പുരുഷന്മാരിലെ ഹൃദ്രോഗത്തിന്റെ ചില പ്രധാനപ്പെട്ട ലക്ഷണങ്ങൾ

ഹൃദ്രോഗം പലപ്പോഴും പ്രായമായവരെ ബാധിക്കുന്ന ഒരു അവസ്ഥയായാണ് കാണപ്പെടുന്നത്. എന്നാൽ, ചെറുപ്പക്കാരായ പുരുഷന്മാർക്കിടയിൽ ആശങ്കാജനകമായ പ്രവണതകൾ കൂടുതലായി കാണുന്നു. 

പുരുഷന്മാരിലെ ഹൃദ്രോഗത്തിന്റെ ചില പ്രധാനപ്പെട്ട ലക്ഷണങ്ങൾ

ഹൃദ്രോഗം പലപ്പോഴും പ്രായമായവരെ ബാധിക്കുന്ന ഒരു അവസ്ഥയായാണ് കാണപ്പെടുന്നത്. എന്നാൽ, ചെറുപ്പക്കാരായ പുരുഷന്മാർക്കിടയിൽ ആശങ്കാജനകമായ പ്രവണതകൾ കൂടുതലായി കാണുന്നു. 45 വയസ്സിന് താഴെയുള്ള പുരുഷന്മാരിൽ പലപ്പോഴും വ്യക്തമായ ലക്ഷണങ്ങളില്ലാതെ ഹൃദയാഘാത സാധ്യത കേസുകൾ വർദ്ധിച്ചുകൊണ്ടിരിക്കുകയാണെന്ന് ആരോ​ഗ്യ വിദ​ഗ്ധർ പറയുന്നു.

ഉദാസീനമായ ജീവിതശെെലി, വിട്ടുമാറാത്ത സമ്മർദ്ദം, മോശം ഉറക്കം

45 വയസ്സിന് താഴെയുള്ള പുരുഷന്മാരിൽ ഹൈപ്പർടെൻഷൻ, ഇൻസുലിൻ പ്രതിരോധം, ഉയർന്ന കൊളസ്ട്രോൾ അളവ് എന്നിവയും കൂടുതലായി കണ്ട് വരുന്നു. ഉദാസീനമായ ജീവിതശെെലി, വിട്ടുമാറാത്ത സമ്മർദ്ദം, മോശം ഉറക്കം, പുകവലി, അനാരോഗ്യകരമായ ഭക്ഷണശീലങ്ങൾ എന്നിവയാണ് പ്രധാന കാരണങ്ങൾ.

ജനിതക മുൻകരുതലും നിർണായക പങ്ക് വഹിക്കുന്നു

ജനിതക മുൻകരുതലും നിർണായക പങ്ക് വഹിക്കുന്നു. പ്രത്യേകിച്ച് ഹൃദ്രോഗത്തിന്റെ പാരമ്പര്യം ഹൃദ്രോഗത്തിന്റെ സാധ്യത കൂട്ടുന്നു. ഈ ഘടകങ്ങളെല്ലാം താരതമ്യേന ചെറുപ്പത്തിൽ തന്നെ ഹൃദയാഘാതമോ ഗുരുതരമായ ഹൃദയ സങ്കീർണതകളോ ഉണ്ടാകാനുള്ള സാധ്യത ഗണ്യമായി വർദ്ധിപ്പിക്കുന്നു.

ഹൃദയാഘാതവുമായി ബന്ധപ്പെട്ട ലക്ഷണങ്ങളിലൊന്നാണ് നെഞ്ചുവേദന

ഹൃദയാഘാതവുമായി ബന്ധപ്പെട്ട ലക്ഷണങ്ങളിലൊന്നാണ് നെഞ്ചുവേദന. ഇത് ചെറുപ്പക്കാരായ പുരുഷന്മാർക്ക് അനുഭവപ്പെടുന്നില്ല എന്നതാണ് ഏറ്റവും വലിയ അപകടങ്ങളിലൊന്ന് എന്ന് വിദ​ഗ്ധർ പറയുന്നു. 

ക്ഷീണം, ശ്വാസതടസ്സം, ഇടയ്ക്കിടെയുള്ള ദഹനക്കേട്, നേരിയ നെഞ്ചിലെ അസ്വസ്ഥത

ചെറുപ്പക്കാരായ പുരുഷന്മാരിൽ ക്ഷീണം, ശ്വാസതടസ്സം, ഇടയ്ക്കിടെയുള്ള ദഹനക്കേട്, നേരിയ നെഞ്ചിലെ അസ്വസ്ഥത, തലകറക്കം, ഹൃദയമിടിപ്പ് അല്ലെങ്കിൽ ഉറക്കക്കുറവ് എന്നിവ അനുഭവപ്പെടാം. ചില സന്ദർഭങ്ങളിൽ, അസ്വസ്ഥത നെഞ്ചിലേക്കല്ല, താടിയെല്ലിലേക്കോ, കഴുത്തിലേക്കോ, തോളിലേക്കോ, പുറകിലേക്കോ വ്യാപിച്ചേക്കാം.

ഉത്കണ്ഠ വർദ്ധിക്കുന്നത്, നിരന്തരമായ ക്ഷീണം എന്നിവയും ഹൃദയ സമ്മർദ്ദത്തെ സൂചിപ്പിക്കാം.

ഉത്കണ്ഠ വർദ്ധിക്കുന്നത്, നിരന്തരമായ ക്ഷീണം എന്നിവയും ഹൃദയ സമ്മർദ്ദത്തെ സൂചിപ്പിക്കാം. ലക്ഷണങ്ങൾ തിരിച്ചറിയുന്നത് സമയബന്ധിതമായി വൈദ്യപരിശോധന നടത്തുകയും ചെയ്യുന്നത് ഹൃദയ സംബന്ധമായ രോ​ഗങ്ങൾ നേരത്തെ തിരിച്ചറിയാൻ സാധിക്കും.

പ്രതിരോധം നേരത്തെ ആരംഭിക്കുന്നത് ഹൃദ്രോ​ഗത്തിന്റെ സാധ്യത കുറയ്ക്കും.

പുകവലി, അമിതമായ മദ്യപാനം, പൊണ്ണത്തടി, വിട്ടുമാറാത്ത സമ്മർദ്ദം, മോശം ഭക്ഷണക്രമം എന്നിവ ഹൃദയ സംബന്ധമായ അപകടസാധ്യതയെ ഗണ്യമായി വർദ്ധിപ്പിക്കുന്നു. പ്രതിരോധം നേരത്തെ ആരംഭിക്കുന്നത് ഹൃദ്രോ​ഗത്തിന്റെ സാധ്യത കുറയ്ക്കും.

പതിവ് രക്തസമ്മർദ്ദ പരിശോധനകൾ, ലിപിഡ് പ്രൊഫൈൽ, രക്തത്തിലെ പഞ്ചസാര പരിശോധനകൾ

പതിവ് രക്തസമ്മർദ്ദ പരിശോധനകൾ, ലിപിഡ് പ്രൊഫൈൽ, രക്തത്തിലെ പഞ്ചസാര പരിശോധനകൾ, ബോഡി മാസ് ഇൻഡക്സ് എന്നിവ ഹൃദ്രോഗത്തിനുള്ള സാധ്യത കുറയ്ക്കും. നമ്മൾ എത്രയും വേഗം അപകടസാധ്യത കണ്ടെത്തുന്നുവോ അത്രയും വലിയ ഹൃദയ സംബന്ധമായ അസുഖങ്ങൾ തടയാനുള്ള സാധ്യത കൂടുതലാണ്.