ഒമാനിലേക്ക് അനധികൃതമായി പ്രവേശിക്കാന് ശ്രമിച്ച ഇരുപതിലേറെ വിദേശികള് അറസ്റ്റില്
Synopsis
വിവിധ രാജ്യക്കാരായ 23 നുഴഞ്ഞുകയറ്റക്കാരാണ് പിടിയിലായത്. വടക്കന് അല് ബത്തിനയിലെ കോസ്റ്റ് ഗാര്ഡ് പൊലീസാണ് ഇവരെ പിടികൂടിയത്.
മസ്കറ്റ്: ഒമാനിലേക്ക് അനധികൃതമായി പ്രവേശിക്കാന് ശ്രമിച്ച ഇതുപതിലധികം വിദേശികളെ റോയല് ഒമാന് പൊലീസ് അറസ്റ്റ് ചെയ്തു. വിവിധ രാജ്യക്കാരായ 23 നുഴഞ്ഞുകയറ്റക്കാരാണ് പിടിയിലായത്. വടക്കന് അല് ബത്തിനയിലെ കോസ്റ്റ് ഗാര്ഡ് പൊലീസാണ് ഇവരെ പിടികൂടിയത്. അറസ്റ്റിലായവര്ക്കെതിരെ നിയമനടപടികള് പൂര്ത്തിയാക്കി വരികയാണെന്ന് റോയല് ഒമാന് പൊലീസ് അറിയിച്ചു.
അതേസമയം ഒമാനിലേക്ക് മയക്കുമരുന്നുമായി എത്തിയ മൂന്ന് പ്രവാസികളെ പിടികൂടി. 10 കിലോ ക്രിസ്റ്റല് മയക്കുമരുന്ന്, ഏഴ് കിലോഗ്രാം മോര്ഫിന്, 19 കിലോ ഹാഷിഷ് എന്നിവ കൈവശം സൂക്ഷിച്ച പ്രവാസികളെയാണ് റോയല് ഒമാന് പൊലീസ് അറസ്റ്റ് ചെയ്തത്. വില്പ്പനയ്ക്കായി കൈവശം സൂക്ഷിച്ച മയക്കുമരുന്നാണ് പിടിച്ചെടുത്തത്. പിടിയിലായവര്ക്കെതിരായ നിയമനടപടികള് പൂര്ത്തിയാക്കി വരികയാണെന്ന് റോയല് ഒമാന് പൊലീസ് പ്രസ്താവനയില് വ്യക്തമാക്കി.
ഒമാനിലെ അല് ദാഖിലിയയില് തുറസ്സായ സ്ഥലത്ത് തീപിടിത്തം
നിയമ ലംഘനം; ഒമാനില് നിരവധി മത്സ്യത്തൊഴിലാളികളെ അറസ്റ്റ് ചെയ്തു
മസ്കത്ത്: രാജ്യത്തെ മത്സ്യബന്ധന നിയമങ്ങള് ലംഘിച്ചെന്നാരോപിച്ച് ഒമാനില് ഇരുപതിലധികം മത്സ്യത്തൊഴിലാളികളെ അറസ്റ്റ് ചെയ്തു. ജനറല് ഡയറക്ടറേറ്റ് ഓഫ് അഗ്രികള്ച്ചറല് വെല്ത്ത് ഫിഷറീസ് ആന്റ് വാട്ടര് റിസോഴ്സസിന്റെ നേതൃത്വത്തില് ദോഫാര് ഗവര്ണറേറ്റിലായിരുന്നു പരിശോധന.
അശ്ലീല വീഡിയോകള് സാമൂഹിക മാധ്യമങ്ങളില് പങ്കുവെച്ചു; ഒമാനില് രണ്ട് പേര് അറസ്റ്റില്
ഗവര്ണറേറ്റിന്റെ വിവിധ ഭാഗങ്ങളില് നിരവധി നിയമലംഘനങ്ങള് കണ്ടെത്തിയതായി അധികൃതര് പുറത്തിറക്കിയ പ്രസ്താവനയില് അറിയിച്ചു. നമ്പറുകളില്ലാത്ത നാല് മത്സ്യബന്ധന ബോട്ടുകളില് നിന്ന് 18 തൊഴിലാളികളെ അറസ്റ്റ് ചെയ്തു. നിയമ വിരുദ്ധമായി മത്സ്യബന്ധനത്തിന് ഉപയോഗിക്കുന്ന ഉപകരണങ്ങളും ലൈസന്സില്ലാത്ത വലകളും പിടിച്ചെടുത്തിട്ടുണ്ട്. അറസ്റ്റിലായ എല്ലാവര്ക്കുമെതിരെ തുടര് നടപടികള് സ്വീകരിച്ചതായും അധികൃതര് അറിയിച്ചു.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam