സൗദിയിൽ പ്രവാസിയായിരുന്ന മലയാളി ഡോക്ടർ നിര്യാതനായി

അസുഖബാധിതനായി നാട്ടിലേക്ക് പോയ ഇദ്ദേഹം ഹൃദയാഘാതം മൂലമാണ് മരിച്ചത്. 

റിയാദ്: സൗദി മധ്യപ്രവിശ്യയിലെ ഹാഇലിൽ മലയാളി സമൂഹത്തിനിടയിൽ ഏറെ പരിചിതനായ തൃശൂർ കൊടുങ്ങല്ലൂർ സ്വദേശി ഡോ. ഗോപിനാഥ് (64) നാട്ടിൽ ഹൃദയാഘാതം മൂലം മരിച്ചു. ഹാഇലിലെ അൽ അബീർ ആശുപത്രിയിൽ 10 വർഷത്തിലേറെയായി സേവനം അനുഷ്ടിക്കുകയായിരുന്നു. 

അസുഖബാധിതനായി ഒരു മാസം മുമ്പാണ് നാട്ടിലേക്ക് പോയത്. സൗമ്യമായ സ്വഭാവക്കാരനായിരുന്ന ഡോക്ടർ സാമുഹിക, സാന്ത്വന മേഖലകളിൽ വലിയ ഒരു സഹായിയായിരുന്നു. ഭാര്യ: വിനോദിനി, മക്കൾ: മനോജ്, പ്രഷാന്ത്. ശവസംസ്കാരം കൊടുങ്ങല്ലൂരിലെ വസതിയിൽ ബുധനാഴ്ച നടക്കും.

ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം