തിരുവമ്പാടി എംഎല്‍എയുടെ പേരില്‍ ആള്‍മാറാട്ടം; ഒരാള്‍ക്കെതിരെ കേസ്

കുടുംബശ്രീയുടെ മലപ്പുറം ഓഫീസിലേക്ക്  എംഎൽഎ യെന്ന് പറഞ്ഞു ഫോൺ ചെയ്ത് ജോലിക്ക് ശുപാർശ ചെയ്തെന്നാണ് പരാതി.

തിരുവമ്പാടി എംഎൽഎ ലിന്‍റോ ജോസഫിന്‍റെ (Linto Joseph MLA) പേര് പറഞ്ഞ് ആൾമാറാട്ടം (impersonation)നടത്തിയെന്ന പരാതിയിൽ  ഒരാൾക്കെതിരെ  പൊലീസ് കേസ്സെടുത്തു(Police case). കൂമ്പാറ സ്വദേശി  ജോർജ്ജിനെതിരെയാണ് തിരുവമ്പാടി പൊലീസ് കേസെടുത്തത്. കുടുംബശ്രീയുടെ (Kudumbasree) മലപ്പുറം ഓഫീസിലേക്ക്  എംഎൽഎയെന്ന് പറഞ്ഞു ഫോൺ ചെയ്ത് ജോലിക്ക് ശുപാർശ ചെയ്തെന്നാണ് പരാതി.

രണ്ടാംതവണയും ഫോൺ വന്നപ്പോൾ നമ്പർ പരിശോധിച്ച കുടുംബശ്രീ പ്രവർത്തകരാണ്  സംഭവത്തേക്കുറിച്ച് എംഎൽഎയെ വിവരമറിക്കുന്നത്. തുടർന്ന് എംഎൽഎ പരാതി നൽകി.  എന്നാൽ തന്റെ ഫോൺ നഷ്ടപ്പെട്ടെന്നാണ് ജോർജ്ജിന്റെ വിശദീകരണം.