ഉംറക്കെത്തിയ മലയാളി വിമാനത്തില് മരിച്ചു
Synopsis
സ്വകാര്യ ഗ്രൂപ്പില് ഉംറക്കായി ചൊവ്വാഴ്ച രാവിലെ കായംകുളത്ത് നിന്ന് പുറപ്പെട്ട് കുവൈത്തില് എത്തി അവിടെനിന്ന് ഇഹ്റാം കെട്ടി മക്കയിലേക്ക് പോകുമ്പോള് ജിദ്ദയില് എത്തും മുമ്പ് വിമാനത്തില് വെച്ച് മരണം സംഭവിക്കുകയായിരുന്നു.
റിയാദ്: ഉംറ തീര്ഥാടനത്തിന് പുറപ്പെട്ട മലയാളി ജിദ്ദയിലേക്കുള്ള യാത്രയില് വിമാനത്തിനുള്ളില് വെച്ച് മരിച്ചു. കായംകുളം പുല്ലുകുളങ്ങര പുളിമുക്ക് ജങ്ഷനില് മദീന പാലസില് അഹമ്മദ് കോയയാണ് മരിച്ചത്.
സ്വകാര്യ ഗ്രൂപ്പില് ഉംറക്കായി ചൊവ്വാഴ്ച രാവിലെ കായംകുളത്ത് നിന്ന് പുറപ്പെട്ട് കുവൈത്തില് എത്തി അവിടെനിന്ന് ഇഹ്റാം കെട്ടി മക്കയിലേക്ക് പോകുമ്പോള് ജിദ്ദയില് എത്തും മുമ്പ് വിമാനത്തില് വെച്ച് മരണം സംഭവിക്കുകയായിരുന്നു. നടപടികള് പൂര്ത്തിയാക്കി മക്കയില് ഖബറടക്കും. മലയാളത്തില് ഒന്നിലേറെ കവിത സമാഹാരങ്ങള് രചിച്ചയാളാണ് അഹമ്മദ് കോയ. പിതാവ്: കാസിം കുഞ്ഞ്, മാതാവ്: ഫാത്തിമ. ഭാര്യ: സീനത്ത് ബിവി, മക്കള്: ഇനാസ്, ജാസിം, ഹസീന, ജസീന.
ദേഹാസ്വാസ്ഥ്യം അനുഭവപ്പെട്ട പ്രവാസി ആശുപത്രിയില് എത്തിക്കുന്നതിനിടെ മരിച്ചു
ഉംറ തീർത്ഥാടകൻ സൗദി അറേബ്യയില് ശ്വാസതടസം മൂലം മരിച്ചു
റിയാദ്: മലയാളിയായ ഉംറ തീർത്ഥാടകൻ മക്കയിൽ ശ്വാസതടസം മൂലം മരിച്ചു. കോഴിക്കോട് തോട്ടുമുക്കം പുതിയനിടം സ്വദേശി കൈപകശ്ശേരി ഹൈദര് (63) ആണ് മക്കയിലെ താമസസ്ഥലത്ത് മരിച്ചത്. ഏതാനും ദിവസം മുമ്പാണ് സ്വകാര്യ ഗ്രൂപ്പിന് കീഴിലാണ് ഉംറ തീര്ത്ഥാടനത്തിന് എത്തിയത്.
ആസ്തമ രോഗിയായിരുന്ന ഹൈദറിന് ശ്വാസ തടസം മൂർച്ഛിക്കുകയായിരുന്നു. മക്കയിലെ കിംഗ് ഫൈസല് ആശുപത്രി മോര്ച്ചറിയില് സൂക്ഷിച്ചിരിക്കുന്ന മൃതദേഹം നടപടിക്രമങ്ങള് പൂര്ത്തിയാക്കി മക്കയില് തന്നെ ഖബറടക്കുമെന്ന് ഐ.സി.എഫ് വെല്ഫെയര് വിംഗ് അറിയിച്ചു.
പ്രവാസി മലയാളി ഹൃദയാഘാതം മൂലം മരിച്ചു
പ്രവാസിയെ താമസ സ്ഥലത്ത് തൂങ്ങി മരിച്ച നിലയില് കണ്ടെത്തി
കുവൈത്ത് സിറ്റി: കുവൈത്തില് ഇന്ത്യക്കാരനെ ആത്മഹത്യ ചെയ്ത നിലയില് കണ്ടെത്തി. മിന അബ്ദുല്ല ഏരിയയിലായിരുന്നു സംഭവം. കമ്പനി ഉടമസ്ഥതയിലുള്ള താമസ സ്ഥലത്ത് കയറുപയോഗിച്ച് തൂങ്ങി മരിച്ച നിലയിലായിരുന്നു മൃതദേഹം കണ്ടെത്തിയതെന്ന് കുവൈത്തി മാധ്യമമായ അല് റായ് റിപ്പോര്ട്ട് ചെയ്തു.
ആഭ്യന്തര മന്ത്രാലയത്തിലെ ഓപ്പറേഷന്സ് റൂമില് വിവരം ലഭിച്ചതനുസരിച്ച് സുരക്ഷാ ഉദ്യോഗസ്ഥര് സ്ഥലത്തെത്തി പരിശോധന നടത്തുകയായിരുന്നു. മൃതദേഹം തുടര് നടപടികള്ക്കായി ഫോറന്സിക് വിഭാഗത്തിന് കൈമാറി. ആത്മഹത്യ ചെയ്തയാള് ഇന്ത്യന് പൗരനാണെന്ന വിവരം മാത്രമേ ലഭ്യമായിട്ടുള്ളൂ. ഇയാളെക്കുറിച്ചുള്ള കൂടുതല് വിവരങ്ങള് അധികൃതര് പുറത്തുവിട്ടിട്ടില്ല.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam