത്. സിസേറിയന് വിധേയയാക്കിയ ഇവർക്ക് പിറ്റേദിവസം പനിയും ശ്വാസതടസ്സവും അനുഭവപ്പെടുകയും ഉനൈസ കിങ് സഊദ് ആശുപത്രിയിലേക്ക് മാറ്റുകയുമായിരുന്നു.
റിയാദ്: പ്രസവത്തോടനുബന്ധിച്ചുണ്ടായ ശാരീരിക അസ്വാസ്ഥ്യം കാരണമായി സൗദി അറേബ്യയില് മരിച്ച മലയാളി നഴ്സിന്റെ മൃതദേഹം ഖബറടക്കി. ബുറൈദ കിങ് ഫഹദ് ആശുപത്രിയിലെ അമീർ സുൽത്താൻ കാർഡിയാക് സെന്ററിൽ ജോലി ചെയ്തിരുന്ന കൊല്ലം പത്തനാപുരം മാലൂർ കോളജിന് സമീപം അനീഷാ മൻസിലിൽ നാസിമുദ്ദീന്റെ മകൾ അൻസി ഫാത്തിമയാണ് (31) മരിച്ചത്.
ഉനൈസ മുറൂജ് മഖ്ബറയിലാണ് മൃതദേഹം ഖബറടക്കിയത്. ഈ മാസം നാലിനാണ് ആൻസിയെ ആദ്യ പ്രസവത്തിനായി ബുറൈദ മാതൃശിശുകേന്ദ്രത്തിൽ പ്രവേശിപ്പിച്ചത്. സിസേറിയന് വിധേയയാക്കിയ ഇവർക്ക് പിറ്റേദിവസം പനിയും ശ്വാസതടസ്സവും അനുഭവപ്പെടുകയും ഉനൈസ കിങ് സഊദ് ആശുപത്രിയിലേക്ക് മാറ്റുകയുമായിരുന്നു. ആൺകുഞ്ഞായിരുന്നു ഇവർക്ക്. അടിയന്തര ശസ്ത്രക്രിയ നടത്തിയെങ്കിലും ഈ മാസം 10ന് മരണം സംഭവിച്ചു. ഭർത്താവ് സനിത് അബ്ദുൽ ഷുക്കൂർ സൗദിയിലുണ്ട്.
Read also: നാട്ടിലേക്കുള്ള യാത്രക്കിടെ കുഴഞ്ഞു വീണ് മരിച്ച മലയാളിയുടെ മൃതദേഹം നാട്ടിലെത്തിച്ചു
വാഹനാപകടത്തില് മരിച്ച പ്രവാസിയുടെ മൃതദേഹം ഖബറടക്കി
റിയാദ്: സൗദി അറേബ്യയില് വാഹനാപകടത്തില് മരിച്ച പ്രവാസിയുടെ മൃതദേഹം ഖബറടക്കി. കോഴിക്കോട് താമരശേരി പരപ്പന്പൊയില് സ്വദേശി തിരുളാംകുന്നുമ്മല് ടി.കെ ലത്തീഫിന്റെ മൃതദേഹമാണ് അബഹ ത്വാഇഫ് റോഡിലുള്ള ശൂഹത്ത് മഖ്ബറയില് ഖബറടക്കിയത്.
ജൂലൈ ഏഴിന് അബഹയിലുണ്ടായ വാഹനാപകടത്തിലാണ് ടി.കെ ലത്തീഫ് മരിച്ചത്. അബഹയിലെ അല് - അദഫ് സൂപ്പര്മാര്ക്കറ്റില് കഴിഞ്ഞ നാല് വര്ഷമായി ജോലി ചെയ്യുകയായിരുന്ന അദ്ദേഹം രണ്ട് മാസം മുമ്പാണ് അവധി കഴിഞ്ഞ് തിരിച്ചെത്തിയത്. ഭാര്യ - സജ്ന. മക്കള് - റമിന് മുഹമ്മദ്, മൈഷ മറിയം.
ഇന്ത്യന് സോഷ്യല് ഫോറം അസീര് സ്റ്റേറ്റ് വെല്ഫെയര് ഇന്ചാര്ജ് ഹനീഫ മഞ്ചേശ്വരം, മുനീര് ചക്കുവള്ളി, ലത്തീഫിന്റെ സഹോദരന് ഷെമീര്, സിയാക്കത്ത്, ഷാനവാസ് തുടങ്ങിയവരുടെ നേതൃത്വത്തിലാണ് മൃതദേഹം സൗദി അറേബ്യയില് തന്നെ ഖബറടക്കുന്നതിനുള്ള രേഖകള് ശരിയാക്കിയത്. ഇന്ത്യന് സോഷ്യല് ഫോറം സ്റ്റേറ്റ് പ്രസിഡന്റ് ഹനീഫ ചാലിപ്പുറം, സെക്രട്ടറി അബൂഹനീഫ മണ്ണാര്ക്കാട് തുടങ്ങിയവര്ക്കൊപ്പം ലത്തീഫിന്റെ സഹപ്രവര്ത്തകരും സുഹൃത്തുക്കളും അന്ത്യകര്മങ്ങളില് പങ്കെടുത്തു.
