അമേരിക്കയിൽ അനിശ്ചിതത്വം; അന്തിമഫലം ഇന്നില്ല; ട്രംപ് സുപ്രീംകോടതിയിലേക്ക്
Nov 4, 2020, 6:06 PM IST
വോട്ടെണ്ണൽ നിർത്തിവെക്കണമെന്നാവശ്യപ്പെട്ട് ഡോണൾഡ് ട്രംപ് സുപ്രീംകോടതിയിലേക്ക്. വോട്ടെണ്ണൽ തുടരുന്നത് ക്രമക്കേട് നടത്താനെന്നാണ് ട്രംപിന്റെ വാദം.
5:59 PM
ഏഴിൽ അഞ്ചിടത്തും ട്രംപ് മുന്നിൽ
ഫലം വരാനുള്ള ഏഴ് സംസ്ഥാനങ്ങളിൽ അഞ്ചിടത്തും ട്രംപ് മുന്നിൽ. മിഷിഗൺ, വിസ്കോൺസിൻ എന്നിവിടങ്ങളിൽ മാത്രമാണ് ബൈഡൻ മുന്നിലുള്ളത്.
5:52 PM
മിഷിഗണിൽ ബൈഡൻ മുന്നിൽ
സ്വിംഗ് സ്റ്റേറ്റുകളിലൊന്നായ മിഷിഗണിൽ ബൈഡന് മുൻതൂക്കമെന്ന് ഫലസൂചനകൾ.
4:16 PM
അന്തിമഫലം ഇന്നില്ല
അമേരിക്കൻ പ്രസിഡന്റ് തെരഞ്ഞെടുപ്പിൽ അന്തിമ ഫലം ഇന്നില്ല. പെൻസിൽവേനിയയിലും മിഷിഗണിലും ഫലപ്രഖ്യാപനം വൈകുന്നതിനാലാണ് അന്തിമഫലം ഇന്ന് പുറത്തുവരാൻ സാധ്യതയില്ലാത്തത്.
4:01 PM
ഹവായിയിൽ ബൈഡന് മുൻതൂക്കം
ഹവായിയിൽ നാല് വോട്ടുകൾക്ക് ബൈഡൻ മുന്നിൽ.
1959ൽ നിലവിൽ വന്ന സംസ്ഥാനം രണ്ട് തവണ മാത്രമാണ് റിപ്ലബ്ബിക്കൻ പ്രസിഡന്റ് സ്ഥാനാർത്ഥിയെ പിന്തുണച്ചിട്ടുള്ളത്.
3:58 PM
ജയിച്ചെന്ന് ട്രംപ്; ആഘോഷത്തിന് ആഹ്വാനം
വോട്ടെണ്ണൽ തീരുന്നതിന് മുമ്പേ ജയം അവകാശപ്പെട്ട് ഡൊണാൾഡ് ട്രംപ്. ആഘോഷം തുടങ്ങാൻ അനുയായികളോട് നിർദ്ദേശിച്ചു.
3:36 PM
ശ്രദ്ധാകേന്ദ്രമായി സ്വിംഗ് സ്റ്റേറ്റുകൾ
അഞ്ച് സംസ്ഥാനങ്ങളിലെ ഫലം നിർണായകമാകും
പെൻസിൽവേനിയ, മിഷിഗൺ, വിസ്കോൺസിൻ ഇവയിൽ ഉൾപ്പെടും