രാത്രിയിൽ നല്ല ഉറക്കം ലഭിക്കാൻ കഴിക്കേണ്ട ഏഴ് ഭക്ഷണങ്ങൾ

ഉറക്കം

രാത്രിയിൽ നല്ല ഉറക്കം ലഭിക്കാൻ കഴിക്കേണ്ട ഏഴ് ഭക്ഷണങ്ങൾ.

ചെറി

ചെറിയിൽ ഉറക്ക ചക്രത്തെ നിയന്ത്രിക്കുന്ന ഹോർമോണായ പ്രകൃതിദത്ത മെലറ്റോണിൻ അടങ്ങിയിട്ടുണ്ട്. ചെറി ജ്യൂസ് കുടിക്കുന്നത് മൊത്തം ഉറക്ക സമയം വർദ്ധിപ്പിക്കുന്നതിന് സഹായിക്കുന്നതായി പഠനങ്ങൾ പറയുന്നു. പ്രത്യേകിച്ച് ഉറക്കമില്ലായ്മ കൊണ്ട് ബുദ്ധിമുട്ടുന്ന ആളുകൾക്ക്. അവയുടെ ആന്റിഓക്‌സിഡന്റ് സംയുക്തങ്ങൾ നല്ല ഉറക്കം നൽകുന്നു.

ബദാം

ബദാമിൽ മെലറ്റോണിൻ, മഗ്നീഷ്യം, സിങ്ക് എന്നിവയുൾപ്പെടെ പോഷകങ്ങൾ അടങ്ങിയിട്ടുണ്ട്. ഇവ നല്ല ഉറക്കം കിട്ടുന്നതിന് സഹായിക്കുന്നു. മെലറ്റോണിൻ, മഗ്നീഷ്യം, സിങ്ക് എന്നിവയുടെ മിശ്രിതം ഉറക്കത്തിന്റെ ഗുണനിലവാരം മെച്ചപ്പെടുത്തുമെന്ന് ഗവേഷണങ്ങൾ സൂചിപ്പിക്കുന്നു.

പാൽ

രാത്രി കിടക്കുന്നതിന് മുമ്പ് ചൂട് പാൽ കുടിക്കുന്നത് നല്ല ഉറക്കം കിട്ടാൻ സഹായിക്കും. പാലിൽ ട്രിപ്റ്റോഫാൻ അടങ്ങിയിട്ടുണ്ട്, ഇത് തലച്ചോറിൽ സെറോടോണിൻ, മെലറ്റോണിൻ എന്നിവയായി മാറുന്നു.

സാൽമൺ, അയല

സാൽമൺ, അയല എന്നിവയിൽ ഒമേഗ-3 ഫാറ്റി ആസിഡുകളും വിറ്റാമിൻ ഡിയും അടങ്ങിയിട്ടുണ്ട്. സെറോടോണിൻ നിയന്ത്രണവുമായി ബന്ധപ്പെട്ട രണ്ട് പോഷകങ്ങളാണ്. ആഴ്ചയിൽ മൂന്ന് തവണ സാൽമൺ മത്സ്യം കഴിക്കുന്ന ആളുകൾക്ക് നല്ല ഉറക്കം കിട്ടാൻ സഹായിക്കും.

വാഴപ്പഴം

വാഴപ്പഴത്തിൽ മഗ്നീഷ്യം, പൊട്ടാസ്യം എന്നിവ അടങ്ങിയിട്ടുണ്ട്. ഇവ രണ്ടും നല്ല ഉറക്കത്തിന് ഫലപ്രദമായ പോഷകങ്ങളാണ്.

ഓട്സ്

ഓട്സിലെ കാർബോഹൈഡ്രേറ്റുകൾ സെറോടോണിൻ വർദ്ധിപ്പിക്കുന്നതിനൊപ്പം സ്ട്രെസ് ഹോർമോണായ കോർട്ടിസോൾ കുറയ്ക്കുകയും ചെയ്യുന്നു.

ചാമോമൈൽ ചായ

ചാമോമൈൽ ചായ പതിവായി കുടിക്കുന്നത് മൊത്തത്തിലുള്ള ഉറക്കത്തിന്റെ ഗുണനിലവാരം മെച്ചപ്പെടുത്തുമെന്ന് പഠനങ്ങൾ വെളിപ്പെടുത്തുന്നു. ചാമോമൈല്‍ ചായ കുടിക്കുന്നത് ജലദോഷം ഇല്ലാതാക്കാന്‍ വരെ സഹായിക്കും.