സ്പൂണിന്‍റെ രൂപം മാറ്റി, പിന്നാലെ ഇന്ത്യൻ സംരംഭകന്‌ 3.5 ലക്ഷം ഡോളറിന്‍റെ നിക്ഷേപം!

ഒറിഗാമിയിൽനിന്ന് പ്രചോദനം ഉൾക്കൊണ്ട് രാഹുൽ അഗർവാൾ വികസിപ്പിച്ച മടക്കിവയ്ക്കാവുന്ന അളവ് സ്പൂണായ 'പോളിഗൺസി'ന് ഷാർക്ക് ടാങ്ക് യുഎസ്എയിൽ വൻ നേട്ടം. നടിയും നിർമാതാവുമായ മിണ്ടി കാലിങ്ങും നിക്ഷേപക ലോറി ഗ്രീനറും ചേർന്ന് 3.5 ലക്ഷം ഡോളറിന്‍റെ നിക്ഷേപമാണ് ഈ ഉൽപ്പന്നത്തിന് വാഗ്ദാനം ചെയ്തത്.

അടുക്കളയിൽ ഉപയോഗിക്കുന്ന അളവ് സ്പൂണിന് പുതിയ രൂപം നൽകി ഇന്ത്യൻ ഡിസൈനർ രാഹുൽ അഗർവാൾ. പിന്നാലെ അദ്ദേഹത്തിന്‍റെ പോളിഗൺസ് എന്ന ഉൽപ്പന്നത്തിന് അമേരിക്കൻ സംരംഭകത്വ റിയാലിറ്റി ഷോയായ ഷാർക്ക് ടാങ്ക് യുഎസ്എയിൽ 3.5 ലക്ഷം ഡോളറിന്‍റെ നിക്ഷേപ വാഗ്ദാനം ലഭിച്ചു. നടിയും നിർമാതാവുമായ മിണ്ടി കാലിങ്ങും നിക്ഷേപക ലോറി ഗ്രീനറും ചേർന്നാണ് ഈ കൂറ്റൻ നിക്ഷേപത്തിന് തയ്യാറായത്.

മടക്കി വയ്ക്കാവുന്ന സ്പൂൺ

പോളിഗൺസ് ഡിസൈനിന്‍റെ സ്ഥാപകനായ രാഹുൽ അഗർവാൾ വികസിപ്പിച്ച ഈ അളവ് സ്പൂണിന്‍റെ പ്രത്യേകത ഉപയോഗശേഷം പരന്ന രൂപത്തിൽ മടക്കിവയ്ക്കാമെന്നതാണ്. ഒറിഗാമിയിൽനിന്ന് പ്രചോദനം ഉൾക്കൊണ്ടാണ് അദ്ദേഹം ഈ രൂപകൽപ്പന തയ്യാറാക്കിയത്. ഉൽപ്പന്നത്തിന് ഇരുപതിലധികം അന്താരാഷ്ട്ര ഡിസൈൻ പുരസ്കാരങ്ങളും ലഭിച്ചിട്ടുണ്ട്.

ആറ് സ്പൂണുകൾക്ക് പകരം രണ്ട്

പരമ്പരാഗതമായി ഉപയോഗിക്കുന്ന ആറ് അളവ് സ്പൂണുകൾക്ക് പകരം രണ്ട് മടക്കാവുന്ന ഉപകരണങ്ങൾ ഉപയോഗിച്ച് വ്യത്യസ്ത അളവുകൾ കൃത്യമായി എടുക്കാമെന്നതാണ് പോളിഗൺസിന്‍റെ പ്രത്യേകത. വലുപ്പമുള്ള സ്പൂൺ ഉപയോഗിച്ച് അര ടേബിൾസ്പൂൺ, ഒരു ടേബിൾസ്പൂൺ, രണ്ട് ടേബിൾസ്പൂൺ എന്നീ അളവുകൾ എടുക്കാം. ചെറിയ സ്പൂൺ ഉപയോഗിച്ച് കാൽ ടീസ്പൂൺ, അര ടീസ്പൂൺ, ഒരു ടീസ്പൂൺ എന്നീ അളവുകളും ലഭിക്കും. അടയാളപ്പെടുത്തിയ ഭാഗങ്ങളിൽ വിരലുകൾകൊണ്ട് അമർത്തിയാൽ സ്പൂൺ ആവശ്യമായ അളവിലേക്ക് മടക്കിയെടുക്കാൻ കഴിയുന്നു.

He spent nearly 3 years perfecting a set of measuring spoons, changed manufacturers 7 times, and travelled to China 16 times.

Now, Indian entrepreneur Rahul Agarwal has struck a $350,000 deal on Shark Tank US.

His innovation? Flat, magnetic measuring spoons that open up when you need them, measure both solid and liquid ingredients, and fold away neatly when you’re done.

No bulky spoons tangled together in a kitchen drawer. No dangling, jingling teaspoons.

Even actor Mindy Kaling, who loves cooking Indian food, was sold on the idea.

“I think this is really ingenious,” she said during Rahul’s pitch, before teaming up with investor Lori Greiner to make him an offer.

But getting these seemingly simple spoons ready for sale was anything but easy. Their tiny interlocking hinges made manufacturing so difficult that Rahul had to change manufacturers seven times before he could finally start shipping the product.