Read also: ‘സിം’ എടുക്കാൻ തിരിച്ചറിയല് രേഖ കൊടുത്തു കേസിൽ കുടുങ്ങി; ഏഴുവർഷമായി നാട്ടിൽ പോകാനാകാതെ പ്രവാസി
ഒമാനില് രണ്ടുപേര് വാദിയില് മുങ്ങി മരിച്ചു
മസ്കറ്റ്: ഒമാനിലെ തെക്കന് അല് ബത്തിന ഗവര്ണറേറ്റിലെ റുസ്താഖ് വിലായത്തില് വാദിയില് മുങ്ങി രണ്ടു സ്വദേശികള് മരിച്ചു. റുസ്താഖ് വിലായത്തിലെ വാദി അല് ഹിംലിയിലായിരുന്നു സംഭവം.
അപകടമുണ്ടായ ഉടനെ ഇവരെ നാട്ടുകാര് രക്ഷപ്പെടുത്തി ആശുപത്രിയിലെത്തിച്ചെങ്കിലും യാത്രാമധ്യേ മരണപ്പെടുകയായിരുന്നെന്ന് സിവില് ഡിഫന്സ് ആന്ഡ് ആംബുലന്സ് അതോറിറ്റി അറിയിച്ചു. അതേസമയം മറ്റൊരു സംഭവത്തില് മസ്കറ്റ് ഗവര്ണറേറ്റിലെ ബീച്ചില് അകപ്പെട്ട നാലു കുട്ടികളെ രക്ഷപ്പെടുത്തി. സീബ് വിലായത്തിലെ അല് അതൈബ ബീച്ചിലായിരുന്നു സംഭവം. രണ്ടു കുട്ടികളെ സിവില് ഡിഫന്സ് ആന്ഡ് ആംബുലന്സ് വിഭാവും മറ്റ് രണ്ടുപേരെ നാട്ടുകാരുമാണ് രക്ഷിച്ചത്.
സലാലയില് കടലില് കാണാതായ ഒരു ഇന്ത്യക്കാരന്റെ മൃതദേഹം കൂടി കണ്ടെടുത്തു
പ്രവാസികള്ക്ക് വീണ്ടും തിരിച്ചടി; ഇരുനൂറിലേറെ തസ്തികകളില് സ്വദേശിവത്കരണം
മസ്കറ്റ്: കൂടുതല് തൊഴില് മേഖലകളിലേക്ക് സ്വദേശിവത്കരണം വ്യാപിപ്പിക്കാനൊരുങ്ങി ഒമാന് തൊഴില് മന്ത്രാലയം. ഇരുനൂറില് അധികം തസ്തികകളില് വിദേശികള്ക്ക് വിലക്കേര്പ്പെടുത്തി തൊഴില് മന്ത്രി ഡോ. മഹദ് ബിന് സൈദ് ബഔവിന് ഉത്തരവ് പുറപ്പെടുവിച്ചു. ഈ മേഖലകളില് വിദേശികള്ക്ക് പുതിയ വിസ അനുവദിക്കില്ല. 207 തസ്തികകളാണ് സ്വദേശികള്ക്ക് മാത്രമായി നിജപ്പെടുത്തി ഉത്തരവ് പുറപ്പെടുവിച്ചത്.
അഡ്മിനിസ്ട്രേറ്റീവ് ഡയറക്ടര്, പബ്ലിക് റിലേഷന്സ് ഡയറക്ടര്/മാനേജര്, എച്ച്ആര് ഡയറക്ടര്/മാനേജര്, ഡയറക്ടര് ഓഫ് റിലേഷന്സ് ആന്റ് എക്സറ്റേണല് കമ്യൂണിക്കേഷന്സ്, ഡയറക്ടര്/മാനേജര് ഓഫ് സിഇഒ ഓഫീസ്, എംപ്ലോയ്മന്റ് ഡയറക്ടര്/മാനേജര്, ഫോളോഅപ്പ് ഡയറക്ടര്/മാനേജര്, സെക്യൂരിറ്റി സൂപ്പര്വൈസര്, ഡയറക്ടര്/മാനേജര് ഓഫ് അഡ്മിഷന് ആന്റ് റജിസ്ട്രേഷന്, സ്റ്റുഡന്സ് അഫേഴ്സ് ഡയറക്ടര്/മാനേജര്, കരിയര് ഗൈഡന്സ് ഡയറക്ടര്/മാനേജര്, ഇന്ധന സ്റ്റേഷന് മാനേജര്, ജനറല് മാനേജര്, എച്ച് ആര് സ്പെഷ്യലിസ്റ്റ്, ലൈബ്രേറിയന്, എക്സിക്യൂട്ടീവ് കോഓര്ഡിനേറ്റര്, വര്ക്ക് കോണ്ട്രാക്ട് റഗുലേറ്റര്, സ്റ്റോര് സൂപ്പര്വൈസര്, വാട്ടര് മീറ്റര് റീഡര്, ട്രാവലേഴ്സ് സര്വീസെസ് ഓഫീസര്, ട്രാവല് ടിക്കറ്റ് ഓഫീസര്, ബസ് ഡ്രൈവര്/ടാക്സി കാര് ഡ്രൈവര് എന്നിവയടക്കമുള്ള തസ്തികകളിലാണ് സ്വദേശിവത്കരണം പ്രഖ്യാപിച്ചത്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam