ഹൃദയത്തിന് 'പണി' കിട്ടുന്നതിന് പിന്നിലെ മൂന്ന് കാരണങ്ങള്‍...

അനാരോഗ്യകരമായ ജീവിതശൈലിയും മോശം ഭക്ഷണശീലവുമാണ് ഹൃദയത്തിന്‍റെ ആരോഗ്യത്തെ മോശമായി ബാധിക്കുന്നത്. 

ഹൃദ്രോഗികളുടെയും ഹാര്‍ട്ട് അറ്റാക്ക് മൂലം മരിക്കുന്നവരുടെയും എണ്ണം നാള്‍ക്കുനാള്‍ വർധിച്ചുവരുന്നു. അനാരോഗ്യകരമായ ജീവിതശൈലിയും മോശം ഭക്ഷണശീലവുമാണ് ഹൃദയത്തിന്‍റെ ആരോഗ്യത്തെ മോശമായി ബാധിക്കുന്നത്. 

പഞ്ചസാര, ഉപ്പ്, അനാരോഗ്യകരമായ കൊഴുപ്പ് എന്നിവയുടെ അമിതമായ ഉപഭോഗമാണ് ഹൃദയ സംബന്ധമായ രോഗങ്ങള്‍ കൂടുന്നതിന് പിന്നിലെന്നാണ് ആരോഗ്യ വിദഗ്ധര്‍ പറയുന്നത്. അമിതമായ പഞ്ചസാരയുടെ ഉപഭോഗം, പ്രത്യേകിച്ച് സംസ്കരിച്ച ഭക്ഷണങ്ങളിലും പഞ്ചസാര പാനീയങ്ങളിലും ചേര്‍ക്കുന്ന പഞ്ചസാര ഹൃദ്രോഗത്തിനുള്ള അപകട ഘടകമായി ഉയരാം. ഉയർന്ന പഞ്ചസാര ഉപഭോഗം മൂലം അമിത വണ്ണം, ഇൻസുലിൻ പ്രതിരോധം, ടൈപ്പ് 2 പ്രമേഹം എന്നിവയ്ക്കും കാരണമാകും. കൂടാതെ, പഞ്ചസാര അടങ്ങിയ ഭക്ഷണക്രമം രക്തപ്രവാഹത്തിന് കളമൊരുക്കുന്നു. ഇത് മൂലം  ഹൃദയാഘാതം, ഹൃദയാഘാതം, മറ്റ് പ്രതികൂല ഹൃദ്രോഗ സംഭവങ്ങൾ എന്നിവയ്ക്കുള്ള സാധ്യത വർദ്ധിപ്പിക്കുന്നു.

അതുപോലെ തന്നെയാണ് ഉപ്പിന്‍റെ അമിത ഉപയോഗവും, പ്രത്യേകിച്ച്  സംസ്കരിച്ച ഭക്ഷണങ്ങളിലെ ഉപ്പും ഹൃദയാരോഗ്യത്തെ മോശമായി ബാധിക്കും. ഉയർന്ന തോതില്‍ ഉപ്പ് കഴിക്കുന്നത് ശരീരത്തിലെ സോഡിയത്തിൻ്റെയും പൊട്ടാസ്യത്തിൻ്റെയും  സന്തുലിതാവസ്ഥയെ തടസ്സപ്പെടുത്തും.  ഇത് ഉയർന്ന രക്തസമ്മർദ്ദത്തിലേക്ക് നയിക്കുന്നു . തന്മൂലം അത് ഹൃദ്രോഗത്തിനുള്ള നിർണായക അപകട ഘടകമായി മാറും. 

ആരോഗ്യകരമല്ലാത്ത കൊഴുപ്പുകൾ, പ്രത്യേകിച്ച് വറുത്ത ഭക്ഷണങ്ങൾ, മാംസത്തിൻ്റെ കൊഴുപ്പ് തുടങ്ങിയവ കൊളസ്ട്രോളിന് കാരണമാകും. ശരീരത്തില്‍ ചീത്ത കൊളസ്ട്രോള്‍ കൂടുമ്പോള്‍ അത് രക്തധമനികളില്‍ അടിഞ്ഞു കൂടും. ഹൃദയത്തിലേയ്ക്കുള്ള രക്തപ്രവാഹം തടസപ്പെടാന്‍ വരെ ഇത് കാരണമാകാം. അതിനാല്‍ കൊഴുപ്പ് അടങ്ങിയ ഭക്ഷണങ്ങള്‍, ഉപ്പ്, പഞ്ചസാര തുടങ്ങിയവ ഡയറ്റില്‍ നിന്നും ഒഴിവാക്കുന്നതാണ് ഹൃദയത്തിന്‍റെ ആരോഗ്യത്തിന് നല്ലത്. 

ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില്‍ മാറ്റം വരുത്തുക.

youtubevideo