കപ്പലിലെ ലഹരി പാർട്ടി: ആര്യൻഖാനിൽ ഒതുങ്ങില്ല; നമാസ് ക്രൈയിലെ നാലുപേരെ അകത്താക്കി എൻസിബി, മൊത്തം 16 അറസ്റ്റ്

ഫാഷൻ ടീവിക്കൊപ്പം ചേർന്നാണ് ഈ സ്ഥാപനം കപ്പൽ യാത്ര സംഘടിപ്പിച്ചത്. അതിഥികളെ ക്ഷണിച്ചതും ടിക്കറ്റുകളുടെ വിൽപന നടത്തിയതും ഈ സ്ഥാപനമാണെന്ന് തെളിഞ്ഞിട്ടുണ്ട്

മുംബൈ: ആഡംബര കപ്പലിൽ ലഹരി പാർട്ടി നടത്തിയ കേസിൽ പരിപാടിയുടെ സംഘാടകർക്കെതിരെ നീക്കവുമായി എൻസിബി (NCB). ദില്ലി ആസ്ഥാനമായി പ്രവർത്തിക്കുന്ന നമാസ് ക്രൈ (Namas Cray) എന്ന സ്ഥാപനമാണ് കപ്പൽ യാത്രയിലെ പരിപാടികൾ സംഘടിപ്പിച്ചത്.

രണ്ട് അഡീഷണൽ ഡയറക്ടർമാരടക്കം ഈ സ്ഥാപനത്തിലെ നാല് ജീവനക്കാരെ എൻസിബി അറസ്റ്റ് ചെയ്തു. ഒളിവിലുള്ള മൂന്ന് ജീവനക്കാർക്കായി അന്വേഷണവും തുടങ്ങി. ഫാഷൻ ടീവിക്കൊപ്പം ചേർന്നാണ് ഈ സ്ഥാപനം കപ്പൽ യാത്ര സംഘടിപ്പിച്ചത്. അതിഥികളെ ക്ഷണിച്ചതും ടിക്കറ്റുകളുടെ വിൽപന നടത്തിയതും ഈ സ്ഥാപനമാണെന്ന് തെളിഞ്ഞിട്ടുണ്ട്.

അതേസമയം കേസിൽ അറസ്റ്റിലായ ആര്യൻഖാന്‍റെ (Aryan Khan) ചോദ്യം ചെയ്യൽ തുടരുകയാണ്. അന്വേഷണത്തോട് ആര്യൻ പൂർണമായി സഹകരിക്കുന്നുണ്ടെന്ന് എൻസിബി പറയുന്നു . എൻസിബി കസ്റ്റഡി നാളെ അവസാനിക്കും. കേസിൽ ഇതുവരെ 16 പേർ അറസ്റ്റിലായെന്ന് എൻ സി ബി വ്യക്തമാക്കി.

ഏഷ്യാനെറ്റ് ന്യൂസ് വാർത്തകൾ തത്സമയം കാണാം