മസാജ് പാര്ലറുകള് വഴി 'സദാചാരവിരുദ്ധ പ്രവൃത്തികള്'; അഞ്ച് പ്രവാസികള് അറസ്റ്റില്
Synopsis
പിടിയിലായവരെ തുടര് നിയമ നടപടികള്ക്കായി ബന്ധപ്പെട്ട വകുപ്പുകള്ക്ക് കൈമാറി.
കുവൈത്ത് സിറ്റി: കുവൈത്തില് സദാചാരവിരുദ്ധ പ്രവൃത്തികളിലേര്പ്പെട്ടെന്ന കേസില് അഞ്ച് പ്രവാസികളെ അറസ്റ്റ് ചെയ്തു. സാല്മിയയിലെ ഒരു മസാജ് കേന്ദ്രത്തില് നിന്നാണ് ഇവരെ പിടികൂടിയത്.
കുറ്റാന്വേഷണ വകുപ്പ്, പൊതുമര്യാദ സംരക്ഷണ വിഭാഗം എന്നിവയുമായി ചേര്ന്ന് രാജ്യത്തെ നിയമലംഘകരെ പിടികൂടാന് നടത്തിയ പരിശോധനകളിലാണ് ഇവരെ പിടികൂടിയത്. ഏഷ്യക്കാരാണ് അറസ്റ്റിലായത്. പണം നല്കി സദാചാരവിരുദ്ധ പ്രവൃത്തികളിലേര്പ്പെട്ടെന്നതാണ് ഇവര്ക്കെതിരെ ചുമത്തിയ കുറ്റം. പിടിയിലായവരെ തുടര് നിയമ നടപടികള്ക്കായി ബന്ധപ്പെട്ട വകുപ്പുകള്ക്ക് കൈമാറി.
Read also - പ്രവാസി ബാച്ചിലര്മാരുടെ താമസസ്ഥലങ്ങളില് വ്യാപക പരിശോധന; 146 കെട്ടിടങ്ങളിലെ വൈദ്യുതി വിച്ഛേദിച്ചു
കുവൈത്തില് നിയമലംഘകരെ കണ്ടെത്താനുള്ള പരിശോധനകള് കര്ശനമായി തുടരുകയാണ്. താമസ, തൊഴില് നിയമങ്ങള് ലംഘിച്ച 39 പ്രവാസികളെ കൂടി കഴിഞ്ഞ ദിവസം അറസ്റ്റ് ചെയ്തു. ജനറല് അഡ്മിനിസ്ട്രേഷന് ഓഫ് റെസിഡന്സ് അഫയേഴ്സ് ഇന്വെസ്റ്റിഗേഷന്സിന്റെ സഹകരണത്തില് നടത്തി വരുന്ന സുരക്ഷാ ക്യാമ്പയിനിലാണ് ഇവര് പിടിയിലായത്. വിവിധ രാജ്യക്കാരാണ് അറസ്റ്റിലായത്. താമസ, തൊഴില് നിയമലംഘകരായ 39 പേരെയും ഫര്വാനിയ ഗവര്ണറേറ്റില് നിന്ന് യാചന നടത്തിയ മൂന്നുപേരെയുമാണ് അറസ്റ്റ് ചെയ്തത്. തുടര് നിയമ നടപടികള്ക്കായി ഇവരെ ബന്ധപ്പെട്ട വകുപ്പുകള്ക്ക് കൈമാറി.
Read Also - പ്രാദേശിക വിപണിയില് വ്യാജ ഡോളര് ഇടപാടുകള്; രണ്ട് വിദേശികള് കുവൈത്തില് പിടിയില്
കുവൈത്തില് തൊഴില്, താമസ നിയമലംഘകരായ പ്രവാസികള്ക്കായി നടത്തിവരുന്ന പരിശോധനകള് തുടരുകയാണ്. മാന്പവര് പബ്ലിക് അതോറിറ്റിയുടെ നേതൃത്വത്തില് റെസിഡന്സ് അഫയേഴ്സ് ഇന്വെസ്റ്റിഗേഷന് വകുപ്പിന്റെ സഹകരണത്തോടെ ജൂണ് മാസം നടന്ന പരിശോധനകളില് ആകെ 922 പ്രവാസികളെ അറസ്റ്റ് ചെയ്തതായി ഔദ്യോഗിക കണക്കുകള് വ്യക്തമാക്കുന്നു. തുടര് നടപടികള് പൂര്ത്തിയാക്കി ഇവരെ രാജ്യത്തു നിന്ന് നാടുകടത്താനുള്ള നടപടികളാണ് ഇപ്പോള് പുരോഗമിക്കുന്നത്.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം...
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam