കുടലിന്റെ ആരോഗ്യം മെച്ചപ്പെടുത്തുന്നതിന് ചെയ്യേണ്ട 6 ദൈനംദിന ശീലങ്ങൾ

കൃത്യമായ ഭക്ഷണക്രമീകരണം ഉണ്ടായതുകൊണ്ട് മാത്രം കുടലിന്റെ ആരോഗ്യം മെച്ചപ്പെടുത്താൻ സാധിക്കുകയില്ല. അതിന് ദിവസവുമുള്ള ശീലങ്ങളിലും മാറ്റങ്ങൾ വരുത്തേണ്ടതുണ്ട്. കുടലിന്റെ ആരോഗ്യം കൂട്ടുന്നതിന് ഈ ശീലങ്ങൾ പതിവാക്കൂ. 

നല്ല ഉറക്കം ലഭിക്കണം

നല്ല ഉറക്കം ലഭിച്ചില്ലെങ്കിലും കുടലിന്റെ ആരോഗ്യം തകരാറിലാവാൻ സാധ്യതയുണ്ട്. അതിനാൽ തന്നെ നല്ല ഉറക്കം കിട്ടുന്നുണ്ടെന്ന് ഉറപ്പ് വരുത്തണം.

വ്യായാമങ്ങൾ ചെയ്യണം

നല്ല ദഹനം ലഭിക്കാനും കുടലിന്റെ ആരോഗ്യം മെച്ചപ്പെടുത്താനും ശരീരത്തിന് നല്ല രീതിയിലുള്ള വ്യായാമം അത്യാവശ്യമാണ്.

ഉപ്പിട്ട ഭക്ഷണങ്ങൾ കഴിക്കാം

തൈര്, മോര്, ഉപ്പിലിട്ട പച്ചക്കറികൾ എന്നിവ ദിവസവും കഴിക്കാൻ ശ്രദ്ധിക്കണം. ഇത് നല്ല ദഹനം ലഭിക്കാനും വീക്കം തടയാനും കുടലിന്റെ ആരോഗ്യം മെച്ചപ്പെടുത്താനും സഹായിക്കുന്നു.

ചവച്ചരച്ച് കഴിക്കാം

നല്ല ദഹനം ലഭിക്കണമെങ്കിൽ നന്നായി ചവച്ചരച്ച് കഴിക്കാൻ ശ്രദ്ധിക്കണം. വേഗത്തിൽ കഴിച്ച് തീർക്കുമ്പോൾ നല്ല ദഹനം ലഭിക്കുകയില്ല.

വെള്ളം കുടിക്കാം

രാവിലെ ഉറക്കം എഴുന്നേൽക്കുമ്പോൾ തന്നെ ധാരാളം വെള്ളം കുടിക്കാൻ ശ്രദ്ധിക്കണം. ഇത് നിങ്ങളെ ഹൈഡ്രേറ്റായിരിക്കാനും കുടലിന്റെ ആരോഗ്യം മെച്ചപ്പെടുത്താനും സഹായിക്കുന്നു.

ഫൈബർ അടങ്ങിയ ഭക്ഷണങ്ങൾ

ധാരാളം ഫൈബർ അടങ്ങിയ ഭക്ഷണങ്ങൾ കഴിക്കാൻ ശ്രദ്ധിക്കണം. ഇത് നല്ല ദഹനം ലഭിക്കാനും കുടലിന്റെ ആരോഗ്യം മെച്ചപ്പെടുത്താനും സഹായിക്കുന്നു.