പിസിഒഎസ് ഉള്ളവരിലെ മുഖക്കുരു പരിഹരിക്കാൻ ചെയ്യേണ്ട ചില കാര്യങ്ങൾ

പോളിസിസ്റ്റിക് ഓവറി സിൻഡ്രോം അഥവാ പിസിഒഎസ് ക്രമരഹിതമായ ആർത്തവം, ഭാരം പെട്ടെന്ന് കുറയുക, ചർമ്മ പ്രശ്നങ്ങൾ എന്നിങ്ങനെ വ്യത്യസ്ത രീതികളിൽ പ്രത്യക്ഷപ്പെടുന്ന ഹോർമോൺ അസന്തുലിതാവസ്ഥയ്ക്ക് കാരണമാകുന്നു.

സ്ത്രീകളിൽ ശരീരത്തിലെ ചില ഹോർമോൺ വ്യതിയാനങ്ങളുടെ ഫലമായി ഉണ്ടാകുന്ന അവസ്ഥയാണ് പിസിഒഎസ്. ആൻഡ്രോജൻ എന്ന ഹോർമോണിൻറെ അളവും ഉയർന്ന ഇൻസുലിൻ പ്രതിരോധവും പിസിഒഎസ് എന്ന അവസ്ഥയിൽ സാധാരണമാണ്. ആ​ഗോളതലത്തിൽ ആറ് മുതൽ 26 ശതമാനം വരെയുള്ള സ്ത്രീകളിൽ പിസിഒഎസ് ഉണ്ടെന്നാണ് റിപ്പോർട്ടുകൾ.

പോളിസിസ്റ്റിക് ഓവറി സിൻഡ്രോം അഥവാ പിസിഒഎസ് ക്രമരഹിതമായ ആർത്തവം, ഭാരം പെട്ടെന്ന് കുറയുക, ചർമ്മ പ്രശ്നങ്ങൾ എന്നിങ്ങനെ വ്യത്യസ്ത രീതികളിൽ പ്രത്യക്ഷപ്പെടുന്ന ഹോർമോൺ അസന്തുലിതാവസ്ഥയ്ക്ക് കാരണമാകുന്നു.

 സാധാരണ കൗമാരക്കാരിലെ മുഖക്കുരു പലപ്പോഴും ഉപരിതല പ്രശ്നങ്ങളിൽ നിന്നാണ് ഉണ്ടാകുന്നത്. എന്നാൽ പിസിഒഎസുമായി ബന്ധപ്പെട്ട മുഖക്കുരു ഹോർമോൺ വ്യതിയാനങ്ങൾ മൂലമാണ് ഉണ്ടാകുന്നത്. ഇത്തരത്തിലുള്ള മുഖക്കുരു സാധാരണയായി കൂടുതൽ കഠിനമായിരിക്കും. താടിയെല്ലിനും താടിക്കും ചുറ്റും കാണപ്പെടുന്നതായി ഡെർമറ്റോളജിസ്റ്റ് ഡോ. സുനിത നായിക് പറയുന്നു.

പിസിഒഎസിൽ നിന്നുള്ള ഹോർമോൺ മാറ്റങ്ങൾ എണ്ണ ഉൽപാദനം വർദ്ധിപ്പിക്കുന്നതിന് കാരണമാകും. ഇത് സുഷിരങ്ങൾ അടഞ്ഞുപോകുന്നതിനും മുഖക്കുരുവിനും കാരണമാകും. പിസിഒഎസ് ഉള്ളവരിലെ മുഖുക്കുരു പരിഹരിക്കാൻ ചെയ്യേണ്ട ചില കാര്യങ്ങളെ കുറിച്ചാണ് ഇനി പറയുന്നത്...

