പ്രവാചകന് മുഹമ്മദ് നബിയുടെ ചെരുപ്പിന്റെ മാതൃകയുമായി സൗദിയില് പ്രദര്ശനം
Synopsis
കിങ് അബ്ദുല് അസീസ് സെന്റര് ഫോര് വേള്ഡ് കള്ച്ചര് (ഇത്ര), ഇസ്ലാമിക പുതുവര്ഷത്തോട് അനുബന്ധിച്ച് ജൂലൈ 31നാണ് പ്രദര്ശനം തുടങ്ങിയത്.
റിയാദ്: സൗദി അറേബ്യയില് ആരംഭിച്ച പ്രദര്ശനത്തില് പ്രവാചകന് മുഹമ്മദ് നബിയുടെ ചെരുപ്പിന്റെ പകര്പ്പ് പ്രദര്ശിപ്പിച്ചു. പ്രവാചകന് മുഹമ്മദ് നബിയുടെ കാല്ചുവടുകളിലൂടെയുള്ള കുടിയേറ്റം എന്ന പ്രദര്ശനത്തിന്റെ ഭാഗമായി ദഹറാനിലെ കിങ് അബ്ദുല് അസീസ് സെന്റര് ഫോര് വേള്ഡ് കള്ച്ചര് (ഇത്ര) ആണ് പ്രദര്ശനത്തില് ചെരുപ്പിന്റെ പകര്പ്പ് ഉള്പ്പെടുത്തിയത്.
എഡി പതിമൂന്നാം നൂറ്റാണ്ടില് ആന്ഡലൂഷ്യന് കരകൗശല വിദഗ്ധന് നിര്മ്മിച്ച ഈ മാതൃക, പ്രവാചകന് ധരിച്ചിരുന്ന യഥാര്ത്ഥ ചെരുപ്പുകള്ക്ക് സമാനമാണ്. കിങ് അബ്ദുല് അസീസ് സെന്റര് ഫോര് വേള്ഡ് കള്ച്ചര് (ഇത്ര), ഇസ്ലാമിക പുതുവര്ഷത്തോട് അനുബന്ധിച്ച് ജൂലൈ 31നാണ് പ്രദര്ശനം തുടങ്ങിയത്. പ്രദര്ശനം ഒമ്പത് മാസം നീണ്ടുനില്ക്കും. ശേഷം റിയാദ്, ജിദ്ദ, മദീന എന്നിവിടങ്ങളിലേക്കും പിന്നീട് ലോകമെമ്പാടുമുള്ള നിരവധി നഗരങ്ങളിലേക്കും നീളും. ഇസ്ലാമിക നാഗരികത വിളിച്ചോതുന്ന തുണിത്തരങ്ങള്, കയ്യെഴുത്തു പ്രതികള് ഉള്പ്പെടെ പുരാവസ്തുക്കളുടെ വന് ശേഖരം പ്രദര്ശനത്തിലുണ്ട്.
Read More - ഡിസ്നി വേൾഡ് മാതൃകയിൽ സൗദി അറേബ്യയില് ലോകത്തിലെ ഏറ്റവും വലിയ വിനോദ നഗരം ഒരുങ്ങുന്നു
ഉംറ നിര്വഹിക്കാന് 830 റിയാല് മുതല് പാക്കേജുകള്
റിയാദ്: ഉംറ നിർവഹിക്കാൻ ആഗ്രഹിക്കുന്നവർക്ക് ഒന്നിലധികം പാക്കേജുകൾ ഒരുക്കിയതായി സൗദി ഹജ്ജ് - ഉംറ മന്ത്രാലയം ആരംഭിച്ച ‘നുസുക്’ ഡിജിറ്റൽ പ്ലാറ്റ്ഫോം അധികൃതർ അറിയിച്ചു. തീർഥാടകർക്ക് കൂടുതൽ സൗകര്യമൊരുക്കുന്നതിനും മക്കയിലും മദീനയിലും എത്തുന്നതിനുള്ള നടപടികൾ ലളിതമാക്കുന്നതിനുമാണ് പാക്കേജുകൾ ഏർപ്പെടുത്തിയത്. പാക്കേജ് നിരക്ക് 830 സൗദി റിയാൽ (222 ഡോളർ) മുതൽ ആരംഭിക്കുന്നതാണ്. വിസിറ്റ് വിസ ഫീസ്, ഇൻഷുറൻസ് ചാർജ്, അഞ്ച് രാത്രികളിൽ മക്കയിൽ തങ്ങാനുള്ള ചെലവ്, ജിദ്ദ എയര്പോര്ട്ടില് നിന്നും താമസ സ്ഥലത്തേക്കും തിരിച്ചുമുള്ള യാത്രകള്, എന്നിവയാണ് പാക്കേജിൽ ഉൾപ്പെടുന്നത്. എന്നാൽ സൗദി അറേബ്യയിലേക്കും തിരികെയുമുള്ള വിമാന യാത്ര ടിക്കറ്റുകൾ, ഭക്ഷണം, മറ്റ് വ്യക്തിഗത ചെലവുകൾ എന്നിവ പാക്കേജില് ഉൾപ്പെടില്ല.
Read More- ഹയ്യ കാര്ഡ് ഉടമകള്ക്ക് ഉംറ നിര്വഹിക്കാനും മദീന സന്ദര്ശിക്കാനും സൗജന്യ വിസ
മക്കയ്ക്കും മദീനക്കുമിടയിൽ സർവിസ് നടത്തുന്ന ഹറമൈൻ എക്സ്പ്രസ് ട്രെയിനിന്റെ ട്രിപ്പ് സമയം അറിയാനും ടിക്കറ്റുകൾ ബുക്ക് ചെയ്യാനും സഹായകമായി അവരുടെ വെബ്സൈറ്റിന്റെ ലിങ്കും ‘നുസുക്’ പ്ലാറ്റ്ഫോമിൽ ചേർത്തിട്ടുണ്ട്. ഒക്ടോബർ 10നാണ് ഹജ്ജ് ഉംറ മന്ത്രാലയം ‘നുസുക്’ എന്ന പേരിൽ പരിഷ്കരിച്ച ഏകീകൃത ഡിജിറ്റൽ പ്ലാറ്റ്ഫോമം ആരംഭിച്ചത്. ഹജ്ജും ഉംറയുമായി ബന്ധപ്പെട്ട വിവിധ സേവനങ്ങളും വിവരങ്ങളും പ്ലാറ്റ്ഫോമിലുണ്ട്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