കുട്ടികളിലെ യൂറിനറി ഇൻഫെ​ക്ഷൻ ; പ്രധാനപ്പെട്ട 10 ലക്ഷണങ്ങൾ

ഇടയ്ക്കിടെ വരുന്ന അണുബാധകൾ വൃക്ക തകരാറുകൾക്ക് ​​കാരണമാകും. ഒരു ചെറിയ ശതമാനം കേസുകളിൽ, രോഗികൾക്ക് വിട്ടുമാറാത്ത വൃക്കരോഗമോ ഉയർന്ന രക്തസമ്മർദ്ദമോ ഉണ്ടാകാം.

മൂത്രാശയ അണുബാധ എന്നത് വൃക്കകൾ, മൂത്രസഞ്ചി, മൂത്രനാളി എന്നിവയുൾപ്പെടെ ഏത് ഭാഗത്തും ഉണ്ടാകുന്ന ഒരു അണുബാധയാണ്. മിക്ക ആളുകളിലും മൂത്രനാളത്തിലാണ് അണുബാധ ഉണ്ടാകുന്നത്. പുരുഷന്മാരേക്കാൾ സ്ത്രീകൾക്ക് യുടിഐകൾ ഉണ്ടാകാനുള്ള സാധ്യത കൂടുതലാണെങ്കിലും ശൈത്യകാലത്താണ് അപകടസാധ്യത കൂടുതൽ. ജലാംശം കുറവായതിനാൽ ബാക്ടീരിയകൾ പുറന്തള്ളപ്പെടുന്നതും പ്രതിരോധശേഷി ദുർബലമാകുന്നതും ശൈത്യകാലത്ത് യൂറിനറി ഇൻഫെക്ഷൻ വർദ്ധിക്കുന്നു.

സ്ത്രീകൾക്ക് മാത്രമല്ല കുട്ടികൾക്കും യൂറിനറി ഇൻഫെക്ഷൻ ഇന്ന് കൂടുതലായി കണ്ട് വരുന്നു. ആറ് വയസിനുള്ളിൽ 8.4 ശതമാനം പെൺകുട്ടികളെയും 1.7 ശതമാനം ആൺകുട്ടികളെയും ഇതാ ബാധിക്കുമെന്ന് ഹൈദരാബാദിലെ ഏഷ്യൻ ഇൻസ്റ്റിറ്റ്യൂട്ട് ഓഫ് നെഫ്രോളജി ആൻഡ് യൂറോളജിയിലെ കൺസൾട്ടന്റ് പീഡിയാട്രിക് & ട്രാൻസിഷണൽ യൂറോളജിസ്റ്റ് ഡോ. അശ്വിൻ ശേഖർ പി പറഞ്ഞു.

ചില കുട്ടികളിൽ യുടിഐ വീണ്ടും വരുന്നത് കാണാം. വാസ്തവത്തിൽ, 30% വരെ പീഡിയാട്രിക് രോഗികളിൽ (6 വയസ്സിന് താഴെയുള്ളവർ) യുടിഐകൾ ആവർത്തിക്കാറുണ്ട്. ഇടയ്ക്കിടെ വരുന്ന യൂറിനറി ഇൻഫെക്ഷൻ ഗൗരവമായി തന്നെ കാണണം. കാരണം തുടർന്നുള്ള ഓരോ അണുബാധയിലും ദീർഘകാല ആരോഗ്യ പ്രശ്‌നങ്ങൾക്കുള്ള സാധ്യത വർദ്ധിക്കുന്നു.

കുട്ടികളിൽ യുടിഐയുടെ ലക്ഷണങ്ങൾ

കടുത്ത പനി

വയറുവേദന

ശക്തമായ, ദുർഗന്ധം വമിക്കുന്ന മൂത്രമൊഴിക്കൽ

ഭാരം കുറയുക

ഛർദ്ദി

ക്ഷീണം

ചർമ്മത്തിൽ മഞ്ഞ നിറം

വയറിളക്കം

കിടക്കയിൽ മൂത്രമൊഴിക്കൽ

വേദനാജനകമായ അല്ലെങ്കിൽ ബുദ്ധിമുട്ടുള്ള മൂത്രമൊഴിക്കൽ

വയറിന്റെ അടിഭാഗത്തോ, പുറകിലോ, വേദനയോ അസ്വസ്ഥതയോ അനുഭവപ്പെടുക

ദുർഗന്ധം വമിക്കുന്ന, മൂടിക്കെട്ടിയ അല്ലെങ്കിൽ രക്തമുള്ള മൂത്രം

മൂത്രാശയം അല്ലെങ്കിൽ കുടൽ പ്രവർത്തന തകരാറുകളുള്ള കുട്ടികളിലും യുടിഐയ്ക്കുള്ള സാധ്യത കൂടുതലാണെന്നും ആരോ​ഗ്യ വിദ​ഗ്ധർ പറയുന്നു. ഇടയ്ക്കിടെ വരുന്ന അണുബാധകൾ വൃക്ക തകരാറുകൾക്ക് ​​കാരണമാകും. ഒരു ചെറിയ ശതമാനം കേസുകളിൽ, രോഗികൾക്ക് വിട്ടുമാറാത്ത വൃക്കരോഗമോ ഉയർന്ന രക്തസമ്മർദ്ദമോ ഉണ്ടാകാം. അതിനാൽ ആവർത്തിച്ചുള്ള യുടിഐകളുടെ പ്രശ്നമുളള കുട്ടികൾ എല്ലാ വർഷവും രക്തസമ്മർദ്ദ പരിശോധനയും പ്രോട്ടീനുകൾക്കായുള്ള മൂത്ര പരിശോധനയും നടത്തണമെന്ന് ഡോ. അശ്വിൻ ശേഖർ പറയുന്നു.