സോഷ്യല് മീഡിയയിലൂടെ ബ്ലാക് മെയിലിങ്; ഖത്തറില് പ്രവാസി അറസ്റ്റില്
Synopsis
വിവിധ സോഷ്യല് മീഡിയ പ്ലാറ്റ്ഫോമുകളില് അശ്ലീല സ്വഭാവത്തിലുള്ള ഉള്ളടക്കങ്ങള് പോസ്റ്റ് ചെയ്തതിനും ഇയാള്ക്കെതിരെ കേസെടുത്തിട്ടുണ്ട്.
ദോഹ: ഖത്തറില് സോഷ്യല് മീഡിയയിലൂടെ ആളുകളെ ബ്ലാക് മെയില് ചെയ്ത വിദേശിയെ അറസ്റ്റ് ചെയ്തതായി ആഭ്യന്തര മന്ത്രാലയം അറിയിച്ചു. വിവിധ സോഷ്യല് മീഡിയ പ്ലാറ്റ്ഫോമുകളില് അശ്ലീല സ്വഭാവത്തിലുള്ള ഉള്ളടക്കങ്ങള് പോസ്റ്റ് ചെയ്തതിനും ഇയാള്ക്കെതിരെ കേസെടുത്തിട്ടുണ്ട്. പിടിയിലായ വ്യക്തി ഒരു ഗള്ഫ് രാജ്യത്തെ പൗരനാണെന്നാണ് റിപ്പോര്ട്ട്. തുടര് നടപടികള്ക്കായി ഇയാളെ പ്രോസിക്യൂഷന് കൈമാറിയിട്ടുണ്ടെന്ന് ഖത്തര് ആഭ്യന്തര മന്ത്രാലയം പുറത്തിറക്കിയ അറിയിപ്പില് പറയുന്നു.
ജീവന് പണയംവെച്ച് നടുറോഡില് കാര് റേസിങ്; രണ്ട് പേര് അറസ്റ്റില് - വീഡിയോ പുറത്തുവിട്ട് പൊലീസ്
മസ്കറ്റ്: ഒമാനിൽ അപകടകരമായ രീതിയിൽ റോഡിൽ വാഹനമോടിച്ച രണ്ടുപേരെ അറസ്റ്റ് ചെയ്തതായി റോയല് ഒമാന് പൊലീസ് അറിയിച്ചു. അപകടകരമായ രീതിയിൽ രണ്ട് വാഹനങ്ങൾ ഓട്ടമത്സരം നടത്തുന്ന വീഡിയോ ദൃശ്യങ്ങള് സാമൂഹിക മാധ്യമങ്ങളിൽ പ്രചരിക്കാൻ തുടങ്ങിയതോടെയാണ് ഇത് ശ്രദ്ധയില്പെട്ട പൊലീസ് അന്വേഷണം തുടങ്ങിയത്.
വിശദമായ അന്വേഷണത്തില് പ്രതികളെ തിരിച്ചറിഞ്ഞ് പൊലീസ് അറസ്റ്റ് ചെയ്ത്. ഒമാനിലെ പ്രധാന വീഥിയിലൂടെ രണ്ട് കാറുകൾ അപകടകരമായ തരത്തില് ഓടിക്കുകയും സ്വന്തം ജീവനും റോഡിലുള്ള മറ്റുള്ളവരുടെ ജീവനും അപകടത്തിലാക്കുകയും ചെയ്യുന്ന വീഡിയോയാണ് സാമൂഹ്യ മാധ്യമങ്ങളിൽ പ്രചരിച്ചതെന്ന് റോയല് ഒമാന് പൊലീസ് പുറത്തിറക്കിയ പ്രസ്താവനയില് പറയുന്നു. ജനറൽ ഡയറക്ടറേറ്റ് ഓഫ് ട്രാഫിക് കുറ്റവാളികളെ അറസ്റ്റ് ചെയ്ത് നിയമ നടപടികൾ സ്വീകരിച്ചു.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam