പ്രഭാതഭക്ഷണം ഒഴിവാക്കാറുണ്ടോ? എങ്കിൽ ഒന്ന് ശ്രദ്ധിക്കൂ

ഇന്റർനാഷണൽ ജേണൽ ഓഫ് ഹൈപ്പർടെൻഷനിൽ പ്രസിദ്ധീകരിച്ച പഠനത്തിലാണ് ഇതിനെ കുറിച്ച് പറയുന്നത്. പ്രഭാതഭക്ഷണം ഒഴിവാക്കുന്നതും ഉയർന്ന രക്തസമ്മർദ്ദവും തമ്മിലുള്ള ബന്ധത്തെക്കുറിച്ച് 14,000-ത്തിലധികം മുതിർന്നവരിൽ നിന്നുള്ള ഡാറ്റ അവലോകനം ചെയ്തു. 

ഒരു ദിവസത്തെ ഏറ്റവും പ്രധാനപ്പെട്ട ഭക്ഷണമാണ് പ്രാതൽ എന്ന് പറയുന്നത്. എന്നാൽ അധികം ആളുകളും ഇന്ന് ബ്രേക്ക്ഫാസ്റ്റ് ഒഴിവാക്കുന്നതായി കണ്ട് വരുന്നു. പ്രാതൽ ഒഴിവാക്കുന്നത് ആരോ​ഗ്യത്തിന് അത്ര നല്ലതല്ലെന്ന് പഠനങ്ങൾ പറയുന്നു. പ്രഭാതഭക്ഷണം ഒഴിവാക്കുന്നത് രക്തസമ്മർദ്ദം വർദ്ധിപ്പിക്കുകയും ഹൃദ്രോഗ സാധ്യത വർദ്ധിപ്പിക്കുകയും ചെയ്യുന്നതായി ​ഗവേഷകർ വ്യക്തമാക്കുന്നു.

ഇന്റർനാഷണൽ ജേണൽ ഓഫ് ഹൈപ്പർടെൻഷനിൽ പ്രസിദ്ധീകരിച്ച പഠനത്തിലാണ് ഇതിനെ കുറിച്ച് പറയുന്നത്. പ്രഭാതഭക്ഷണം ഒഴിവാക്കുന്നതും ഉയർന്ന രക്തസമ്മർദ്ദവും തമ്മിലുള്ള ബന്ധത്തെക്കുറിച്ച് 14,000-ത്തിലധികം മുതിർന്നവരിൽ നിന്നുള്ള ഡാറ്റ അവലോകനം ചെയ്തു.

പ്രഭാതഭക്ഷണം പതിവായി ഒഴിവാക്കുന്ന ആളുകൾക്ക് പ്രഭാതഭക്ഷണം കഴിക്കുന്നവരെ അപേക്ഷിച്ച് ഉയർന്ന രക്തസമ്മർദ്ദം ഉണ്ടാകാനുള്ള സാധ്യത 20% കൂടുതലാണെന്ന് പഠനത്തിൽ പറയുന്നു. ഉയർന്ന രക്തസമ്മർദ്ദം, നിയന്ത്രിച്ചില്ലെങ്കിൽ ഹൃദ്രോഗം, പക്ഷാഘാതം, വൃക്ക സംബന്ധമായ പ്രശ്നങ്ങൾ എന്നിവയ്ക്കുള്ള സാധ്യത വർദ്ധിപ്പിക്കും.

പ്രഭാതഭക്ഷണം ഒഴിവാക്കുന്നത് പിന്നീട് ഹൃദയാരോഗ്യത്തെ ബാധിക്കാം. സമീകൃത പ്രഭാതഭക്ഷണത്തോടെ ദിവസം ആരംഭിക്കുന്നത് സ്ഥിരമായ രക്തസമ്മർദ്ദം നിലനിർത്താനും, ഊർജ്ജ നിലകളെ പിന്തുണയ്ക്കാനും സഹായിച്ചേക്കാം. പ്രഭാതഭക്ഷണം ഒഴിവാക്കുമ്പോൾ, കോർട്ടിസോളിന്റെ അളവ് ഉയർന്നതോ വൈകിയോ തുടരാം. ഇത് കാലക്രമേണ സമ്മർദ്ദം, ഉയർന്ന രക്തസമ്മർദ്ദം, ഉപാപചയ അസന്തുലിതാവസ്ഥ എന്നിവയ്ക്ക് കാരണമാകും.

പ്രഭാതഭക്ഷണം ഒഴിവാക്കുന്നത് ഇൻസുലിൻ സംവേദനക്ഷമതയെ തകരാറിലാക്കുകയും തുടർന്നുള്ള ഭക്ഷണങ്ങളിൽ രക്തത്തിലെ പഞ്ചസാരയുടെ അളവ് കുത്തനെ ഉയരാൻ കാരണമാവുകയും ചെയ്യും. പ്രഭാതഭക്ഷണം ഒഴിവാക്കുമ്പോൾ അമിതമായി ഭക്ഷണം കഴിക്കുന്നതിനോ ആരോഗ്യകരമായ ഭക്ഷണങ്ങൾ കഴിക്കുന്നതിനോ ഇടയാക്കും. ഈ ശീലങ്ങൾ കാലക്രമേണ രക്തസമ്മർദ്ദം ഉയർത്തും.

കൂടാതെ, പ്രഭാതഭക്ഷണം ഒഴിവാക്കുന്നവരിൽ മോശം ഭക്ഷണക്രമം, ഉയർന്ന ശരീരഭാരം, ഉദാസീനമായ ജീവിതശൈലി തുടങ്ങിയ മറ്റ് അപകട ഘടകങ്ങളും ഉണ്ടാകാറുണ്ട്. ഈ ഘടകങ്ങൾ കൂടിച്ചേർന്ന് രക്തസമ്മർദ്ദവും മൊത്തത്തിലുള്ള ഹൃദ്രോഗ സാധ്യതയും വർദ്ധിപ്പിക്കുന്നു.