റോഡ് നീളെ കുഴികള്‍; മന്ത്രിയോട് പ്രതിഷേധിച്ച് ജനം, കുഴിയടയ്ക്കാന്‍ പൊലീസ്
First Published Sep 7, 2019, 12:48 PM ISTകൊച്ചിയില്‍ കഴിഞ്ഞ ദിവസങ്ങളില്‍ പെയ്ത മഴയില്‍ റോഡില്‍ രൂപം കൊണ്ട കുഴികളില്‍ വീണ് ജനം. ഇന്ന് രാവിലെ കുണ്ടനൂര്‍ വഴി യാത്ര ചെയ്യുകയായിരുന്ന രണ്ട് ബൈക്കുകളാണ് കുഴിയില്‍ വീണത്. ഇതേ തുടര്‍ന്ന് യാത്രക്കാര്‍ക്ക് പരിക്കേറ്റു. ഇന്നലെ തന്നെ കുണ്ടന്നൂര്‍ ഭാഗത്തെ റോഡുകള്‍ ഗതാഗതയോഗ്യമല്ലാതായിരുന്നു. ഇതേ തുടര്‍ന്ന് എറണാകുളം സിറ്റി പൊലീസ് കമ്മീഷണര്‍ വിജയ് സാക്കറെ പൊലീസിനോട് കുണ്ടന്നൂരിലെ കുഴിയടയ്ക്കാന്‍ ആവശ്യപ്പെട്ടിരുന്നു. ഇന്ന് ഗതാഗത കുരുക്ക് നിയന്ത്രിക്കാനായി 100 പൊലീസുകാരെ അധികമായി കൊച്ചിയിലെ റോഡുകളില്‍ വിന്യസിച്ചു. മഴ മാറിനിന്ന ഇന്ന് രാവിലെയും പൊലീസ് കുണ്ടന്നൂരിലെ കുഴികൾ മെറ്റൽ ഇട്ട് നികത്തുന്ന ജോലികളില്‍ ഏര്‍പ്പെട്ടിരുന്നു.