ഹുറൂബ് വ്യവസ്ഥ പരിഷ്കരിച്ചു; നിയമത്തിലെ മാറ്റം പ്രാബല്യത്തില്
Synopsis
60 ദിവസത്തിനുള്ളില് രാജ്യം വിടുകയോ സ്പോണ്സര്ഷിപ്പ് മാറുകയോ ചെയ്യാം
റിയാദ്: 'ഹുറൂബ്' നിയമത്തില് മാറ്റം വരുത്തി സൗദി മാനവ വിഭവശേഷി സാമൂഹികവികസന മന്ത്രാലയം. തൊഴിലില്നിന്ന് വിട്ടുനില്ക്കുന്നെന്നോ കീഴില്നിന്ന് ഒളിച്ചോടിയെന്നോ കാണിച്ച് സ്പോണ്സര് നല്കുന്ന പരാതിയില് വിദേശ തൊഴിലാളിക്കെതിരെ മന്ത്രാലയം സ്വീകരിക്കുന്ന നിയമനടപടിയാണ് 'ഹുറൂബ്'. പരാതി കിട്ടിയാല് അത് 'ഹുറൂബാ'യി സ്ഥിരപ്പെടുത്തുന്നതിന് മുമ്പ് രണ്ടുമാസത്തെ സാവകാശം തൊഴിലാളിക്ക് അനുവദിക്കുന്നതാണ് നിയമത്തില് വരുത്തിയ പുതിയ മാറ്റം.
ഈ കാലളവിനിടയില് തൊഴിലാളിക്ക് ഫൈനല് എക്സിറ്റ് നേടി രാജ്യം വിടുകയോ പുതിയ തൊഴിലുടമയിലേക്ക് സ്പോണ്സര്ഷിപ്പ് മാറുകയോ ചെയ്യാം. ഈ രണ്ട് അവസരങ്ങളിലൊന്ന് പ്രയോജനപ്പെടുത്തിയില്ലെങ്കില് 60 ദിവസം പൂര്ത്തിയാവുന്നതോടെ 'ഹുറൂബ്' സ്ഥിരപ്പെടുത്തും. അതോടെ മുഴുവന് സര്ക്കാര് രേഖകളിലും തൊഴിലാളി ഒളിച്ചോടിയവന് (ഹുറൂബ്) എന്ന ഗണത്തിലാവുകയും വിവിധ ശിക്ഷാനടപടികള് നേരിടേണ്ടിവരികയും ചെയ്യും. നിയമത്തിലെ മാറ്റം ഞായറാഴ്ച (ഒക്ടോബര് 23) മുതല് പ്രാബല്യത്തിലായി.
പുതുതായി ഹുറൂബ് ആകുന്നവര്ക്കാണ് ഈ മാറ്റം ബാധകം. എന്നാല് നേരത്തെ ഹുറൂബിലായി ഏറെ കാലം പിന്നിട്ടവര്ക്കുള്പ്പടെ ഞായറാഴ്ച (ഒക്ടോബര് 23) മുതല് 15 ദിവസത്തിനുള്ളില് മറ്റൊരു തൊഴിലുടമയിലേക്ക് സ്പോണ്സര്ഷിപ്പ് മാറാന് അവസരം നല്കിയിട്ടുണ്ട്. ഇത് ഹൗസ് ഡ്രൈവറുള്പ്പടെയുള്ള സ്വകാര്യ, ഗാര്ഹിക വിസയിലുള്ളവര്ക്ക് ബാധകമല്ലെന്നാണ് സൂചന.
Read More - നിയമലംഘകരായ പ്രവാസികളെ ലക്ഷ്യമിട്ട് റെയ്ഡ് ശക്തം; ഒരാഴ്ചക്കിടെ പിടിയിലായത് 17,000 പേർ
യുഎഇയില് സ്വദേശിവത്കരണം നടപ്പിലാക്കാത്ത സ്വകാര്യ സ്ഥാപനങ്ങള്ക്ക് പിഴ ചുമത്തും
അബുദാബി: ഈ വര്ഷം അവസാനത്തിന് മുമ്പ് യുഎഇയില് രണ്ട് ശതമാനം സ്വദേശിവത്കരണം നടപ്പിലാക്കാത്ത സ്വകാര്യ സ്ഥാപനങ്ങള്ക്ക് പിഴ ചുമത്തുമെന്ന് മാനവവിഭവശേഷി സ്വദേശിവത്കരണ മന്ത്രാലയം. 2026ഓടെ സ്വദേശിവത്കരണം 10 ശതമാനം ആയി ഉയര്ത്താനും നിര്ദ്ദേശമുണ്ട്. സ്വദേശിവത്കരണം നടപ്പിലാക്കാത്ത കമ്പനികള്ക്ക് 2023 ജനുവരി മുതലാണ് പിഴ ചുമത്തി തുടങ്ങുക.നിയമം ലംഘിക്കുന്ന കമ്പനിയില് നിന്ന് ഒരു സ്വദേശിക്ക് മാസത്തില് 6,000 ദിര്ഹം എന്ന തോതില് കണക്കാക്കി വര്ഷത്തില് 72,000 ദിര്ഹം വീതമായിരിക്കും ഈടാക്കുക.
Read More - സൗദി അറേബ്യയില് സെക്യൂരിറ്റി ഗാർഡുകള്ക്ക് ഇടവേളയില്ലാതെ അഞ്ച് മണിക്കൂറിലധികം ജോലി പാടില്ല
സ്വദേശിവത്കരണ നിബന്ധന പാലിക്കുന്ന സ്ഥാപനങ്ങള്ക്ക് സര്ക്കാര് സേവന ഫീസിലെ ഇളവ് ഉള്പ്പെടെ നിരവധി ആനുകൂല്യങ്ങള് ലഭിക്കും. നിശ്ചിത പരിധിയില് നിന്നും മൂന്ന് മടങ്ങ് സ്വദേശികളെ നിയമിക്കുന്ന കമ്പനികള്ക്ക് ആനുകൂല്യങ്ങളുണ്ട്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam