Health Tips : കുടലിന്റെ ആരോഗ്യം മെച്ചപ്പെടുത്താൻ ചെയ്യേണ്ട ഏഴ് കാര്യങ്ങൾ

പുളിപ്പിച്ച ഭക്ഷണങ്ങൾ സാധാരണയായി കുടലിന്റെ ആരോഗ്യത്തിന് ഗുണകരമാണ്. കാരണം അവയിൽ അടങ്ങിയിരിക്കുന്ന പ്രോബയോട്ടിക്കുകൾ കുടൽ മൈക്രോബയോമിനെ സന്തുലിതമാക്കാൻ സഹായിക്കും.

കുടലിന്റെ ആരോഗ്യം മോശമായാൽ അത് മൊത്തത്തിലുള്ള ആരോ​ഗ്യത്തെയാണ് ബാധിക്കുന്നത്. ശരീരത്തിന്റെ ആരോഗ്യത്തേയും അത് വലിയ രീതിയിൽ ബാധിക്കും. ദഹനപ്രവർത്തനത്തിലും പോഷകങ്ങൾ ആഗിരണം ചെയ്യുന്നതിനും കുടൽ നിർണായക പങ്ക് വഹിക്കുന്നു. ദഹനം മെച്ചപ്പെടുത്താനും കുടലിന്റെ ആരോഗ്യം സംരംക്ഷിക്കുന്നതിലും സഹായിക്കുന്ന ചില കാര്യങ്ങളെ കുറിച്ചാണ് ഇനി പറയുന്നത്...

ഒന്ന്

കുടലിന്റെ ആരോഗ്യം നിലനിർത്തുന്നതിന് ആവശ്യത്തിന് വെള്ളം കുടിക്കുന്നത് നിർണായകമാണ്. ഭക്ഷണം ദഹിപ്പിക്കാനും പോഷകങ്ങൾ ആഗിരണം ചെയ്യാനും വെള്ളം സഹായിക്കുന്നതിലൂടെ ദഹനത്തെ സഹായിക്കുന്നു. നന്നായി വെള്ളം കുടിക്കുന്നത് മലബന്ധം തടയാനും സഹായിക്കുന്നു.

രണ്ട്

പച്ചക്കറികൾ നന്നായി വേവിച്ച് തന്നെ കഴിക്കുക. സീസണൽ പഴങ്ങളും ഡയറ്റിൽ ഉൾപ്പെടുത്തുക. ഫെെബർ ധാരാളമായി അടങ്ങിയ ഭക്ഷണങ്ങൾ കഴിക്കുക.

മൂന്ന്

തെരുവിലുള്ള ഭക്ഷണം കഴിക്കുന്നത് ഒഴിവാക്കുക. മലിനീകരണവും ശുചിത്വ പ്രശ്നങ്ങളും കാരണം കുടലിന്റെ ആരോഗ്യത്തിന് അപകടമുണ്ടാക്കാം.

നാല്

പുളിപ്പിച്ച ഭക്ഷണങ്ങൾ സാധാരണയായി കുടലിന്റെ ആരോഗ്യത്തിന് ഗുണകരമാണ്. കാരണം അവയിൽ അടങ്ങിയിരിക്കുന്ന പ്രോബയോട്ടിക്കുകൾ കുടൽ മൈക്രോബയോമിനെ സന്തുലിതമാക്കാൻ സഹായിക്കും.

അഞ്ച്

മഞ്ഞൾ, പെരുജീരകം, ഏലയ്ക്ക പോലുള്ളവ ഡയറ്റിൽ ഉൾപ്പെടുത്തുക. ഇവയിലെ ആന്റിഓക്സിഡന്റുകളും മറ്റ് പോഷകങ്ങളും പ്രതിരോധശേഷി കൂട്ടി ദഹനം എളുപ്പമാക്കും. ഇവ വെള്ളത്തിൽ ചേർത്ത് കുടിക്കുന്നതും ആരോ​ഗ്യത്തിന് നല്ലതാണ്.

ആറ്

പ്രാതൽ ഒഴിവാക്കുന്ന ശീലം കുടലിന്റെ ആരോ​ഗ്യത്തെ മോശമായി ബാധിക്കാം. ഇത് അമിതമായി ഭക്ഷണം കഴിക്കാനുള്ള തോന്നൽ ഉണ്ടാക്കുന്നു. കൂടാതെ, ഇത് വിവിധ ദഹനപ്രശ്നങ്ങൾക്കും കാരണമാകും.

ഏഴ്

സംസ്കരിച്ച ഭക്ഷണങ്ങൾ കുടലിലെ സൂക്ഷ്മജീവികളുടെ സന്തുലിതാവസ്ഥയെ തടസ്സപ്പെടുത്തുന്നതിലൂടെയും, വീക്കം വർദ്ധിപ്പിക്കുന്നതിലൂടെയും, ദഹനപ്രശ്നങ്ങൾക്ക് കാരണമാകുന്നതിലൂടെയും കുടലിന്റെ ആരോഗ്യത്തെ പ്രതികൂലമായി ബാധിക്കും. ഈ ഭക്ഷണങ്ങളിൽ പ്രിസർവേറ്റീവുകളും അടങ്ങിയിട്ടുണ്ട്. കൂടാതെ അനാരോഗ്യകരമായ കൊഴുപ്പുകൾ, പഞ്ചസാര, ഉപ്പ് എന്നിവ കൂടുതലായി അടങ്ങിയിരിക്കാം. ഇവയെല്ലാം കുടലിനെ ദോഷകരമായി ബാധിക്കും.