The persistence paid off. His company, Plygons, had recorded $4 million in lifetime sales, including $1.25 million in the previous year. And despite those numbers, Rahul said he paid himself a basic salary of just $500 a month.

He walked away with a deal worth $350,000 for 8% equity, plus an additional 2% in advisory equity from Kaling and Greiner.

His bigger ambition? To redesign everyday household objects so they take up less space when we don't need them.

#SharkTank #IndianEntrepreneurs #StartupStories #ProductDesign #Innovation

[Indian entrepreneur Rahul Agarwal Shark Tank deal, Plygons flat magnetic measuring spoons, Mindy Kaling Lori Greiner investment, space saving kitchen measuring spoons, Indian founder startup success story, innovative kitchen gadgets for small spaces, Rahul Agarwal product development journey]

— The Better India (@thebetterindia) October 19, 2026

പരത്തിവയ്ക്കുമ്പോൾ വെറും 2.8 മില്ലിമീറ്റർ മാത്രമാണ് സ്പൂണിന്‍റെ കനം. ഭക്ഷ്യയോഗ്യമായ ഉപയോഗത്തിന് അനുയോജ്യമായ തെർമോപ്ലാസ്റ്റിക്, പ്രത്യേക സിലിക്കൺ, ഉൾച്ചേർത്ത നിയോഡൈമിയം കാന്തങ്ങൾ എന്നിവ ഉപയോഗിച്ചാണ് ഇവ നിർമിച്ചിരിക്കുന്നത്. ഉപയോഗിക്കാത്തപ്പോൾ കുറച്ച് സ്ഥലം മാത്രം മതിയെന്നതും ഈ ഉൽപ്പന്നത്തിന്‍റെ പ്രത്യേകതയാണ്.

2014 -ൽ തുടങ്ങിയ ആശയം

2014 -ൽ അഹമ്മദാബാദിലെ നാഷണൽ ഇൻസ്റ്റിറ്റ്യൂട്ട് ഓഫ് ഡിസൈനിൽ വിദ്യാർഥിയായിരിക്കെയാണ് രാഹുൽ അഗർവാൾ സ്പൂണിന്‍റെ രൂപകൽപ്പനയിൽ മാറ്റം വരുത്താനുള്ള ശ്രമം ആരംഭിച്ചത്. സ്പൂണിന്‍റെ രൂപകൽപ്പന ഇതിനകം പൂർണതയിലെത്തിയതാണെന്നും ഇനി മെച്ചപ്പെടുത്താനൊന്നുമില്ലെന്നും ഒരു മുതിർന്ന വിദ്യാർഥി പറഞ്ഞതാണ് അദ്ദേഹത്തിന് വെല്ലുവിളിയായത്. പാചകം ചെയ്യാറില്ലെങ്കിലും സ്പൂണിന്‍റെ രൂപകൽപ്പന മെച്ചപ്പെടുത്തണമെന്ന ആശയം ഉപേക്ഷിക്കാൻ കഴിഞ്ഞില്ലെന്നാണ് രാഹുൽ പറയുന്നു. മൂന്ന് ദിവസത്തിനുള്ളിൽ ആശയത്തിന്‍റെ അടിസ്ഥാനരൂപം വികസിപ്പിച്ചെങ്കിലും ഉൽപ്പന്നത്തെ അന്തിമരൂപത്തിലെത്തിക്കാൻ വർഷങ്ങളോളം പരീക്ഷണങ്ങളും മാറ്റങ്ങളും വേണ്ടിവന്നെന്നും അദ്ദേഹം കൂട്ടിച്ചേർത്തു.

10 ശതമാനം ഓഹരിക്ക് 3.5 ലക്ഷം ഡോളർ

ഷാർക്ക് ടാങ്ക് യുഎസ്എയുടെ 18 -ാം സീസണിലെ നാലാം എപ്പിസോഡിലാണ് പോളിഗൺസ് അവതരിപ്പിച്ചത്. 3.5 ലക്ഷം ഡോളറിന് കമ്പനിയുടെ എട്ട് ശതമാനം ഓഹരിയും രണ്ട് ശതമാനം ഉപദേശക ഓഹരിയും നൽകാമെന്ന കരാറാണ് രാഹുൽ സ്വീകരിച്ചത്. ഇതോടെ കരാറിലെ വ്യവസ്ഥകൾ പ്രകാരം കമ്പനിയുടെ മൂല്യം 35 ലക്ഷം ഡോളറായി കണക്കാക്കപ്പെട്ടു. ഉൽപ്പന്നത്തെ “വളരെ നൂതനവും പ്രയോജനകരവുമായ ആശയം” എന്നാണ് മിണ്ടി കാലിങ് വിശേഷിപ്പിച്ചത്. ദൈനംദിന ജീവിതത്തിൽ ഉപയോഗിക്കുന്ന സാധാരണ വസ്തുവിനെ വ്യത്യസ്തമായി പുനർരൂപകൽപ്പന ചെയ്താണ് രാഹുൽ അഗർവാൾ അന്താരാഷ്ട്ര സംരംഭകത്വ വേദിയിൽ ശ്രദ്ധ നേടിയത്.