ശീതതരംഗം, കുവൈത്തിൽ 60 വർഷത്തിനിടയിൽ ആദ്യമായി താപനിലയിൽ വൻ കുറവ്

60 വർഷത്തിനിടയിൽ ഫെബ്രുവരിയിൽ ആദ്യമായാണ് താപനില ഇത്രയും കുറയുന്നത്. 

കുവൈത്ത് സിറ്റി: ശക്തമായ സൈബീരിയൻ ധ്രുവ ശീത തരംഗത്തിൻ്റെ ഫലമായി കുവൈത്തിൽ താപനിലയിൽ വൻ ഇടിവ്. 60 വർഷത്തിനിടയിൽ ഫെബ്രുവരിയിൽ ആദ്യമായാണ് ഇത്രയും കുറഞ്ഞ താപനില കുവൈത്തിൽ രേഖപ്പെടുത്തിയത്. മാത്രാബയിലെ  താപനില പൂജ്യത്തിന് താഴെ, -8 ഡിഗ്രി സെൽഷ്യസായിരുന്നു. സാൽമിയിൽ -6 ഡിഗ്രി സെൽഷ്യസും ആയിരുന്നു.  

കുവൈത്ത് സിറ്റിയിൽ അനുഭവപ്പെടുന്ന താപനില പൂജ്യം ഡിഗ്രി സെൽഷ്യസ് ആയിരുന്നു. യഥാർത്ഥ കുറഞ്ഞ താപനില 8 ഡിഗ്രി സെൽഷ്യസായിരുന്നു. കഴിഞ്ഞ 60 വർഷത്തിനിടയിൽ കുവൈത്ത് ജനത അനുഭവിച്ച ഏറ്റവും തണുപ്പുള്ള ഫെബ്രുവരി ദിവസങ്ങളിലൊന്നാണ് ഇതെന്ന് കാലാവസ്ഥ വിദഗ്ധൻ ഇസ്സ റമദാൻ പറഞ്ഞു. പ്രത്യേകിച്ച് മരുഭൂമിയിൽ, അസാധാരണമായ തണുത്ത തരംഗത്തിൻ്റെ തീവ്രത പ്രതിഫലിച്ചുവെന്നും അദ്ദേഹം കൂട്ടിച്ചേർത്തു.

ഏഷ്യാനെറ്റ് ന്യൂസ് വാർത്തകൾ തത്സമയം കാണാം