ദഹനം സുഗമമാക്കുന്നതിന് സഹായിക്കുന്ന മഗ്നീഷ്യം അടങ്ങിയ ആറ് ഭക്ഷണങ്ങൾ

തണ്ണിമത്തനിൽ കൂടുതലും വെള്ളമാണ്. ഇത് ജലാംശം നല്‍കാന്‍ വളരെ നല്ലതാണ്. തണ്ണിമത്തനില്‍ യഥാര്‍ത്ഥത്തില്‍ ഗണ്യമായ അളവില്‍ മഗ്നീഷ്യം അടങ്ങിയിട്ടുണ്ട്. ഇത് വിവിധ ദഹനപ്രശ്നങ്ങൾ അകറ്റുന്നതിന് സഹായിക്കുന്നു. 

ശരീരത്തിന്റെ മൊത്തത്തിലുള്ള ആരോ​ഗ്യത്തിന് പ്രധാനമായ പോഷകമാണ് മഗ്നീഷ്യം. മഗ്നീഷ്യം സമ്പുഷ്ടമായ പഴങ്ങൾ ആരോഗ്യകരമായ മലവിസർജ്ജനം നിലനിർത്തുന്നതിന് സഹായിക്കുന്നു. മഗ്നീഷ്യം ഒരു അവശ്യ ധാതുവാണ്. രക്തത്തിലെ പഞ്ചസാര നിയന്ത്രിക്കാനും ഹൃദയമിടിപ്പ് സ്ഥിരമായി നിലനിർത്തുന്നതിനും ഇത് സഹായിക്കുന്നു. ദഹനം സുഗമമാക്കുന്നതിന് സഹായിക്കുന്ന മഗ്നീഷ്യം അടങ്ങിയ പഴങ്ങളെ കുറിച്ചാണ് ഇനി പറയുന്നത്.

ഒന്ന്

തണ്ണിമത്തനിൽ കൂടുതലും വെള്ളമാണ്. ഇത് ജലാംശം നൽകാൻ വളരെ നല്ലതാണ്. തണ്ണിമത്തനിൽ യഥാർത്ഥത്തിൽ ഗണ്യമായ അളവിൽ മഗ്നീഷ്യം അടങ്ങിയിട്ടുണ്ട്. ഇത് വിവിധ ദഹനപ്രശ്നങ്ങൾ അകറ്റുന്നതിന് സഹായിക്കുന്നു.

രണ്ട്

ആരോഗ്യകരമായ കൊഴുപ്പുകളും നാരുകളും കൊണ്ട് സമ്പുഷ്ടമായ അവക്കാഡോ ദഹനത്തിലെ ബുദ്ധിമുട്ട് കുറയ്ക്കുന്നു. മലബന്ധം കൊണ്ട് ബുദ്ധിമുട്ടുന്ന ആളുകൾക്ക് അവക്കാഡോ നാരുകൾ, ആരോഗ്യകരമായ കൊഴുപ്പുകൾ, മഗ്നീഷ്യം എന്നിവ നൽകുന്നു.

മൂന്ന്

ബ്ലൂബെറിയിൽ മഗ്നീഷ്യം ധാരാളമായി അടങ്ങിയിരിക്കുന്നു. ഇത് നല്ല കുടൽ ബാക്ടീരിയകളെ പോഷിപ്പിക്കാനും സഹായിക്കുന്നു. ബ്ലൂബെറി സ്മൂത്തിയായോ അല്ലാതെയോ കഴിക്കാവുന്നതാണ്.

നാല്

വാഴപ്പഴം വിറ്റാമിൻ ബി6 ഉം പൊട്ടാസ്യവും നൽകുന്നു, ഇവ രണ്ടും ശരീരത്തിലെ മഗ്നീഷ്യത്തിന്റെ പ്രവർത്തനം വർദ്ധിപ്പിക്കുന്നു. വിറ്റാമിൻ ബി6 മഗ്നീഷ്യം ആവശ്യമുള്ളിടത്തേക്ക്, പ്രത്യേകിച്ച് പേശികളിലേക്കും ഞരമ്പുകളിലേക്കും എത്തിക്കാൻ സഹായിക്കുന്നു.

അഞ്ച്

മത്തങ്ങ വിത്തുകളിൽ മഗ്നീഷ്യം കൂടുതലാണ്. ഇത് കോശങ്ങൾക്കുള്ളിൽ മഗ്നീഷ്യം കൊണ്ടുപോകുന്നതിനെ പിന്തുണയ്ക്കുന്നു. വിറ്റാമിൻ ഡി അല്ലെങ്കിൽ ബി 6 അടങ്ങിയ ഭക്ഷണങ്ങൾക്കൊപ്പം ഇവ കഴിക്കുന്നത് മൊത്തത്തിലുള്ള ആഗിരണം വർദ്ധിപ്പിക്കുന്നു.

ആറ്

ഇലക്കറികളിൽ മഗ്നീഷ്യം, വിറ്റാമിൻ കെ എന്നിവ അടങ്ങിയിട്ടുണ്ട്. ഇത് ശരീരത്തിലെ കാൽസ്യം, മഗ്നീഷ്യം എന്നിവയുടെ സന്തുലിതാവസ്ഥ നിലനിർത്താൻ സഹായിക്കുന്നു. ഇവയിൽ നാരുകൾ ധാരാളം അടങ്ങിയിട്ടുണ്ട്. ഇത് കുടലിന്റെ ആരോഗ്യത്തെ പിന്തുണയ്ക്കുകയും അതുവഴി മഗ്നീഷ്യം ആഗിരണം ചെയ്യാൻ സഹായിക്കുകയും ചെയ്യുന്നു.