വൻകുടൽ ക്യാൻസർ ; തുടക്കത്തിലെ കാണുന്ന ചില ലക്ഷണങ്ങൾ

ക്യാൻസർ ബാധിക്കുന്നവരുടെ എണ്ണം ദിനംപ്രതി കൂടി വരികയാണ്. 50 വയസ്സിന് താഴെയുള്ളവരെ നേരത്തെയുള്ള ക്യാൻസറുകൾ കൂടുതലായി ബാധിക്കുന്നു. 

വൻകുടൽ ക്യാൻസർ ; തുടക്കത്തിലെ കാണുന്ന ചില ലക്ഷണങ്ങൾ

ക്യാൻസർ ബാധിക്കുന്നവരുടെ എണ്ണം ദിനംപ്രതി കൂടി വരികയാണ്. 50 വയസ്സിന് താഴെയുള്ളവരെ നേരത്തെയുള്ള ക്യാൻസറുകൾ കൂടുതലായി ബാധിക്കുന്നു. വൻകുടലിലോ മലാശയത്തിലോ ഉണ്ടാകുന്ന അർബുദമാണ് വൻകുടൽ ക്യാൻസർ അല്ലെങ്കിൽ കൊളോറെക്റ്റൽ ക്യാൻസർ.

മലവിസർജ്ജന ശീലങ്ങളിൽ മാറ്റം, മലത്തിൽ രക്തം, കാരണമില്ലാത്ത ശരീരഭാരം കുറയൽ

മലവിസർജ്ജന ശീലങ്ങളിൽ മാറ്റം, മലത്തിൽ രക്തം, കാരണമില്ലാത്ത ശരീരഭാരം കുറയൽ, തുടർച്ചയായ വയറുവേദന, അസാധാരണമായ ക്ഷീണം എന്നിവയെല്ലാം വൻകുടൽ ക്യാൻസറിന്റെ ലക്ഷണങ്ങളാണ്.

45-50 വയസ്സിന് മുകളിലുള്ളവരിലാണ് ഇത് കൂടുതലായി കാണപ്പെടുന്നത്

45-50 വയസ്സിന് മുകളിലുള്ളവരിലാണ് ഇത് കൂടുതലായി കാണപ്പെടുന്നത്. പ്രാരംഭ ഘട്ടത്തിൽ കണ്ടെത്തിയാൽ ഫലപ്രദമായി ചികിത്സിക്കാം. കഴിഞ്ഞ 30 വർഷത്തിനിടെ ലോകമെമ്പാടും നേരത്തെയുള്ള ക്യാൻസറുകൾ (50 വയസ്സിന് താഴെയുള്ള) ഏകദേശം 80% വർദ്ധിച്ചു. വൻകുടൽ ക്യാൻസർ ഇപ്പോൾ അതിവേഗം വളരുന്നതായി ഗ്യാസ്ട്രോഎൻട്രോളജിസ്റ്റായ ഡോ. സൗരഭ് സേഥി പറയുന്നു.

1990 മുതൽ 50 വയസ്സിന് താഴെയുള്ള അമേരിക്കക്കാരിൽ ക്യാൻസർ മരണങ്ങൾ 44 ശതമാനം കുറഞ്ഞു

1990 മുതൽ 50 വയസ്സിന് താഴെയുള്ള അമേരിക്കക്കാരിൽ ക്യാൻസർ മരണങ്ങൾ 44 ശതമാനം കുറഞ്ഞു എന്നാണ് 2026-ൽ അമേരിക്കൻ ക്യാൻസർ സൊസൈറ്റി നടത്തിയ റിപ്പോർട്ടിൽ പറയുന്നു. മെച്ചപ്പെട്ട ചികിത്സകളും പുകവലി കുറച്ചതും ഇതിന് പ്രധാന കാരണമാണ്. എന്നിരുന്നാലും, വൻകുടൽ ക്യാൻസർ നിരക്ക് വർദ്ധിച്ചു കൊണ്ടിരിക്കുകയാണ്.

അൾട്രാ-പ്രോസസ്ഡ് ഭക്ഷണങ്ങളുടെ ഉയർന്ന ഉപഭോഗം കൊളോറെക്ടൽ ക്യാൻസർ സാധ്യത വർദ്ധിപ്പിക്കുന്നതുമായി ബന്ധപ്പെട്ടിരിക്കുന്നു

അൾട്രാ-പ്രോസസ്ഡ് ഭക്ഷണങ്ങളുടെ ഉയർന്ന ഉപഭോഗം കൊളോറെക്ടൽ ക്യാൻസർ സാധ്യത വർദ്ധിപ്പിക്കുന്നതുമായി ബന്ധപ്പെട്ടിരിക്കുന്നുവെന്ന് ‌വിദ​ഗ്ധർ പറയുന്നു. ഏറ്റവും കൂടുതൽ അളവിൽ അൾട്രാ-പ്രോസസ്ഡ് ഭക്ഷണങ്ങൾ കഴിക്കുന്ന സ്ത്രീകൾക്ക് പ്രീക്യാൻസർ കോളൻ പോളിപ്‌സ് ഉണ്ടാകാനുള്ള സാധ്യത 45 ശതമാനം കൂടുതലാണെന്നും ഡോ. സൗരഭ് സേഥി പറയുന്നു.

അൾട്രാ-പ്രോസസ്ഡ് ഭക്ഷണങ്ങളുടെ ഉപഭോഗം കുറയ്ക്കുക, ഫ്ലേവർഡ് ക്രീമറുകൾ, സോസുകൾ എന്നിവ ഒഴിവാക്കുക

വൻകുടൽ ക്യാൻസർ വികസനത്തിന് പ്രധാന കാരണക്കാരായ അൾട്രാ-പ്രോസസ്ഡ് ഭക്ഷണങ്ങളുടെ ഉപഭോഗം കുറയ്ക്കുക. ബ്രെഡുകൾ, മധുരമുള്ള തെെര്, ഫ്ലേവർഡ് ക്രീമറുകൾ, സോസുകൾ എന്നിവ ഒഴിവാക്കുക.

പ്രതിദിനം 25–38 ഗ്രാം നാരുകൾ കഴിക്കുക. നാരുകൾ ഗുണം ചെയ്യുന്ന കുടൽ ബാക്ടീരിയകളെ പോഷിപ്പിക്കുന്നു

പ്രതിദിനം 25–38 ഗ്രാം നാരുകൾ കഴിക്കുക. നാരുകൾ ഗുണം ചെയ്യുന്ന കുടൽ ബാക്ടീരിയകളെ പോഷിപ്പിക്കുകയും വൻകുടലിന്റെ ആരോഗ്യത്തെ പിന്തുണയ്ക്കുകയും ചെയ്യുന്നു. ഉപാപചയ സമ്മർദ്ദത്തിനും കുടൽ വീക്കത്തിനും കാരണമാകുന്ന പഞ്ചസാര ഒഴിവാക്കുക. വെള്ളം, മധുരമില്ലാത്ത ചായ എന്നിവ കഴിക്കുക.