ബ്രിട്ടനില്‍ കാറപകടത്തില്‍ രണ്ട് മലയാളികൾ മരിച്ചു

മൂവാറ്റുപുഴ സ്വദേശി 32 വയസുള്ള ബിൻസ് രാജൻ, കൊല്ലം സ്വദേശി അർച്ചന നിർമ്മൽ എന്നിവരാണ് മരിച്ചത്. ബിൻസിന്റെ ഭാര്യ അനഘയും മകളും തീവ്ര പരിചരണ വിഭാഗത്തിൽ ചികിത്സയിലാണ്.

ബ്രിട്ടന്‍: ബ്രിട്ടനിലെ ചെൽറ്റൻഹാമിൽ കാർ അപകടത്തിൽ (Car Accident) രണ്ട് മലയാളികൾ മരിച്ചു. മൂവാറ്റുപുഴ സ്വദേശി 32 വയസുള്ള ബിൻസ് രാജൻ, കൊല്ലം സ്വദേശി അർച്ചന നിർമ്മൽ എന്നിവരാണ് മരിച്ചത്. ബിൻസിന്റെ ഭാര്യ അനഘയും മകളും ഓക്‌സ്‌ഫോർഡ് ആശുപത്രിയിൽ തീവ്ര പരിചരണ വിഭാഗത്തിൽ ചികിത്സയിലാണ്.

ഗ്ലോസ്റ്ററിന് സമീപം ചെൽറ്റൻഹാമിലെ റൗണ്ട് എബൗട്ടിലാണ് അപകടം ഉണ്ടായത്. ബിൻസ് രാജനും കുടുംബവും സുഹൃത്ത് നിർമ്മൽ രമേഷ്, ഭാര്യ അർച്ചന എന്നിവരുമായി ലൂട്ടനിൽ നിന്നും ഗ്ലോസ്റ്റർഷെയറിലേക്ക് പോകും വഴിയായിരുന്നു അപകടം. അപകട സ്ഥലത്ത് തന്നെ ബിൻസ് രാജൻ മരിച്ചു. കഴിഞ്ഞ വർഷം ഓഗസ്റ്റിലാണ് ബിൻസ് കുടുംബവുമൊത്ത് യുകെയിലെത്തിയത്.