രാത്രി ഉറങ്ങുന്നതിന് മുമ്പ് പാൽ കുടിക്കുന്ന ശീലമുണ്ടോ?

പാലിൽ അടങ്ങിയിരിക്കുന്ന അമിനോ ആസിഡ് ഉറക്കചക്രം മെച്ചപ്പെടുത്തുന്നതിനും നന്നായി ഉറങ്ങാൻ സഹായിക്കുകയും ചെയ്യുന്നു. പാൽ കുടിക്കുന്നത് മെലറ്റോണിൻ ഉത്പാദനം വർദ്ധിപ്പിക്കാൻ സഹായിക്കും. ഇത് ഉറങ്ങാൻ എളുപ്പമാക്കുന്നു.

രാത്രിയിൽ പാൽ കുടിക്കുന്ന ശീലം പലർക്കുമുണ്ട്. പാലിൽ ധാരാളം പോഷക​ഗുണങ്ങൾ അടങ്ങിയിട്ടുണ്ട്. പാലിൽ ട്രിപ്റ്റോഫാനും കാൽസ്യവും അടങ്ങിയിട്ടുണ്ട്. പ്രോട്ടീൻ, കാൽസ്യം, ബി 12, ഡി തുടങ്ങിയ വിറ്റാമിനുകൾ ഉൾപ്പെടെ നിരവധി പോഷകങ്ങളുടെ സമ്പന്നമായ ഉറവിടമാണ് പാൽ. ഉറങ്ങുന്നതിനുമുമ്പ് പാൽ കുടിക്കുന്നത് നല്ല ഉറക്കം ലഭിക്കുന്നതിന് സഹായിക്കുന്നു.

പാലിൽ അടങ്ങിയിരിക്കുന്ന അമിനോ ആസിഡ് ഉറക്കചക്രം മെച്ചപ്പെടുത്തുന്നതിനും നന്നായി ഉറങ്ങാൻ സഹായിക്കുകയും ചെയ്യുന്നു. പാൽ കുടിക്കുന്നത് മെലറ്റോണിൻ ഉത്പാദനം വർദ്ധിപ്പിക്കാൻ സഹായിക്കും. ഇത് ഉറങ്ങാൻ എളുപ്പമാക്കുന്നു.

പാലിൽ ധാരാളമായി കാണപ്പെടുന്ന കാൽസ്യം, മെലറ്റോണിൻ തലച്ചോറിനെ പിന്തുണയ്ക്കുന്നതിലൂടെ ഉറക്കത്തിന്റെ ഗുണനിലവാരം മെച്ചപ്പെടുത്താൻ സഹായിക്കുന്നു. പ്രോട്ടീനും കാൽസ്യവും കൂടാതെ, പാൽ വിറ്റാമിൻ ബി 12, ഫോസ്ഫറസ്, മഗ്നീഷ്യം എന്നിവ നൽകുന്നു, ഇവയെല്ലാം നാഡികളുടെ പ്രവർത്തനം, അസ്ഥികളുടെ ശക്തി എന്നിവയുൾപ്പെടെ മൊത്തത്തിലുള്ള ആരോഗ്യത്തിനും സഹായിക്കുന്നു.

രാത്രിയിൽ പാൽ കുടിക്കുന്നതിന്റെ ചില പാർശ്വഫലങ്ങളെ കുറിച്ചാണ് ഇനി പറയുന്നത്. ലാക്ടോസ് അസഹിഷ്ണുതയോ സെൻസിറ്റീവോ ആയ വ്യക്തികളിൽ ഉറങ്ങുന്നതിനുമുമ്പ് പാൽ കുടിക്കുന്നത് വയറു വീർക്കൽ, ഗ്യാസ് അല്ലെങ്കിൽ വയറിളക്കം എന്നിവയ്ക്ക് കാരണമാകും. ഇത് ഉറക്കത്തെ തടസ്സപ്പെടുത്തിയേക്കാം.

പാലിൽ കലോറി അടങ്ങിയിട്ടുണ്ട്. ഉറങ്ങുന്നതിന് തൊട്ടുമുമ്പ് ഇത് കുടിക്കുന്നത് ദൈനംദിന കലോറി ഉപഭോഗം വർദ്ധിപ്പിക്കും. ശരീരഭാരം കുറയ്ക്കാനോ കലോറി ഉപഭോഗം നിയന്ത്രിക്കാനോ ശ്രമിക്കുന്നവർക്ക് ഇത് ​ഗുണകരമാകില്ല. പാൽ മ്യൂക്കസ് ഉൽപാദനം വർദ്ധിപ്പിക്കുമെന്നും ആസ്ത്മ അല്ലെങ്കിൽ ശ്വസന പ്രശ്നങ്ങൾ ഉള്ളവരിൽ ലക്ഷണങ്ങൾ വഷളാക്കിയേക്കാം. എന്നാൽ ഇത് തെളിയിക്കുന്നതിനുള്ള വ്യക്തമായ പഠനങ്ങളില്ല.

പാലുൽപ്പന്നങ്ങളുടെ ഉപഭോഗം ചില വ്യക്തികളിൽ മുഖക്കുരുവിന് ഇടയാക്കുന്നു. ചില വ്യക്തികളിൽ പ്രത്യേകിച്ച് PCOS അല്ലെങ്കിൽ PCOD പോലുള്ള അവസ്ഥകളുള്ളവരിൽ പാൽ കുടിക്കുന്നത് രക്തത്തിലെ പഞ്ചസാരയുടെ അളവ് കൂടുന്ന‌തിന് ഇടയാക്കും.