ഒന്ന്

ക്ലെൻസർ ഉപയോഗിച്ച് ദിവസവും മുഖം കഴുകുക. ഇത് മുഖക്കുരു ഒരു പരിധിവ വരെ കുറയ്ക്കാൻ സഹായിക്കും. മൃദുവായ ക്ലെൻസർ ഉപയോഗിക്കേണ്ടതിന്റെ പ്രാധാന്യം ഡോ. ​​നായിക് പറയുന്നു. ഇത് അഴുക്ക് നീക്കം ചെയ്യുക മാത്രമല്ല, ചർമ്മത്തിലെ പ്രകോപനം തടയാനും സഹായിക്കുന്നു. വീക്കം കുറയ്ക്കാനും അധിക എണ്ണ നിയന്ത്രിക്കാനും സഹായിക്കും. മാലിന്യങ്ങൾ നീക്കം ചെയ്യുന്നതിനും എണ്ണയുടെ അളവ് സന്തുലിതമായി നിലനിർത്തുന്നതിനും ദിവസവും രണ്ടു തവണ മുഖം കഴുകുക. ഇത് ആരോഗ്യകരമായ ചർമ്മത്തിലേക്ക് നയിക്കും.

രണ്ട്

ഭക്ഷണക്രമം സന്തുലിതമാക്കാൻ പച്ചക്കറികൾ, പ്രോട്ടീനുകൾ, ആരോഗ്യകരമായ കൊഴുപ്പുകൾ, പ്രത്യേകിച്ച് ഒമേഗ-3 എന്നിവ ഉൾപ്പെടുത്തുക. ശുദ്ധീകരിച്ച പഞ്ചസാരയും സംസ്കരിച്ച ഭക്ഷണങ്ങളും കുറയ്ക്കുക.

രണ്ട്

പിസിഒഎസ് ഉള്ളവർ ആരോഗ്യകരമായ ഭക്ഷണക്രമം ശീലമാക്കുക. സംസ്കരിച്ച ഭക്ഷണങ്ങൾ ഒഴിവാക്കേണ്ടത് പ്രധാനമാണ്. വെളുത്ത ബ്രെഡ്, പേസ്ട്രികൾ, പഞ്ചസാര അടങ്ങിയ ലഘുഭക്ഷണങ്ങൾ തുടങ്ങിയ ഉയർന്ന ഗ്ലൈസെമിക് ഭക്ഷണങ്ങൾ രക്തത്തിലെ പഞ്ചസാര വർദ്ധിപ്പിക്കുകയും വീക്കം വർദ്ധിപ്പിക്കുകയും ചെയ്യും. ഇത് മുഖക്കുരുവിനെ കൂടുതൽ വഷളാക്കും. പകരം, സങ്കീർണ്ണമായ കാർബോഹൈഡ്രേറ്റുകൾ, ലീൻ പ്രോട്ടീനുകൾ, ആരോഗ്യകരമായ കൊഴുപ്പുകൾ എന്നിവ ഉൾപ്പെടുന്ന വീട്ടിൽ പാകം ചെയ്ത ഭക്ഷണങ്ങൾ തിരഞ്ഞെടുക്കുക. ആരോഗ്യകരമായ ചർമ്മത്തിന് ആവശ്യമായ പോഷകങ്ങൾ ലഭിക്കുന്നതിന് മധുരക്കിഴങ്ങ്, വിവിധ വർണ്ണാഭമായ പഴങ്ങളും പച്ചക്കറികളും ഉൾപ്പെടുത്തുക.

മൂന്ന്

വ്യായാമം ചെയ്യുന്നത് മൊത്തത്തിലുള്ള ആരോഗ്യം മെച്ചപ്പെടുത്തുകയും മുഖക്കുരു ഉൾപ്പെടെയുള്ള പിസിഒഎസ് ലക്ഷണങ്ങൾ നിയന്ത്രിക്കാൻ സഹായിക്കുകയും ചെയ്യും. പതിവ് വ്യായാമം രക്തത്തിലെ പഞ്ചസാരയെയും ഹോർമോണുകളെയും സന്തുലിതമാക്കും. വേഗത്തിലുള്ള നടത്തം, യോഗ, നൃത്തം തുടങ്ങിയ ലളിതമായ പ്രവർത്തനങ്ങൾ സമ്മർദ്ദം കുറയ്ക്കും.

നാല്

മുഖക്കുരുവിനെ തൊടുകയോ പൊട്ടിക്കുകയോ ചെയ്യരുത്. കാരണം മുഖക്കുരു പൊട്ടിച്ചാൽ വീക്കം വർദ്ധിപ്പിക്കുക ചെയ്യും. മുഖം പതിവായി കഴുകുന്നത് അധിക എണ്ണയും ബാക്ടീരിയയും നീക്കം ചെയ്യാൻ സഹായിക്കുന്നു.