ഒമാനില് മരുഭൂമിയില് കുടുങ്ങിയ രണ്ട് തമിഴ്നാട് സ്വദേശികള് മരിച്ചു
Synopsis
മരുഭൂമിയില് തൊഴില് ആവശ്യങ്ങള്ക്കായി പോയവരാണ് മരിച്ചത്. ഇവര് സഞ്ചരിച്ച വാഹനത്തിന്റെ ടയര് മണലില് താഴ്ന്നാണ് അപകടം ഉണ്ടായത്.
മസ്കറ്റ്: ഒമാനില് മരൂഭൂമിയില് കുടുങ്ങിയ രണ്ട് തമിഴ്നാട് സ്വദേശികള്ക്ക് ദാരുണാന്ത്യം. തിരുനെല്വേലി സ്വദേശി സയ്യിദ് മുഹമ്മദ് അമീസ് സിക്കന്ദര് (30), ട്രിച്ചി രാധനെല്ലൂര് സ്വദേശി ഗണേഷ് വര്ധാന് (33) എന്നിവരെയാണ് നാലാം ദിവസം ഒബാറിന് സമീപമുള്ള ഫസദില് നിന്ന് മരിച്ച നിലയില് കണ്ടെത്തിയത്.
മരുഭൂമിയില് തൊഴില് ആവശ്യങ്ങള്ക്കായി പോയവരാണ് മരിച്ചത്. ഇവര് സഞ്ചരിച്ച വാഹനത്തിന്റെ ടയര് മണലില് താഴ്ന്നാണ് അപകടം ഉണ്ടായത്. മരുഭൂമിയില് കുടുങ്ങിയ ഇവര് കനത്ത ചൂടില് ഭക്ഷണവും വെള്ളവും കിട്ടാതെ മരണപ്പെടുകയായിരുന്നെന്നാണ് കരുതുന്നത്. ജൂണ് 28നായിരുന്നു തുംറൈത്തിന് പടിഞ്ഞാറ് ഒമാന്റെ ബോര്ഡര് ഭാഗമായ ഒബാറിലേക്ക് സര്വ്വേ ജോലിക്കായി ഇവര് പോയത്. പിന്നീട് ഇവരെ കുറിച്ച് വിവരമൊന്നും ലഭിച്ചിരുന്നില്ല. ഇവര് സഞ്ചരിച്ച നിസാന് പട്രോള് വാഹനത്തിന്റെ ടയര് മണലില് താഴ്ന്നുപോകുകയായിരുന്നു. വാഹനത്തിന് കുറച്ച് അകലെ മാറിയാണ് മൃതദേഹങ്ങള് കണ്ടെത്തിയത്.
വെഹിക്കിള് മോണിറ്ററിങ് സിസ്റ്റം (ഐവിഎംഎസ്) സിഗ്നല് കാണിക്കാതിരുന്നത് കൊണ്ട് ഇവരുടെ ലൊക്കേഷന് കണ്ടെത്താന് കമ്പനി അധികൃതര്ക്ക് കഴിഞ്ഞിരുന്നില്ല. പൊലീസില് പരാതി നല്കിയ ഉടന് തന്നെ തെരച്ചില് ആരംഭിച്ചിരുന്നു. എയര്ലിഫ്റ്റ് ചെയ്ത മൃതദേഹങ്ങള് സലാല സുല്്ത്താന് ഖാബൂസ് ആശുപത്രിയിലേക്ക് മാറ്റി.
വെള്ളത്തിലൂടെ വാഹനവുമായി സാഹസിക അഭ്യാസം; ഒമാനില് യുവാവ് അറസ്റ്റില്
പ്രവാസിയെ തട്ടിക്കൊണ്ടുപോയ സംഭവത്തില് അതേ നാട്ടുകാരായ 10 പേര് അറസ്റ്റില്
മസ്കത്ത്: ഒമാനില് ഒരു പ്രവാസിയെ തട്ടിക്കൊണ്ടുപോയ സംഭവത്തില് കുറ്റക്കാരായ 10 പേരെ അറസ്റ്റ് ചെയ്തതായി റോയല് ഒമാന് പൊലീസ് അറിയിച്ചു. പരാതിക്കാരനും പ്രതികളും ഒരേ നാട്ടുകാരാണ്. നേരത്തെ മുസന്ദം ഗവര്ണറേറ്റിലായിരുന്നു തട്ടിക്കൊണ്ടുപോകല് സംഭവം നടന്നത്.
ചില സാമ്പത്തിക തര്ക്കങ്ങളായിരുന്നു പ്രവാസി യുവാവിന്റെ തട്ടിക്കൊണ്ട് പോകലിന് പിന്നിലെന്ന് റോയല് ഒമാന് പൊലീസ് കണ്ടെത്തിയിട്ടുണ്ട്. എന്നാല് പ്രതികള് ഏത് രാജ്യക്കാരാണെന്ന വിവരം പൊലീസ് വെളിപ്പെടുത്തിയിട്ടില്ല. മുസന്ദം ഗവര്ണറേറ്റ് പൊലീസ് കമാന്ഡിന്റെയും അറബ് ആന്റ് ഇന്റര്നാഷണല് പൊലീസ് (ഇന്റര്പോള്) കമ്മ്യൂണിക്കേഷന് ഡിപ്പാര്ട്ട്മെന്റിന്റെയും സഹകരണത്തോടെ റോയല് ഒമാന് പൊലീസിന്റെ ഇന്ക്വയറീസ് ആന്റ് ക്രിമിനല് ഇന്വെസ്റ്റിഗേഷന് ജനറല് ഡിപ്പാര്ട്ട്മെന്റാണ് പ്രതികളെ അറസ്റ്റ് ചെയ്തത്. തട്ടിക്കൊണ്ട് പോകലും സ്വാതന്ത്ര്യം നിഷേധിക്കലുമാണ് ഇവര്ക്കെതിരെ ചുമത്തിയിരിക്കുന്ന കുറ്റങ്ങള്. പ്രതികള്ക്കെതിരായ നിയമ നടപടികള് സ്വീകരിച്ചുവരുന്നതായും റോയല് ഒമാന് പൊലീസ് പുറത്തിറക്കിയ പ്രസ്താവനയില് പറയുന്നു.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam