കനത്ത മഴ; ഒമാനിലെ വിനോദസഞ്ചാര കേന്ദ്രങ്ങള് താല്ക്കാലികമായി അടച്ചു
Synopsis
കഴിഞ്ഞ ദിവസവും ഒമാന്റെ വിവിധ ഭാഗങ്ങളില് കനത്ത മഴ പെയ്തിരുന്നു. വാദികള് നിറഞ്ഞു കവിയുകയും ചെയ്തിരുന്നു. ചിലയിടത്ത് റോഡുകളില് വെള്ളം കയറുകയും ചെയ്തു.
മസ്കറ്റ്: കനത്ത മഴയുടെ പശ്ചാത്തലത്തില് ഒമാനിലെ വിനോദസഞ്ചാര കേന്ദ്രങ്ങള് താല്ക്കാലികമായി അടച്ചിടാന് സിവില് ഡിഫന്സ് ആന്ഡ് ആംബുലന്സ് അതോറിറ്റിയുടെ തീരുമാനം. അപകടങ്ങള് തുടര്ച്ചയായി റിപ്പോര്ട്ട് ചെയ്യപ്പെടുന്നതും മുന്നറിയിപ്പുകളോടും നിര്ദ്ദേശങ്ങളോടും ജനങ്ങള് കാണിക്കുന്ന അനാസ്ഥയും കണക്കിലെടുത്താണ് പുതിയ തീരുമാനം.
കഴിഞ്ഞ ദിവസവും ഒമാന്റെ വിവിധ ഭാഗങ്ങളില് കനത്ത മഴ പെയ്തിരുന്നു. വാദികള് നിറഞ്ഞു കവിയുകയും ചെയ്തിരുന്നു. ചിലയിടത്ത് റോഡുകളില് വെള്ളം കയറുകയും ചെയ്തു. ദാഖിലിയ, ദാഹിറ, തെക്കന് ബാത്തിന എന്നീ ഗവര്ണറേറ്റുകളിലാണ് ഞായറാഴ്ച ശക്തമായ മഴ ലഭിച്ചത്.
സലാലയില് കടലില് വീണ് കുട്ടികള് ഉള്പ്പെടെ അഞ്ചുപേരെ കാണാതായി
സലാല: ഒമാനിലെ സലാലയില് കടലില് വീണ് മൂന്ന് കുട്ടികളടക്കം അഞ്ച് ഇന്ത്യക്കാരെ കാണാതായി. ഞായറാഴ്ചയാണ് അപകടം ഉണ്ടായത്. ടൂറിസ്റ്റ് കേന്ദ്രമായ മുഗ്സെയിലില് സുരക്ഷാ ബാരിക്കേഡ് മറികടന്ന് ചിത്രമെടുക്കാന് ശ്രമിക്കുമ്പോഴാണ് അപകടം.
ഒമാനില് വാദികളില് അപകടത്തില്പ്പെട്ട് മൂന്ന് കുട്ടികള് മുങ്ങി മരിച്ചു
ഉയര്ന്നു പൊങ്ങിയ തിരമാലയില് ഇവര് പെടുകയായിരുന്നു. ഒരു കുടുംബത്തിലെ അംഗങ്ങളാണ് അപകടത്തില്പ്പെട്ടത്. ദുബൈയില് നിന്ന് എത്തിയ ഉത്തരേന്ത്യക്കാരാണിവര്. അപകടത്തില്പ്പെട്ട മൂന്നുപേരെ സിവില് ഡിഫന്സ് ആന്ഡ് ആംബുലന്സ് അധികൃതര് രക്ഷപ്പെടുത്തി.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam